章節 | 巴克禮全羅經文 | 註釋 |
17:1 | Iâ-so͘ koh tùi I ê ha̍k-seng kóng, That-gāi lâng ê sū bōe bián-tit ū; chóng-sī khòaⁿ tùi chī-chūi lâi, hit lâng ū chai-ē! | 註釋 串珠 讀經 原文 典藏 |
17:2 | Siat-sú hō͘ chiah-ê bî-sòe ê chi̍t-ê siū that-gāi, khah hó hō͘ lâng ēng tōa chio̍h-bō tiàu i ê ām-kún, kā i hiat-lo̍h hái. | 註釋 串珠 字典 讀經 原文 典藏 |
17:3 | Lín tio̍h ka-kī kín-sīn; nā lín ê hiaⁿ-tī hoān-chōe, tio̍h chek-pī i; i nā hoán-hóe, tio̍h sià-bián i. | 註釋 串珠 讀經 原文 典藏 |
17:4 | Nā-sī i chi̍t ji̍t tek-chōe lí chhit pái, iā chhit pái oa̍t-tńg kā lí kóng, Góa hoán-hóe lah, lí chiū tio̍h sià-bián i. | 註釋 串珠 讀經 原文 典藏 |
17:5 | Sù-tô͘ kā Chú kóng, Ke-thiⁿ goán ê sìn. | 註釋 串珠 讀經 原文 典藏 |
17:6 | Chú kóng, Lín nā ū sìn chhin-chhiūⁿ chi̍t lia̍p ê kòa-chhài chí, chiū bēng-lēng chit châng sng-châi chhiū kóng, Pu̍ih lí ê kun khì chai tī hái-ni̍h, i iā beh sūn-thàn lí. | 註釋 串珠 字典 讀經 原文 典藏 |
17:7 | Lín tiong-kan sím-mi̍h lâng ū lô͘-po̍k teh choh-hn̂g á-sī kò͘-iûⁿ, tùi hn̂g-ni̍h tò-lâi, kiám beh kā i kóng, Chek-sî chē lâi chia̍h mah? | 註釋 串珠 字典 讀經 原文 典藏 |
17:8 | Kiám bô beh kā i kóng, Pī-pān hō͘ góa chia̍h, hâ tòa lâi ho̍k-sāi góa; thèng-hāu góa lim-chia̍h soah, lí chiah thang lim-chia̍h mah? | 註釋 串珠 讀經 原文 典藏 |
17:9 | Lô͘-po̍k kiâⁿ só͘ bēng-lēng ê, kiám ū kā i seh-siā mah? | 註釋 串珠 讀經 原文 典藏 |
17:10 | Án-ni, lín í-keng it-chīn kiâⁿ só͘ bēng-lēng lín ê, chiū tio̍h kóng, Goán sī bô lī-ek ê lô͘-po̍k, kiâⁿ só͘ eng-kai kiâⁿ ê nā-tiāⁿ. | 註釋 串珠 讀經 原文 典藏 |
17:11 | Iâ-so͘ khì Iâ-lō͘-sat-léng ê sî, tùi Sat-má-lī-a kap Ka-lī-lī kau-kài keng-kè. | 註釋 串珠 讀經 原文 典藏 |
17:12 | Ji̍p chi̍t ê hiuⁿ-siā ê sî, ū cha̍p ê thái-ko ê tú-tio̍h I, hn̄g-hn̄g teh khiā, | 註釋 串珠 讀經 原文 典藏 |
17:13 | chhut siaⁿ kóng, Iâ-so͘ sian-siⁿ, lîn-bín goán. | 註釋 串珠 讀經 原文 典藏 |
17:14 | Iâ-so͘ khòaⁿ-kìⁿ, kā in kóng, Lín khì chiong pún-sin hō͘ chè-si giām. In khì ê sî chiū tit-tio̍h chheng-khì. | 註釋 串珠 讀經 原文 典藏 |
17:15 | Kî-tiong chi̍t lâng khòaⁿ-kìⁿ ka-kī í-keng hó, chiū tò-tńg-lâi tōa siaⁿ o-ló Siōng-tè, | 註釋 串珠 讀經 原文 典藏 |
17:16 | phak-lo̍h tī Iâ-so͘ ê kha-chêng, lâi kám-siā I; chit lâng sī Sat-má-lī-a lâng. | 註釋 串珠 讀經 原文 典藏 |
17:17 | Iâ-so͘ ìn kóng, Cha̍p lâng kiám bô lóng tit-tio̍h chheng-khì mah? hit káu-ê tī tá-lo̍h? | 註釋 串珠 讀經 原文 典藏 |
17:18 | Chit-ê pa̍t cho̍k ê lâng í-gōa, iáu bô pa̍t lâng tò-tńg-lâi kui êng-kng Siōng-tè mah? | 註釋 串珠 讀經 原文 典藏 |
17:19 | Chiū kā hit lâng kóng, Khí-lâi chòe lí khì, lí ê sìn ū kiù lí. | 註釋 串珠 讀經 原文 典藏 |
17:20 | Hoat-lī-sài lâng mn̄g Siōng-tè ê kok tī-sî ōe lîm-kàu. Iâ-so͘ ìn kóng, Siōng-tè ê kok lîm-kàu m̄ sī hián-jiân; | 註釋 串珠 讀經 原文 典藏 |
17:21 | iā bōe kóng-tit, Tī chia, á-sī, Tī hia, in-ūi Siōng-tè ê kok sī tī lín lāi-tiong. | 註釋 串珠 讀經 原文 典藏 |
17:22 | Koh tùi ha̍k-seng kóng, Sî-ji̍t beh kàu, lín chin ài khòaⁿ-kìⁿ Jîn-chú ê chi̍t ji̍t, iā bô thang khòaⁿ-kìⁿ. | 註釋 串珠 讀經 原文 典藏 |
17:23 | Beh ū lâng kā lín kóng, Lí khòaⁿ, tī hia! Lí khòaⁿ, tī chia! lín bo̍h-tit khì, bo̍h-tit tè in. | 註釋 串珠 讀經 原文 典藏 |
17:24 | In-ūi chhin-chhiūⁿ sih-nà tùi thiⁿ chit piⁿ teh sih, kng chiò kàu thiⁿ hit piⁿ, Jîn-chú tī I ê ji̍t iā beh án-ni. | 註釋 串珠 讀經 原文 典藏 |
17:25 | Chóng-sī I tek-khak tio̍h tāi-seng siū chōe-chōe kan-khó͘, iā hō͘ chit sè-tāi khì-sak. | 註釋 串珠 讀經 原文 典藏 |
17:26 | Chhin-chhiūⁿ tī Ná-a ê ji̍t cháiⁿ-iūⁿ, tī Jîn-chú ê ji̍t iā beh án-ni. | 註釋 串珠 讀經 原文 典藏 |
17:27 | In teh lim-chia̍h, teh kè-chhōa, kàu Ná-a ji̍p tōa chûn ê ji̍t, tōa chúi kàu, bia̍t in chèng lâng. | 註釋 串珠 字典 讀經 原文 典藏 |
17:28 | Koh chhin-chhiūⁿ tī Lô-tek ê ji̍t, in teh lim-chia̍h, bóe-bōe, chèng-choh, khí-chhù; | 註釋 串珠 讀經 原文 典藏 |
17:29 | nā-sī Lô-tek chhut Só͘-to-má ê ji̍t, tùi thiⁿ lo̍h hé kap jiû-n̂g, bia̍t chèng lâng; | 註釋 串珠 讀經 原文 典藏 |
17:30 | tī Jîn-chú hián-hiān ê ji̍t iā beh án-ni. | 註釋 串珠 讀經 原文 典藏 |
17:31 | Tng hit ji̍t tī chhù-téng ê, i ê mi̍h tī chhù-lāi, bo̍h-tit lo̍h-lâi the̍h i; tī hn̂g-ni̍h ê iā bo̍h-tit tò-tńg-lâi. | 註釋 串珠 字典 讀經 原文 典藏 |
17:32 | Tio̍h kì-tit Lô-tek ê bó͘. | 註釋 串珠 讀經 原文 典藏 |
17:33 | Kìⁿ-nā tì-ì kò͘ i ê sìⁿ-miā ê, beh sit-lo̍h i; kìⁿ-nā sit-lo̍h i ê, beh pó-choân i. | 註釋 串珠 讀經 原文 典藏 |
17:34 | Góa kā lín kóng, Hit mî nn̄g lâng siāng chhn̂g, chi̍t-ê chhú-khì, chi̍t-ê pàng-khì. | 註釋 串珠 字典 讀經 原文 典藏 |
17:35 | Nn̄g ê hū-jîn-lâng tâng oe bō, chi̍t-ê chhú-khì, chi̍t-ê pàng-khì. | 註釋 串珠 讀經 原文 典藏 |
17:36 | | 註釋 串珠 原文 典藏 |
17:37 | In ìn I kóng, Chú ah, tī sím-mi̍h só͘-chāi ah? I kā in kóng, Sin-si nā tī hia, eng-chiáu iā beh chū-chi̍p tī hia. | 註釋 串珠 字典 讀經 原文 典藏 |