章節 | 全民台語聖經全羅經文 | 註釋 |
25:1 | Ê-lú-sa-lèm Hām-lo̍h( LTH 36: 13-21; ILM 52: 3-11)Che-ti-kiah pōe-poān Ba-bú-lông ông. Tng i chē-ūi tē-káu nî, cha̍p-goe̍h chhe-cha̍p, Ba-bú-lông ông Nep-kat-ne-chal chhōa i ê kun-tūi lâi kong-kek Ê-lú-sa-lèm, tī siâⁿ ê tùi-bīn chat iâⁿ, koh tī sì-kho͘-ûi chò thô͘-tui lâi kong-kek siâⁿ. | 註釋 串珠 字典 原文 典藏 |
25:2 | Chiū ánne, siâⁿ siū ûi-khùn, it-ti̍t kàu Che-ti-kiah ông cha̍p-it nî. | 註釋 串珠 原文 典藏 |
25:3 | Sì-goe̍h chhe-káu, siâⁿ lāi ki-hng chin siong-tiōng, tì-sú hit só͘-chāi ê jîn-bîn lóng bô bí-niûⁿ. | 註釋 串珠 字典 原文 典藏 |
25:4 | Siâⁿ siū kong-phòa, só͘-ū ê peng-á thàu-mê tùi óa-kīn ông ê hn̂g, nn̄g-ê siâⁿ chhiûⁿ tiong ê mn̂g hit tiâu lō͘ tô-cháu. Kal-tí-ah lâng tútú tī sì-kho͘-ûi kong-kek siâⁿ, ông chiū tùi A-la̍h-bah ê lō͘ tô-cháu. | 註釋 串珠 字典 原文 典藏 |
25:5 | Kal-tí-ah ê kun-peng jiok ông, tī I-é-lī-kho siâⁿ ê pêng-goân jiok tio̍h i, i ê kun-tūi lóng lī-khui i sì-sòaⁿ-.khì. | 註釋 串珠 原文 典藏 |
25:6 | In lia̍h tio̍h ông, ah-kàu Lip-la̍h Ba-bú-lông ông hia, chiū kā i sím-phòaⁿ. | 註釋 串珠 原文 典藏 |
25:7 | Tī Che-ti-kiah ê ba̍k-chiu chêng, thâi-sí Che-ti-kiah hiahê kiáⁿ, koh iah Che-ti-kiah nn̄g lúi ba̍k-chiu, ēng thih-liān kā i liān khí-.lâi, kā i ah-kàu Ba-bú-lông. | 註釋 串珠 字典 原文 典藏 |
25:8 | Sèng-tiān Pī Húi-hoāi( LTH 36: 13-21; ILM 52: 3-11)Ba-bú-lông ông Nep-kat-ne-chal ông cha̍p-káu nî, gō͘-goe̍h chhe-chhit, kin-tòe Ba-bú-lông ông ê sī-ōe-tiúⁿ Ne-bu-cha-la-tàn lâi-kàu Ê-lú-sa-lèm, | 註釋 串珠 原文 典藏 |
25:9 | ēng hóe sio Siōng-chú ê tiān kah ông-kiong, koh ēng hóe sio Ê-lú-sa-lèm só͘-ū ê chhù, to̍h-sī hù-kùi ke ê chhù. | 註釋 串珠 字典 原文 典藏 |
25:10 | Kin-tòe sī-ōe-tiúⁿ Kal-tí-ah ê kun-tūi, chiū thiah-húi Ê-lú-sa-lèm sì-kho͘-ûi ê siâⁿ chhiûⁿ. | 註釋 串珠 原文 典藏 |
25:11 | Hit sî, sī-ōe-tiúⁿ Ne-bu-cha-la-tàn, kā lâu tī siâⁿ lāi só͘ chhun lo̍h-.lâi ê jîn-bîn kah hiahê tâu-hâng Ba-bú-lông ông ê, í-ki̍p kûn-chiòng tiong só͘ chhun lo̍h-.lâi ê, lóng lia̍h-.khì. | 註釋 串珠 原文 典藏 |
25:12 | To̍k-to̍k sī-ōe-tiúⁿ lâu siōng sànchhiah ê, hō͘ in tī-lí phû-tô hn̂g kah chèng-choh. | 註釋 串珠 原文 典藏 |
25:13 | Siōng-chú tiān lāi ê tâng-thiāu kah Siōng-chú tiān lāi ê phûn-chō, í-ki̍p tâng-hái, Kal-tí-ah lâng lóng kā i phah-phòa, kā hiahê tâng ūn kàu Ba-bú-lông, | 註釋 串珠 字典 原文 典藏 |
25:14 | koh tòa-khì tiáⁿ, thuh-á, chián-to, óaⁿ kah só͘ ēng it-chhè ê tâng-khì, | 註釋 串珠 字典 原文 典藏 |
25:15 | hóe-lô͘, pôaⁿ, só͘-ū kim-khì ê kim, gîn-khì ê gîn, sī-ōe-tiúⁿ lóng tòa-.khì. | 註釋 串珠 字典 原文 典藏 |
25:16 | Koh tòa Só͘-lô-móng ông ūi Siōng-chú ê tiān só͘ chō ê nn̄g ki thiāu, chi̍t-ê tâng-hái kah hiahê chō, chiahê khì-kū ê tâng chē kah bē tàng chhìn i ê khin-tāng. | 註釋 串珠 字典 原文 典藏 |
25:17 | Chit ki thiāu koân cha̍p-peh tiú, i ê téng-bīn ū tâng ê thiāu-táu, thiāu-táu koân saⁿ tiú; thiāu-táu ê sì-kho͘-ûi ū bāng-á kah sia̍h-liû, lóng sī tâng chò ê. Tē-jī ki thiāu siâng chi̍t-khoán, mā ū bāng-á. | 註釋 串珠 字典 原文 典藏 |
25:18 | Iô-tah Jîn-bîn Hông Lia̍h-khì Ba-bú-lông( ILM 52: 24-27)Sī-ōe-tiúⁿ lia̍h tōa-chè-si Se-la-iah kah tē-jī kip ê chè-si Che-hoan-iah kah saⁿ-ê kò͘-mn̂g ê, | 註釋 串珠 字典 原文 典藏 |
25:19 | koh tùi siâⁿ lāi lia̍h chi̍t-ê koán peng ê koaⁿ kah tī siâⁿ lāi só͘ tú tio̍h tiāⁿtiāⁿ kìⁿ ông ê bīn ê gō͘-ê lâng kah kun-tiúⁿ ê su-kì tiám-sǹg jîn-bîn ê, í-ki̍p siâⁿ tiong só͘ tú-.tio̍h ê jîn-bîn la̍k-cha̍p lâng. | 註釋 串珠 原文 典藏 |
25:20 | Sī-ōe-tiúⁿ Ne-bu-cha-la-tàn kā chiahê lâng lia̍h-kàu Lip-la̍h, Ba-bú-lông ông hia. | 註釋 串珠 原文 典藏 |
25:21 | Ba-bú-lông ông tī Ha-mat tē ê Lip-la̍h kā in phah, kā in thâi-sí, ánne Iô-tah ê jîn-bîn siū lia̍h lī-khui pún-tē. | 註釋 串珠 原文 典藏 |
25:22 | Iô-tah Séng-tiúⁿ Ge-tá-Lia̍h( ILM 40: 7-9; 41: 1-3)Kóng tio̍h Iô-tah kok chhun lo̍h-.lâi ê jîn-bîn, to̍h-sī Ba-bú-lông ông Nep-kat-ne-chal só͘ lâu lo̍h-.lâi ê, ông siat-li̍p Sia-hóaⁿ ê sun, A-hi-kam ê kiáⁿ, Ge-tá-lia̍h kā in koán-hat. | 註釋 串珠 原文 典藏 |
25:23 | Chèng kun-tiúⁿ kah sio̍k in ê lâng, thiaⁿ tio̍h Ba-bú-lông ông siat-li̍p Ge-tá-lia̍h kā in koán-hat. Chiū ánne, Ne-thá-niah ê kiáⁿ I-si-ma-el, Ka-lī-a ê kiáⁿ Io-ha-nân, Ne-to-hoat ê lâng Tan-hu-met ê kiáⁿ Se-la-iah, Má-kah lâng ê kiáⁿ Ia-cha-niah kah sio̍k in ê lâng, lóng lâi-kàu Mi-su-peh kìⁿ Ge-tá-lia̍h. | 註釋 串珠 原文 典藏 |
25:24 | Ge-tá-lia̍h tùi in kah sio̍k in ê lâng chiùchōa kóng, " Lín m̄-bián kiaⁿ Kal-tí-ah ê jîn-sîn, chò lín tòa chit só͘-chāi, ho̍k-sāi Ba-bú-lông ông, chiū thang tit tio̍h hok-khì. " | 註釋 串珠 原文 典藏 |
25:25 | Chhit goe̍h kan, ông-chhin E-lí-sia-mah ê sun, Ne-thá-niah ê kiáⁿ I-si-ma-el, chhōa cha̍p-ê lâng kah i chò-hóe lâi, phah-sí Ge-tá-lia̍h í-ki̍p kah i tī Mi-su-peh ê Iô-tah lâng kah Kal-tí-ah lâng. | 註釋 串珠 原文 典藏 |
25:26 | Chiū ánne, chèng lâng bô-lūn tōa-sè, kah hiahê kun-tiúⁿ lóng khí-lâi khì Ai-gi̍p, in-ūi kiaⁿ Kal-tí-ah lâng ê iân-kò͘. | 註釋 串珠 原文 典藏 |
25:27 | E-hō͘-iá-kin Ông Pī Tháu-pàng( ILM 52: 31-34)Iô-tah ông E-hō͘-iá-kin siū lia̍h liáu-āu tē-saⁿ-cha̍p chhit nî, Ba-bú-lông ông E-bil-me-lo-tak goân nî, cha̍p-jī-goe̍h jī-cha̍p chhit, kí-khí Iô-tah ông E-hō͘-iá-kin, pàng i chhut kaⁿ; | 註釋 串珠 字典 原文 典藏 |
25:28 | mā ēng hó ōe kā i an-ùi, hō͘ i ê ūi pí kî-tha chiahê ông ê ūi khah koân, to̍h-sī kah i chò-hóe tī Ba-bú-lông ê hiahê ông. | 註釋 串珠 字典 原文 典藏 |
25:29 | Thǹg khì i kaⁿ lāi só͘ chhēng ê saⁿ, chi̍t-sì-lâng kah Ba-bú-lông ông chò-hóe chia̍h. | 註釋 串珠 字典 原文 典藏 |
25:30 | Ba-bú-lông ông siúⁿ-sù i só͘ su-iàu ê chia̍h-mi̍h, múi ji̍t hō͘ i chi̍t hūn, chi̍t-sì-lâng lóng sī ánne. | 註釋 串珠 原文 典藏 |