章節 | 巴克禮全羅經文 | 註釋 |
15:1 | Góa sī chin ê phû-tô chhiū, góa ê Pē sī choh-hn̂g ê lâng. | 註釋 串珠 盧俊義 字典 讀經 原文 典藏 |
15:2 | Kìⁿ-nā liân tī góa ê ki bô kiat ké-chí ê, I chiū san-khí-lâi; kìⁿ-nā kiat ké-chí ê, I chiū siu hō͘ i chheng-khì, hō͘ i kiat ké-chí koh khah chōe. | 註釋 串珠 盧俊義 讀經 原文 典藏 |
15:3 | Taⁿ lín in-ūi góa só͘ kā lín kóng ê tō-lí í-keng chheng-khì lah. | 註釋 串珠 盧俊義 讀經 原文 典藏 |
15:4 | Lín tio̍h tiàm-tī góa, góa ia̍h tiàm-tī lín; Siat-sú ki bô liân tī phû-tô chhiū, chiū bōe-ōe ka-kī kiat ké-chí; lín nā bô tiàm-tī góa, ia̍h sī án-ni. | 註釋 串珠 盧俊義 字典 讀經 原文 典藏 |
15:5 | Góa chiū-sī phû-tô chhiū, lín chiū-sī ki; tiàm tī góa, iā góa tiàm tī i ê, chiū kiat ké-chí chōe-chōe; in-ūi kap góa saⁿ-lī, lín chiū bōe chòe sím-mi̍h. | 註釋 串珠 盧俊義 字典 讀經 原文 典藏 |
15:6 | Lâng nā bô tiàm tī góa, chiū siū khì-sak tī gōa-bīn, chhin-chhiūⁿ ki, sòa ko͘-tâ; lâng khioh in hiat-lo̍h hé, chiū sio-khì. | 註釋 串珠 盧俊義 讀經 原文 典藏 |
15:7 | Lín nā tiàm tī góa, góa ê ōe tiàm tī lín, hoān-nā só͘ ài ê lín tio̍h kiû, chiū beh kā lín chiâⁿ. | 註釋 串珠 盧俊義 讀經 原文 典藏 |
15:8 | Lín kiat ké-chí chōe-chōe, tùi án-ni góa ê Pē tit-tio̍h êng-kng; ia̍h lín beh chiâⁿ-chòe góa ê ha̍k-seng. | 註釋 串珠 盧俊義 讀經 原文 典藏 |
15:9 | Góa ū thiàⁿ lín, chhin-chhiūⁿ Pē ū thiàⁿ góa; lín tio̍h tiàm tī góa ê thiàⁿ. | 註釋 串珠 盧俊義 讀經 原文 典藏 |
15:10 | Lín nā siú góa ê kài-bēng chiū beh tiàm tī góa ê thiàⁿ, chhin-chhiūⁿ góa ū siú góa ê Pē ê kài-bēng, tiàm tī I ê thiàⁿ. | 註釋 串珠 盧俊義 讀經 原文 典藏 |
15:11 | Góa í-keng ēng chiah-ê kā lín kóng, beh hō͘ góa ê hoaⁿ-hí tiàm tī lín, ia̍h hō͘ lín ê hoaⁿ-hí móa-móa. | 註釋 串珠 盧俊義 讀經 原文 典藏 |
15:12 | Lín tio̍h saⁿ-thiàⁿ, chhin-chhiūⁿ góa ū thiàⁿ lín; che sī góa ê bēng-lēng. | 註釋 串珠 盧俊義 讀經 原文 典藏 |
15:13 | Lâng ūi-tio̍h pêng-iú hiàn sìⁿ-miā, thiàⁿ bô ū pí chit-ê khah tōa ê. | 註釋 串珠 盧俊義 讀經 原文 典藏 |
15:14 | Lín nā kiâⁿ góa só͘ bēng-lēng lín ê, chiū-sī góa ê pêng-iú. | 註釋 串珠 盧俊義 讀經 原文 典藏 |
15:15 | Taⁿ liáu-āu, góa bô kiò lín chòe lô͘-po̍k; in-ūi lô͘-po̍k m̄ chai i ê chú-lâng ê só͘ kiâⁿ; nā-sī góa í-keng kiò lín chòe pêng-iú; in-ūi góa tùi Pē só͘ thiaⁿ-kìⁿ ê, lóng ū kā lín kóng. | 註釋 串珠 盧俊義 讀經 原文 典藏 |
15:16 | M̄ sī lín kéng góa, sī góa kéng lín, koh siat-li̍p lín, hō͘ lín khì kiat ké-chí, koh hō͘ lín ê ké-chí kú-tn̂g tī-teh; hō͘ lín tī góa ê miâ bô lūn tùi Pē kiû sím-mi̍h, I chiū hō͘ lín. | 註釋 串珠 盧俊義 讀經 原文 典藏 |
15:17 | Góa ēng chiah-ê bēng-lēng lín, sī beh hō͘ lín saⁿ-thiàⁿ. | 註釋 串珠 盧俊義 讀經 原文 典藏 |
15:18 | Sè-kan nā oàn-hūn lín, lín chai i iáu-bē oàn-hūn lín, í-keng tāi-seng oàn-hūn góa. | 註釋 串珠 盧俊義 讀經 原文 典藏 |
15:19 | Lín nā sio̍k sè-kan, sè-kan chiū thiàⁿ i ka-kī ê; to̍k-to̍k in-ūi lín m̄ sī sio̍k sè-kan, chiū-sī góa kéng lín chhut sè-kan, só͘-í sè-kan oàn-hūn lín. | 註釋 串珠 盧俊義 讀經 原文 典藏 |
15:20 | Lín tio̍h kì-tit góa só͘ kā lín kóng ê ōe, kóng, Lô͘-po̍k bô khah tōa i ê chú-lâng. Lâng nā ū khún-tio̍k góa, ia̍h beh khún-tio̍k lín; nā ū siú góa ê ōe ia̍h beh siú lín ê ōe. | 註釋 串珠 盧俊義 讀經 原文 典藏 |
15:21 | Nā-sī in beh in-ūi góa ê miâ ēng chiah-ê it-chhè ê sū khoán-thāi lín, sī in-ūi m̄ bat chhe góa ê. | 註釋 串珠 盧俊義 讀經 原文 典藏 |
15:22 | Góa nā bô lâi kā in kóng, in chiū bô chōe; taⁿ in ê chōe bô thang the-sî lah. | 註釋 串珠 盧俊義 讀經 原文 典藏 |
15:23 | Oàn-hūn góa ê lâng, ia̍h oàn-hūn góa ê Pē. | 註釋 串珠 盧俊義 讀經 原文 典藏 |
15:24 | Góa nā tī in tiong-kan m̄ bat kiâⁿ pa̍t lâng só͘ bē bat kiâⁿ ê, in chiū bô chōe; nā-sī taⁿ góa kap góa ê Pē, in ia̍h ū khòaⁿ-kìⁿ, ia̍h ū oàn-hūn. | 註釋 串珠 盧俊義 讀經 原文 典藏 |
15:25 | Che sī beh èng-giām in ê lu̍t-hoat só͘ kì-chài ê ōe kóng, In bô iân-kò͘ oàn-hūn góa. | 註釋 串珠 盧俊義 讀經 原文 典藏 |
15:26 | Nā-sī Pó-hūi-su, chiū-sī chin-lí ê Sîn, tùi Pē chhut ê, góa tùi Pē beh chhe I chiū-kūn lín; I nā kàu, beh ūi-tio̍h góa chòe kan-chèng; lín ia̍h beh chòe kan-chèng, | 註釋 串珠 盧俊義 讀經 原文 典藏 |
15:27 | in-ūi lín tùi khí-thâu kap góa tī-teh. | 註釋 串珠 盧俊義 讀經 原文 典藏 |