| 章節 | 巴克禮全羅經文 | 註釋 |
| 19:1 | Iâ-so͘ ji̍p Iâ-lī-ko, teh kè-khì ê sî, | 註釋 串珠 讀經 原文 典藏 |
| 19:2 | ū chi̍t lâng miâ kiò Sat-kai, sī chòe thiu-hiòng ê thâu-lâng, iā sī hó-gia̍h. | 註釋 串珠 讀經 原文 典藏 |
| 19:3 | I ài beh khòaⁿ Iâ-so͘ sī sím-mi̍h lâng, nā-sī lâng chōe, khòaⁿ bōe tio̍h, in-ūi i seng-khu óe-sòe. | 註釋 串珠 讀經 原文 典藏 |
| 19:4 | Chiū cháu chòe chêng, peh-chiūⁿ sng-châi chhiū, beh khòaⁿ I; in-ūi Iâ-so͘ beh tùi hia kè. | 註釋 串珠 字典 讀經 原文 典藏 |
| 19:5 | Iâ-so͘ kàu hit ūi, kia̍h thâu khòaⁿ i kóng, Sat-kai kín-kín lo̍h-lâi, in-ūi kin-á-ji̍t góa tek-khak tio̍h tiàm lí ê ke. | 註釋 串珠 讀經 原文 典藏 |
| 19:6 | Chiū kín-kín lo̍h-lâi, hoaⁿ-hí chiap-la̍p I. | 註釋 串珠 讀經 原文 典藏 |
| 19:7 | Chèng lâng khòaⁿ-kìⁿ, nga̍uh-nga̍uh-liām kóng, I ji̍p khì hioh tī pháiⁿ lâng ê chhù. | 註釋 串珠 讀經 原文 典藏 |
| 19:8 | Sat-kai khiā-teh, tùi Chú kóng, Chú ah, góa chiong só͘ ū ê chi̍t pòaⁿ hō͘ sòng-hiong lâng; nā sī bat oaiⁿ sím-mi̍h lâng, chiū chiong sì-pē pê i. | 註釋 串珠 讀經 原文 典藏 |
| 19:9 | Iâ-so͘ tùi i kóng, Kin-á-ji̍t chín-kiù kàu tī chit ê ke; ūi-tio̍h i iā sī A-pek-la̍h-hán ê kiáⁿ-sun. | 註釋 串珠 讀經 原文 典藏 |
| 19:10 | In-ūi Jîn-chú kàu, sī beh chhē sit-lo̍h ê, lâi kiù i. | 註釋 串珠 讀經 原文 典藏 |
| 19:11 | In thiaⁿ-kìⁿ chiah-ê ōe ê sî, Iâ-so͘ koh siat chi̍t ê phì-jū, sī in-ūi I í-keng kūn Iâ-lō͘-sat-léng, in iā phah-sǹg Siōng-tè ê kok beh liâm-piⁿ hián-bêng. | 註釋 串珠 讀經 原文 典藏 |
| 19:12 | I chiū kóng, Ū chi̍t ê chun-kùi ê lâng khì hn̄g-hn̄g ê só͘-chāi beh siū hong lâi tit-tio̍h kok, chiah tò-tńg lâi. | 註釋 串珠 讀經 原文 典藏 |
| 19:13 | Chiū kiò i cha̍p ê lô͘-po̍k, ēng gûn cha̍p kun hō͘ in, tùi in kóng, Khì chòe seng-lí kàu góa tò-lâi. | 註釋 串珠 字典 讀經 原文 典藏 |
| 19:14 | Chóng-sī i pún-kok ê peh-sìⁿ oàn-hūn i, chhe sù-chiá tè-āu khì kóng, Goán m̄ ài chit lâng chòe goán ê ông. | 註釋 串珠 讀經 原文 典藏 |
| 19:15 | I tit-tio̍h kok tò-tńg lâi, chiū hoan-hù kiò hiah-ê tùi i niá gûn ê lô͘-po̍k lâi, ài beh chai in chòe seng-lí só͘ thàn ê. | 註釋 串珠 字典 讀經 原文 典藏 |
| 19:16 | Thâu-chi̍t-ê lâi i ê bīn-chêng kóng, Chú ah, lí chi̍t kun ê gûn í-keng thàn cha̍p kun lah. | 註釋 串珠 字典 讀經 原文 典藏 |
| 19:17 | I kā i kóng, Hó ah, hó ê lô͘-po̍k, in-ūi lí tī chì sió-khóa ê sū í-keng chīn-tiong, taⁿ hō͘ lí koán cha̍p ê siâⁿ. | 註釋 串珠 讀經 原文 典藏 |
| 19:18 | Hit ê tē jī ê lâi kóng, Chú ah, lí chi̍t kun ê gûn í-keng tit-tio̍h gō͘ kun lah. | 註釋 串珠 字典 讀經 原文 典藏 |
| 19:19 | I iā kā i kóng, Hō͘ lí iā koán gō͘ ê siâⁿ. | 註釋 串珠 讀經 原文 典藏 |
| 19:20 | Koh chi̍t ê lâi kóng, Chú ah, lí khòaⁿ, lí chi̍t kun ê gûn tī chia, góa ēng chhiú-kun pau khǹg-teh; | 註釋 串珠 字典 讀經 原文 典藏 |
| 19:21 | in-ūi góa kiaⁿ lí, lí sī giâm-ha̍t ê lâng, the̍h só͘ bô hē ê, koah só͘ bô iā ê. | 註釋 串珠 讀經 原文 典藏 |
| 19:22 | I kā i kóng, Pháiⁿ ê lô͘-po̍k ah, chiū lí só͘ kóng ê góa beh gí-toàn lí. Lí kì-jiân chai góa sī giâm-ha̍t ê lâng, the̍h só͘ bô hē ê, koah só͘ bô iā ê; | 註釋 串珠 讀經 原文 典藏 |
| 19:23 | siáⁿ-sū m̄ chiong góa ê gûn khì lok tī chîⁿ-tiàm, kàu góa lâi ê sî, thang liân hit ê lī-sek sòa the̍h? | 註釋 串珠 字典 讀經 原文 典藏 |
| 19:24 | Chiū kā piⁿ-á khiā ê lâng kóng, Chiong i chi̍t kun ê gûn kā i the̍h-lâi, hō͘ hit ê ū cha̍p kun ê. | 註釋 串珠 字典 讀經 原文 典藏 |
| 19:25 | In kā i kóng, Chú ah, i ū cha̍p kun lah. | 註釋 串珠 字典 讀經 原文 典藏 |
| 19:26 | Góa kā lín kóng, Kìⁿ-nā ū-ê beh hō͘ i; bô-ê, liân i só͘ ū ê iā beh kā i the̍h-khì. | 註釋 串珠 讀經 原文 典藏 |
| 19:27 | Nā-sī góa hiah-ê tùi-te̍k, m̄ ài góa chòe in ê ông ê, tio̍h thoa in lâi, tī góa ê bīn-chêng thâi-sí in. | 註釋 串珠 讀經 原文 典藏 |
| 19:28 | Iâ-so͘ kóng soah, chìn-chêng kiâⁿ, chiūⁿ Iâ-lō͘-sat-léng. | 註釋 串珠 讀經 原文 典藏 |
| 19:29 | Kiâⁿ kūn Pek-hoat-kî kap Pek-tāi-nî, tī hit-ê miâ kiò Kaⁿ-ná ê soaⁿ, chiū chhe nn̄g ê ha̍k-seng, kóng, | 註釋 串珠 字典 讀經 原文 典藏 |
| 19:30 | Lín khì tùi-bīn ê hiuⁿ-siā, ji̍p-khì ê sî beh tú-tio̍h chi̍t chiah lû-á pa̍k tī hia, iáu-bē bat ū lâng khiâ ê, tháu-khui kā i khan lâi. | 註釋 串珠 字典 讀經 原文 典藏 |
| 19:31 | Nā ū lâng mn̄g lín, Tháu lû beh siáⁿ-sū? lín tio̍h kóng, Chú khiàm-ēng i. | 註釋 串珠 讀經 原文 典藏 |
| 19:32 | Só͘ chhe ê lâng khì, kó-jiân tú-tio̍h chiàu I só͘ kā in kóng ê. | 註釋 串珠 讀經 原文 典藏 |
| 19:33 | Tháu lû-á ê sî, chú-lâng tùi in kóng, Tháu lû-á beh siáⁿ-sū? | 註釋 串珠 字典 讀經 原文 典藏 |
| 19:34 | In kóng, Chú khiàm-ēng i. | 註釋 串珠 讀經 原文 典藏 |
| 19:35 | Chiū khan i chiū-kūn Iâ-so͘; chiong in ê saⁿ phoa̍h tī lû-á téng, hû Iâ-so͘ khiâ i. | 註釋 串珠 字典 讀經 原文 典藏 |
| 19:36 | I kiâⁿ ê sî, lâng ēng in ê saⁿ pho͘ tī lō͘-ni̍h. | 註釋 串珠 字典 讀經 原文 典藏 |
| 19:37 | Í-keng kūn, beh lo̍h Kaⁿ-ná soaⁿ, kui tīn ê ha̍k-seng chiū hoaⁿ-hí, tōa siaⁿ o-ló Siōng-tè, ūi-tio̍h só͘ khòaⁿ-kìⁿ lóng-chóng ê koân-lêng; | 註釋 串珠 字典 讀經 原文 典藏 |
| 19:38 | kóng, Tī Chú ê miâ lâi ê ông, eng-kai tit-tio̍h o-ló, tī thiⁿ-ni̍h hô-pêng, tī chì-koâiⁿ ê ūi êng-kng. | 註釋 串珠 讀經 原文 典藏 |
| 19:39 | Chèng lâng tiong ū kúi-nā ê Hoat-lī-sài lâng tùi I kóng, Sian-siⁿ ah, tio̍h chek-pī lí ê ha̍k-seng. | 註釋 串珠 讀經 原文 典藏 |
| 19:40 | I ìn kóng, Góa kā lín kóng, in nā chēng-chēng, hiah-ê chio̍h-thâu beh âu-kiò. | 註釋 串珠 讀經 原文 典藏 |
| 19:41 | Í-keng kūn, khòaⁿ-kìⁿ siâⁿ chiū ūi-tio̍h i thî-khàu, kóng, | 註釋 串珠 讀經 原文 典藏 |
| 19:42 | Siat-sú lí tī chit ji̍t nā chai koan-hē pêng-an ê sū! chóng-sī taⁿ tùi lí ê ba̍k-chiu ún-ba̍t. | 註釋 串珠 讀經 原文 典藏 |
| 19:43 | In-ūi sî-ji̍t beh kàu, lí ê tùi-te̍k beh chiu-ûi khí thô͘-siâⁿ lâi ûi lí, sì-bīn khùn-khó͘ lí; | 註釋 串珠 字典 讀經 原文 典藏 |
| 19:44 | koh beh hō͘ lí kap lí lāi-tiong ê kiáⁿ-jî lóng tó tōe; bô lâu nn̄g tè chio̍h saⁿ-tha̍h; in-ūi lí m̄ chai koàn-kò͘ lí ê ji̍t. | 註釋 串珠 讀經 原文 典藏 |
| 19:45 | Í-keng ji̍p tiān-tn̂g, chiū kóaⁿ-chhut hiah-ê bōe mi̍h ê; | 註釋 串珠 字典 讀經 原文 典藏 |
| 19:46 | kā in kóng, Ū kì-chài kóng, Góa ê chhù beh chòe kî-tó ê chhù, nā-sī lín hō͘ i chòe chha̍t-siū. | 註釋 串珠 字典 讀經 原文 典藏 |
| 19:47 | Iâ-so͘ ji̍t-ji̍t tī tiān-ni̍h kà-sī lâng. Chiah-ê chè-si-thâu keng-ha̍k-sū í-ki̍p peh-sìⁿ ê sī-tōa kè-bô͘ beh bia̍t I; | 註釋 串珠 字典 讀經 原文 典藏 |
| 19:48 | chóng-sī chhē bô pō͘, in-ūi peh-sìⁿ lóng tì-ì thiaⁿ I. | 註釋 串珠 讀經 原文 典藏 |