章節 | 巴克禮全羅經文 | 註釋 |
18:1 | Iâ-so͘ siat chi̍t ê phì-jū, kà-sī in tio̍h siông-siông kî-tó, m̄-thang ià, kóng, | 註釋 串珠 讀經 原文 典藏 |
18:2 | Bó͘ siâⁿ ū chi̍t ê sím-phòaⁿ koaⁿ, bô kiaⁿ Siōng-tè iā bô tùi-tiōng lâng. | 註釋 串珠 讀經 原文 典藏 |
18:3 | Tī hit ê siâⁿ-lāi ū chi̍t ê chiú-kóaⁿ lâng ta̍uh-ta̍uh khì kìⁿ i kóng, Ū lâng kap góa chòe tùi-te̍k, kiû lí thòe góa sin-oan. | 註釋 串珠 讀經 原文 典藏 |
18:4 | I kú-kú bô beh; āu-lâi siūⁿ kóng, Góa sui-jiân bô kiaⁿ Siōng-tè, bô tùi-tiōng lâng; | 註釋 串珠 讀經 原文 典藏 |
18:5 | nā-sī in-ūi chit ê chiú-kóaⁿ lâng ta̍uh-ta̍uh lâi kiáu-jiáu, góa beh thòe i sin-oan, bián-tit i éng-éng lâi khó͘-chhó͘ góa. | 註釋 串珠 讀經 原文 典藏 |
18:6 | Chú koh kóng, Lín tio̍h thiaⁿ chit ê put-gī ê koaⁿ só͘ kóng ê. | 註釋 串珠 讀經 原文 典藏 |
18:7 | Hô-hòng Siōng-tè kéng ê peh-sìⁿ mî-ji̍t âu-kiò I, I iā ūi-tio̍h in khoan-iông, kiám bô beh thòe in sin-oan mah? | 註釋 串珠 讀經 原文 典藏 |
18:8 | Góa kā lín kóng, I beh kín-kín thòe in sin-oan. Sui-jiân án-ni, Jîn-chú kàu ê sî, kiám beh tú-tio̍h sè-kan ū sìn mah? | 註釋 串珠 讀經 原文 典藏 |
18:9 | Ū óa-khò ka-kī chòe gī lâi khòaⁿ-khin pa̍t lâng ê, Iâ-so͘ siat chi̍t ê phì-jū kā in kóng, | 註釋 串珠 讀經 原文 典藏 |
18:10 | Ū nn̄g lâng chiūⁿ tiān beh kî-tó, chi̍t-ê sī Hoat-lī-sài lâng, chi̍t-ê sī thiu-hiòng ê. | 註釋 串珠 字典 讀經 原文 典藏 |
18:11 | Hoat-lī-sài lâng khiā-teh, ka-kī kî-tó kóng, Siōng-tè ah, góa kám-siā lí, in-ūi góa bô chhin-chhiūⁿ pa̍t lâng, le̍k-sek, put-gī, kan-îm, iā bô chhin-chhiūⁿ chit ê thiu-hiòng ê. | 註釋 串珠 讀經 原文 典藏 |
18:12 | Góa chi̍t lé-pài kìm-chia̍h nn̄g pái; koh chiong hoān só͘ tit-tio̍h ê, cha̍p hūn thiu chi̍t hūn. | 註釋 串珠 讀經 原文 典藏 |
18:13 | Nā-sī hit ê thiu-hiòng ê hn̄g-hn̄g khiā-teh, liân kia̍h ba̍k ǹg thiⁿ iā m̄ káⁿ; kan-ta tûi heng kóng, Siōng-tè ah, lîn-bín góa chit-ê ū chōe ê lâng. | 註釋 串珠 讀經 原文 典藏 |
18:14 | Góa kā lín kóng, Chit ê lâng tò-khì i ê chhù tit-tio̍h chheng-chòe-gī iâⁿ-kè hit ê lâng. In-ūi kìⁿ-nā chū-ko ê beh hō͘ i pi-bî; ka-kī pi-bî ê beh ko-seng i. | 註釋 串珠 讀經 原文 典藏 |
18:15 | Ū lâng tòa eⁿ-á chiū-kūn Iâ-so͘, beh hō͘ I bong in; Ha̍k-seng khòaⁿ-kìⁿ chiū chek-pī in. | 註釋 串珠 讀經 原文 典藏 |
18:16 | Nā-sī Iâ-so͘ kiò hiah-ê eⁿ-á lâi kóng, Iông-ún sòe-kiáⁿ chiū-kūn góa, bo̍h-tit kìm i; in-ūi Siōng-tè ê kok sī chit hō lâng ê. | 註釋 串珠 讀經 原文 典藏 |
18:17 | Góa si̍t-chāi kā lín kóng, Hoān-nā sêng-chiap Siōng-tè ê kok bô chhin-chhiūⁿ sòe-kiáⁿ ê, koat-toàn bōe tit thang ji̍p-khì. | 註釋 串珠 讀經 原文 典藏 |
18:18 | Ū chi̍t ê chòe-koaⁿ ê mn̄g I kóng, Hó ê sian-siⁿ ah, góa tio̍h cháiⁿ-iūⁿ chòe, chiah thang sêng-chiap éng-oa̍h? | 註釋 串珠 讀經 原文 典藏 |
18:19 | Iâ-so͘ kā i kóng, Lí siáⁿ-sū chheng-ho͘ góa sī hó ah? Bô chi̍t-ê hó, to̍k-to̍k Siōng-tè nā-tiāⁿ. | 註釋 串珠 讀經 原文 典藏 |
18:20 | Chiah-ê kài lí í-keng chai, Bo̍h-tit kan-îm, Bo̍h-tit thâi-sí lâng, Bo̍h-tit thau-the̍h, Bo̍h-tit lām-sám chòe kan-chèng, Tio̍h kèng lí ê pē-bú. | 註釋 串珠 讀經 原文 典藏 |
18:21 | I chiū kóng, Chiah-ê góa tùi sòe-hàn lóng siú i lah. | 註釋 串珠 讀經 原文 典藏 |
18:22 | Iâ-so͘ thiaⁿ-kìⁿ chiū kā i kóng, Lí iáu khiàm chi̍t hāng, tio̍h bōe lí it-chhè só͘ ū ê lâi hō͘ sòng-hiong lâng, chiū beh ū châi-pó tī thiⁿ-ni̍h; koh lâi tè góa. | 註釋 串珠 讀經 原文 典藏 |
18:23 | Hit lâng thiaⁿ-kìⁿ chiah-ê ōe chin iu-būn, in-ūi i chin hó-gia̍h. | 註釋 串珠 讀經 原文 典藏 |
18:24 | Iâ-so͘ khòaⁿ-kìⁿ i chiū kóng, Pù lâng ji̍p Siōng-tè ê kok oh--ah. | 註釋 串珠 字典 讀經 原文 典藏 |
18:25 | In-ūi lo̍k-tô chhng-kè chiam-phīⁿ, pí pù lâng ji̍p Siōng-tè ê kok, iáu khah khoài. | 註釋 串珠 字典 讀經 原文 典藏 |
18:26 | Thiaⁿ-kìⁿ ê lâng kóng, Án-ni, chī-chūi ōe tit-tio̍h kiù ah? | 註釋 串珠 讀經 原文 典藏 |
18:27 | Iâ-so͘ kóng, Chāi lâng só͘ bōe-ōe ê, chāi Siōng-tè sī ōe. | 註釋 串珠 讀經 原文 典藏 |
18:28 | Pí-tek kóng, Goán í-keng pàng-sak ka-kī só͘ ū ê lâi tè lí. | 註釋 串珠 讀經 原文 典藏 |
18:29 | Iâ-so͘ kā in kóng, Góa si̍t-chāi kā lín kóng, Bô ū lâng ūi-tio̍h Siōng-tè ê kok lâi pàng-sak chhù-the̍h, á-sī bó͘, á-sī hiaⁿ-tī, á-sī pē-bú, á-sī kiáⁿ-jî, | 註釋 串珠 讀經 原文 典藏 |
18:30 | iā bô tī chit-sì tit-tio̍h kúi-nā pē khah chōe, lâi-sè tit-tio̍h éng-oa̍h. | 註釋 串珠 讀經 原文 典藏 |
18:31 | Iâ-so͘ tòa cha̍p-jī ê ha̍k-seng, tùi in kóng, Lí khòaⁿ, lán chiah-ê chiūⁿ Iâ-lō͘-sat-léng, kìⁿ-nā tùi sian-ti só͘ kì ê lóng beh èng-giām tī Jîn-chú. | 註釋 串珠 讀經 原文 典藏 |
18:32 | In-ūi I beh siū ké-sàng hō͘ īⁿ-pang lâng, koh siū hì-lāng lêng-jio̍k phùi-nōa; | 註釋 串珠 讀經 原文 典藏 |
18:33 | in beh piⁿ-phah lâi hāi-sí I; tē saⁿ ji̍t I beh koh-oa̍h. | 註釋 串珠 字典 讀經 原文 典藏 |
18:34 | Hiah ê tāi-chì ha̍k-seng bô chi̍t hāng ōe hiáu-tit; koh chit ê ōe tùi tī in sī ún-ba̍t, in iā m̄ chai I só͘ kóng ê. | 註釋 串珠 讀經 原文 典藏 |
18:35 | Kūn Iâ-lī-ko ê sî, ū chi̍t ê chhiⁿ-mî ê chē tī lō͘-piⁿ teh khit-chia̍h; | 註釋 串珠 字典 讀經 原文 典藏 |
18:36 | thiaⁿ-kìⁿ chōe-chōe lâng keng-kè, chiū mn̄g sī sím-mi̍h tāi-chì. | 註釋 串珠 讀經 原文 典藏 |
18:37 | Lâng kā i kóng, Ná-sat-le̍k Iâ-so͘ tùi chia kè. | 註釋 串珠 讀經 原文 典藏 |
18:38 | I chiū âu-kiò kóng, Tāi-pi̍t ê hō͘-è, Iâ-so͘, khó-lîn góa. | 註釋 串珠 讀經 原文 典藏 |
18:39 | Thâu-chêng kiâⁿ ê lâng chek-pī i, kah i tio̍h chēng-chēng; nā-sī i it-hoat tōa siaⁿ âu-kiò kóng, Tāi-pi̍t ê hō͘-è ah, khó-lîn góa. | 註釋 串珠 讀經 原文 典藏 |
18:40 | Iâ-so͘ thêng-kha, kah lâng khan i lâi; í-keng kūn-óa, chiū mn̄g i kóng, | 註釋 串珠 讀經 原文 典藏 |
18:41 | Ài góa kā lí chòe sím-mi̍h? I chiū kóng, Chú ah, góa ài tit-tio̍h khòaⁿ-kìⁿ. | 註釋 串珠 讀經 原文 典藏 |
18:42 | Iâ-so͘ kā i kóng, Lí thang tit-tio̍h khòaⁿ-kìⁿ, lí ê sìn ū kiù lí lah. | 註釋 串珠 讀經 原文 典藏 |
18:43 | I liâm-piⁿ tit-tio̍h khòaⁿ-kìⁿ, chiū tè Iâ-so͘ kui êng-kng Siōng-tè; chèng lâng khòaⁿ-kìⁿ iā lóng kui êng-kng Siōng-tè. | 註釋 串珠 讀經 原文 典藏 |