| 章節 | 巴克禮全羅經文 | 註釋 |
| 21:1 | Iâ-so͘ kia̍h ba̍k khòaⁿ-kìⁿ chiah-ê hó-gia̍h lâng chiong in só͘ hiàn ê hiat-lo̍h khò͘-pâng. | 註釋 串珠 字典 讀經 原文 典藏 |
| 21:2 | Koh khòaⁿ-kìⁿ chi̍t ê sòng-hiong ê chiú-kóaⁿ lâng chiong nn̄g ê pòaⁿ-lî hiat-lo̍h-khì. | 註釋 串珠 字典 讀經 原文 典藏 |
| 21:3 | Chiū kóng, Góa chin-si̍t kā lín kóng, Chit ê sòng-hiong ê chiú-kóaⁿ lâng só͘ hiat ê pí chèng lâng só͘ hiat ê khah chōe. | 註釋 串珠 讀經 原文 典藏 |
| 21:4 | In-ūi chèng lâng sī tùi in ū chhun ê hiat-lo̍h-khì hiàn; nā-sī chit ê hū-jîn-lâng sī tùi i ê bô kàu ê it-chīn hiat i só͘ óa-khò lâi oa̍h ê. | 註釋 串珠 讀經 原文 典藏 |
| 21:5 | Ū lâng kóng-khí tiān-tn̂g sī ēng hó chio̍h kap só͘ hiàn ê mi̍h lâi chng-thāⁿ, | 註釋 串珠 字典 讀經 原文 典藏 |
| 21:6 | hit sî Iâ-so͘ kóng, Lín só͘ khòaⁿ-kìⁿ hiah-ê mi̍h, ji̍t-chí beh kàu, tī chia beh bô chi̍t tè chio̍h lâu tī chio̍h ê téng-bīn, iā bô chhia-lo̍h-khì. | 註釋 串珠 讀經 原文 典藏 |
| 21:7 | In chiū mn̄g I kóng, Sian-siⁿ ah, án-ni sím-mi̍h sî beh ū hiah-ê sū? Koh chiah-ê sū beh chiâⁿ ê sî, ū sím-mi̍h tiāu-thâu ah? | 註釋 串珠 讀經 原文 典藏 |
| 21:8 | Iâ-so͘ kóng, Tio̍h kín-sīn bián-tit siū bê-he̍k. In-ūi beh ū chōe-chōe lâng thok góa ê miâ lâi kóng, Góa chiū-sī Ki-tok; koh kóng, Sî kūn lah; lín m̄-thang khì tè in. | 註釋 串珠 讀經 原文 典藏 |
| 21:9 | Lín beh thiaⁿ-kìⁿ kau-chiàn kap jiáu-loān ê sū, hit sî m̄-bián kiaⁿ-hiâⁿ. In-ūi chiah-ê tāi-chì tek-khak tāi-seng ū; chóng-sī boa̍t-kî bô liâm-piⁿ kàu. | 註釋 串珠 讀經 原文 典藏 |
| 21:10 | Chiū kā in kóng, Peh-sìⁿ beh khí-lâi kong-kek peh-sìⁿ, kok iā beh khí-lâi kong-kek kok. | 註釋 串珠 讀經 原文 典藏 |
| 21:11 | Tōe beh tōa tín-tāng, iā chōe-chōe só͘-chāi ū ki-hng un-e̍k; tùi thiⁿ-ni̍h iā beh ū thang kiaⁿ ê siōng kap tōa ê sîn-jiah. | 註釋 串珠 讀經 原文 典藏 |
| 21:12 | Chiah-ê sū ê tāi-seng lâng beh hē chhiú lia̍h lín, khún-tio̍k lín, chiong lín sàng-kau tī hōe-tn̂g kap kaⁿ-lô, iā ūi-tio̍h góa ê miâ tòa lín kàu tī kun-ông koaⁿ-hú ê bīn-chêng. | 註釋 串珠 字典 讀經 原文 典藏 |
| 21:13 | Chiah-ê sū beh chiâⁿ-chòe lín ê kan-chèng. | 註釋 串珠 讀經 原文 典藏 |
| 21:14 | Só͘-í lín ê sim-chì tio̍h koat-toàn bô tāi-seng khòa-lū beh cháiⁿ-iūⁿ hun-sò͘. | 註釋 串珠 讀經 原文 典藏 |
| 21:15 | In-ūi góa beh siúⁿ-sù lín kháu-châi tì-hūi, chiū-sī lín ê chèng tùi-te̍k só͘ bōe-ōe tí-tng piān-pok ê. | 註釋 串珠 讀經 原文 典藏 |
| 21:16 | Lín iā beh hō͘ pē-bú, hiaⁿ-tī, chhin-chhek, pêng-iú ké-sàng; | 註釋 串珠 讀經 原文 典藏 |
| 21:17 | lín tiong-kan ū ê beh hō͘ in hāi-sí; lín in-ūi góa ê miâ beh hō͘ chèng lâng oàn-hūn; | 註釋 串珠 讀經 原文 典藏 |
| 21:18 | chóng-sī lín chi̍t ki thâu-mn̂g iā bōe sit-lo̍h. | 註釋 串珠 讀經 原文 典藏 |
| 21:19 | Lín ēng thun-lún tit-tio̍h lín ê oa̍h-miā. | 註釋 串珠 讀經 原文 典藏 |
| 21:20 | Lín khòaⁿ-kìⁿ Iâ-lō͘-sat-léng hō͘ kun-peng só͘ ûi, chiū chai i ê pha-hng kūn lah. | 註釋 串珠 讀經 原文 典藏 |
| 21:21 | Hit sî tī Iû-thài ê tio̍h cháu-khì soaⁿ-ni̍h; tī siâⁿ-lāi ê tio̍h chhut-lâi; tī hn̂g-ni̍h ê m̄-thang ji̍p siâⁿ. | 註釋 串珠 讀經 原文 典藏 |
| 21:22 | In-ūi chiah-ê ji̍t sī sin-oan ê ji̍t, hō͘ só͘ ū kì-chài ê lóng èng-giām. | 註釋 串珠 讀經 原文 典藏 |
| 21:23 | Tng hiah-ê ji̍t ū sin-īn kap hō͘ eⁿ-á chia̍h lin ê hū-jîn-lâng ū chai-ē; in-ūi beh ū tōa ê khùn-khó͘ kàu tī hit ê tōe-hng, iā siū-khì kàu tī chit ê peh-sìⁿ; | 註釋 串珠 讀經 原文 典藏 |
| 21:24 | in beh hō͘ to thâi-sí, siū lia̍h kàu bān pang; Iâ-lō͘-sat-léng beh hō͘ lia̍t-pang lâng thún-ta̍h, kàu lia̍t-pang ê kî móa. | 註釋 串珠 字典 讀經 原文 典藏 |
| 21:25 | Tī ji̍t, ge̍h, chhiⁿ-sîn teh-beh ū tiāu-thâu, tī tōe-chiūⁿ lia̍t-pang khùn-khó͘; ūi-tio̍h hái kap éng ê hōa-hōa-háu chiū hun-loān; | 註釋 串珠 讀經 原文 典藏 |
| 21:26 | lâng tùi kiaⁿ-hiâⁿ í-ki̍p thèng-hāu só͘ beh kàu tī thiⁿ-ē ê sū chiū hun-khì; in-ūi thiⁿ-siōng beh tín-tāng. | 註釋 串珠 讀經 原文 典藏 |
| 21:27 | Tī hit sî beh khòaⁿ-kìⁿ Jîn-chú ēng koân-lêng kap tōa êng-kng chē hûn lâi. | 註釋 串珠 讀經 原文 典藏 |
| 21:28 | Tú-tú ū chiah-ê sū, lín tio̍h thêng-sin khí-lâi kia̍h thâu; in-ūi lín ê sio̍k-hôe kūn lah. | 註釋 串珠 讀經 原文 典藏 |
| 21:29 | Koh ēng phì-jū kā in kóng, Chhì-khòaⁿ bû-hoa-kó kap lóng-chóng ê chhiū, | 註釋 串珠 字典 讀經 原文 典藏 |
| 21:30 | in puh-íⁿ ê sî lín khòaⁿ-kìⁿ, chiū ka-kī chai hē-thiⁿ kūn lah. | 註釋 串珠 讀經 原文 典藏 |
| 21:31 | Án-ni, lín khòaⁿ-kìⁿ chiah-ê sū chiū tio̍h chai Siōng-tè ê kok kūn lah. | 註釋 串珠 讀經 原文 典藏 |
| 21:32 | Góa si̍t-chāi kā lín kóng, Chit sè-tāi iáu-bē kè-khì, chiah-ê tāi-chì lóng beh chiâⁿ. | 註釋 串珠 讀經 原文 典藏 |
| 21:33 | Thiⁿ kap tōe beh bô-khì, góa ê ōe bōe bô-khì. | 註釋 串珠 讀經 原文 典藏 |
| 21:34 | Nā-sī lín tio̍h ka-kī kín-sīn, kiaⁿ-liáu lín ê sim hō͘ tham-chia̍h, chiú-chùi, kap chit sè-kan ê khòa-lū phah-loān, chiū hit ji̍t chhin-chhiūⁿ oa̍h-tauh hut-jiân kàu tī lín; | 註釋 串珠 讀經 原文 典藏 |
| 21:35 | in-ūi hit ji̍t beh chhin-chhiūⁿ án-ni kàu tī kìⁿ-nā khiā-khí choân tōe-bīn ê chèng lâng. | C註釋 註釋 串珠 字典 讀經 原文 典藏 |
| 21:36 | Nā-sī lín tio̍h ta̍k sî kéng-séng, kî-tó, hō͘ lín ōe tit siám-pī chiong-lâi lóng-chóng ê sū, lâi khiā tī Jîn-chú ê bīn-chêng. | 註釋 串珠 讀經 原文 典藏 |
| 21:37 | Iâ-so͘ ji̍t-sî tī tiān-ni̍h kà-sī lâng; mî-sî chhut-khì, hioh tī hit-ê miâ chòe Kaⁿ-ná ê soaⁿ. | 註釋 串珠 字典 讀經 原文 典藏 |
| 21:38 | Chèng peh-sìⁿ thàu-chá khì tiān-ni̍h chhē I, ài beh thiaⁿ I. | 註釋 串珠 字典 讀經 原文 典藏 |