章節 | 全民台語聖經全羅經文 | 註釋 |
35:1 | Io-si-iah Kòe Pôaⁿ-kòe-cheh( LOH 23: 21-23)Io-si-iah tī Ê-lú-sa-lèm siú Pôaⁿ-kòe-cheh, ho̍k-sāi Siōng-chú. Chiaⁿ-goe̍h cha̍p-sì, jîn-bîn thâi Pôaⁿ-kòe-cheh ê iûⁿ-á. | 註釋 串珠 原文 典藏 |
35:2 | Ông phài chiahê chè-si tam in ê chit, koh bián-lē in chò Siōng-chú tiān ê kang. | 註釋 串珠 原文 典藏 |
35:3 | Koh tùi hiahê kui tī Siōng-chú chò sèng, kà-sī I-su-la-el lâng ê Lē-bī lâng, kóng, " Lín tio̍h kā sèng ê iok-kūi hē tī I-su-la-el ông Ta-bi̍t ê kiáⁿ Só͘-lô-móng só͘ khí ê tiān lāi, m̄-bián lín ēng keng-kah-thâu kng. Taⁿ lín tio̍h ho̍k-sāi Siōng-chú — lín ê Siōng-tè kah I ê chú-bîn — I-su-la-el lâng. | 註釋 串珠 字典 原文 典藏 |
35:4 | Lín tio̍h kakī chún-pī, chiàu lín ê chong-cho̍k, lín ê pan-lia̍t lâi chun-thàn I-su-la-el ông Ta-bi̍t só͘ kì ê kah i ê kiáⁿ Só͘-lô-móng só͘ kì ê. | 註釋 串珠 原文 典藏 |
35:5 | Khiā tī sèng ê só͘-chāi chiàu lín ê hiaⁿ-tī, to̍h-sī chiahê jîn-bîn chong-cho̍k ê pâng-thâu, tio̍h ū Lē-bī lâng chong-cho̍k ê chi̍t cho͘ lâi kā I ho̍k-sāi. | 註釋 串珠 字典 原文 典藏 |
35:6 | Tio̍h thâi Pôaⁿ-kòe-cheh ê iûⁿ-ko, kakī chheng-khì, ūi tio̍h lín ê hiaⁿ-tī chún-pī hó-sè, thang chiàu Siōng-chú thok Mô͘-se só͘ kóng ê lâi kiâⁿ. " | 註釋 串珠 原文 典藏 |
35:7 | Io-si-iah tùi kui kûn ê tiong-kan, mî-iûⁿ-á kah soaⁿ-iûⁿ-á kiōng saⁿ bān chiah, í-ki̍p gû-káng saⁿ chheng chiah hō͘ só͘-ū chò-hóe tī hia ê jîn-bîn chò Pôaⁿ-kòe-cheh ê chè-mi̍h. Chiahê sī tùi ông ê sán-gia̍p chhú-.lâi ê. | 註釋 串珠 字典 原文 典藏 |
35:8 | I hiahê siú-léng mā hoaⁿ-hí the̍h chhut-lâi hō͘ jîn-bîn kah chè-si í-ki̍p Lē-bī lâng. Hiahê koán-lí Siōng-chú ê tiān ê Hil-kí-iah, Cha-kha-lī-a, Ia-chi-el, ēng iûⁿ-á nn̄g-chheng la̍k-pah chiah kah gû saⁿ pah chiah, hō͘ chè-si chò Pôaⁿ-kòe-cheh ê chè-mi̍h. | 註釋 串珠 字典 原文 典藏 |
35:9 | Lē-bī lâng hiahê thâu-ba̍k Ko-na-ni-iah kah i ê hiaⁿ-tī Si-má-iah, Na-than-el, Ha-sia-biah, E-i-el kah Io-cha-bat, ēng iûⁿ-á gō͘ chheng chiah, gû gō͘ pah chiah, hō͘ Lē-bī lâng chò Pôaⁿ-kòe-cheh ê chè-mi̍h. | 註釋 串珠 字典 原文 典藏 |
35:10 | Án-ne, ho̍k-sāi ê tāichì lóng chún-pī hó-sè. Chè-si khiā tī i ê ūi, Lē-bī lâng khiā tī in ê pan-lia̍t, chiàu ông só͘ bēng-lēng ê. | 註釋 串珠 原文 典藏 |
35:11 | In thâi Pôaⁿ-kòe-cheh ê iûⁿ-á, chè-si tùi in ê chhiú chiap hoeh lâi hiù, Lē-bī lâng pak hiahê phôe, | 註釋 串珠 原文 典藏 |
35:12 | mā kā sio-chè î-sóa, thang chiàu jîn-bîn chong-cho̍k ê pâng-thâu pun hō͘ in thang hiàn hō͘ Siōng-chú, chiàu Mô͘-se ê chheh só͘ kì ê; chhù-lí hiahê gû mā sī ánne. | 註釋 串珠 字典 原文 典藏 |
35:13 | In chiàu tiāⁿ tio̍h ê lē, ēng hóe piak Pôaⁿ-kòe-cheh ê iûⁿ-á. Hiahê chè-mi̍h ēng tiáⁿ, ēng oe, ēng poah lâi chú liáu-āu, chiū kóaⁿ-kín tòa-khì hō͘ chèng lâng. | 註釋 串珠 字典 原文 典藏 |
35:14 | Jiân-āu ūi kakī kah chè-si chún-pī, in-ūi chè-si A-lông ê kiáⁿ-sun choan-sim hiàn sio-chè kah iû, ti̍t-kàu ê-hng. Só͘-í, Lē-bī lâng ūi kakī, mā ūi chè-si A-lông ê kiáⁿ-sun chún-pī hiahê chè-mi̍h. | 註釋 串珠 原文 典藏 |
35:15 | Chhiùⁿ koa ê A-sah ê kiáⁿ-sun, khiā tī in ê ūi, chiàu Ta-bi̍t, A-sah, He-mán kah ông ê sian-kiàn E-to-tòng só͘ bēng-lēng ê, kò͘-mn̂g ê lâng kò͘-siú ta̍k-ê mn̂g, in m̄-bián lī-khui in ê kang, in-ūi in ê hiaⁿ-tī Lē-bī lâng ū thè in chún-pī. | 註釋 串珠 字典 原文 典藏 |
35:16 | Tng hit ji̍t, ho̍k-sāi Siōng-chú ê tāichì lóng chún-pī hó-sè, mā siú Pôaⁿ-kòe-cheh, mā hiàn sio-chè tī Siōng-chú ê tôaⁿ, chiàu Io-si-iah ông só͘ bēng-lēng ê. | 註釋 串珠 字典 原文 典藏 |
35:17 | Hit sî, chò-hóe tī hia ê I-su-la-el lâng siú Pôaⁿ-kòe-cheh, mā siú Tû-kàⁿ-cheh, keng-kòe chhit kang. | 註釋 串珠 字典 原文 典藏 |
35:18 | Tùi sian-ti Sa-mu-el ê ji̍t í-āu, tī I-su-la-el tiong bô ū chhin-chhiūⁿ chit sî só͘ siú ê Pôaⁿ-kòe-cheh; jî-chhiáⁿ I-su-la-el lia̍t ông mā lóng bô chhin-chhiūⁿ Io-si-iah, chè-si kah Lē-bī lâng, í-ki̍p tông-chāi ê Iô-tah, kah I-su-la-el lâng, kah tòa tī Ê-lú-sa-lèm ê jîn-bîn só͘ siú ê ánne teh siú Pôaⁿ-kòe-cheh. | 註釋 串珠 原文 典藏 |
35:19 | Tī Io-si-iah chò ông cha̍p-peh nî, chiū siú chit-ê Pôaⁿ-kòe-cheh. | 註釋 串珠 字典 原文 典藏 |
35:20 | Io-si-iah ê Thóng-tī Kiat-sok( LOH 23: 28-30)Chiahê tāichì í-āu, Io-si-iah í-keng kā tiān siu-chéng liáu-āu, ū Ai-gi̍p ông Ne-ko khí-.lâi, beh phah Iu-hu-la-té hô piⁿ ê Ka-ki-bí-si. Io-si-iah chiū chhut-khì kā i tí-tòng. | 註釋 串珠 原文 典藏 |
35:21 | I chhe sù-chiá lâi kìⁿ Io-si-iah kóng, " Iô-tah ông, góa kah lí ū siáⁿ-mi̍h khan-liân? Góa kin-á-ji̍t lâi m̄-sī beh kong-kek lí, sī beh kong-kek kah góa kau-chiàn ê ke, jî-chhiáⁿ Siōng-tè hoan-hù góa tio̍h kóaⁿ-kín, lí m̄ thang chhap Siōng-tè ê tāichì, bián-tit I kā lí châu-bia̍t, in-ūi Siōng-tè kah góa tông-chāi. " | 註釋 串珠 原文 典藏 |
35:22 | Chóng-.sī, Io-si-iah m̄-khéng oa̍t tńg-lâi lī-khui i, kái-chong beh lâi kah i kau-chiàn, m̄-thiaⁿ Siōng-tè thok Ne-ko só͘ kóng-chhut ê ōe, chiū lâi-kàu Me-gi-tóng ê soaⁿ-kok kau-chiàn. | 註釋 串珠 原文 典藏 |
35:23 | Siā chìⁿ ê lâng siā tio̍h Io-si-iah ông, ông tùi i ê jîn-sîn kóng, " Tòa góa chhut-.khì, in-ūi góa siū tāng siongà! " | 註釋 串珠 字典 原文 典藏 |
35:24 | I ê jîn-sîn hû i chhut hit tâi chhia, hē tī i ê tē-jī tâi chhia, chài i kàu Ê-lú-sa-lèm, i chiū sí, in kā i bâi-chòng tī i ê chó͘-sian hiahê bōng. Iô-tah kah Ê-lú-sa-lèm lóng ūi tio̍h Io-si-iah ai-siong. | 註釋 串珠 字典 原文 典藏 |
35:25 | I-é-lí-miah ūi Io-si-iah ai-siong, hiahê chhiùⁿ koa ê lâm-lí tī in ê ai-sû lóng ū kóng-khí Io-si-iah, kàu tī kin-á-ji̍t, koh tī I-su-la-el tiong ēng chiahê chò tiāⁿ tio̍h ê lē. Lí khòaⁿ, hiahê lóng kì tī ai-sû tiong. | 註釋 串珠 原文 典藏 |
35:26 | Io-si-iah kî-tha ê tāichì kah i chiàu Siōng-chú lu̍t-hoat só͘ kì lâi kiâⁿ ê hó sū, | 註釋 串珠 原文 典藏 |
35:27 | í-ki̍p i tùi-thâu kàu-bóe só͘ kiâⁿ ê tāichì, lí khòaⁿ, lóng kì tī I-su-la-el kah Iô-tah lia̍t ông ê kì-lio̍k tiong. | 註釋 串珠 字典 原文 典藏 |