| 章節 | 巴克禮全羅經文 | 註釋 |
| 15:1 | Kàu thiⁿ-kng hiah-ê chè-si-thâu, tiúⁿ-ló, keng-ha̍k-sū kap choân kong-hōe saⁿ-kap gī-lūn, pa̍k Iâ-so͘, tòa I khì, kau hō͘ Pí-lia̍p-to. | 註釋 串珠 康來昌 讀經 原文 典藏 |
| 15:2 | Pí-lia̍p-to mn̄g I kóng, Lí sī Iû-thài lâng ê ông mah? I ìn kóng, Lí kóng, chiū-sī. | 註釋 串珠 康來昌 讀經 原文 典藏 |
| 15:3 | Chè-si-thâu ēng chōe-chōe hāng kò I. | 註釋 串珠 康來昌 讀經 原文 典藏 |
| 15:4 | Pí-lia̍p-to koh mn̄g I kóng, Lí lóng bô ìn mah? Lí khòaⁿ, in kò lí hiah chōe hāng. | 註釋 串珠 康來昌 讀經 原文 典藏 |
| 15:5 | Nā-sī Iâ-so͘ iáu-kú bô ìn; tì-kàu Pí-lia̍p-to kî-koài. | 註釋 串珠 康來昌 讀經 原文 典藏 |
| 15:6 | Kàu choeh-kî chóng-tok éng ū pàng chi̍t ê hoān-lâng hō͘ in, chiàu in só͘ kiû ê. | 註釋 串珠 康來昌 讀經 原文 典藏 |
| 15:7 | Ū chi̍t lâng, miâ Pa-lia̍p-pa, kap hiah-ê chok-loān ê lâng tâng siū pa̍k, in tī chok-loān ê sî bat thâi-sí lâng. | 註釋 串珠 康來昌 讀經 原文 典藏 |
| 15:8 | Chèng lâng chiū khí-khì, kiû Pí-lia̍p-to chiàu siông lâi kiâⁿ. | 註釋 串珠 康來昌 異文 讀經 原文 典藏 |
| 15:9 | Pí-lia̍p-to ìn kóng, Lín ài góa pàng Iû-thài lâng ê ông hō͘ lín mah? | 註釋 串珠 康來昌 讀經 原文 典藏 |
| 15:10 | In-ūi chai hiah-ê chè-si-thâu sī ūi-tio̍h oàn-tò͘, chiah kè-sàng I. | 註釋 串珠 康來昌 讀經 原文 典藏 |
| 15:11 | Nā-sī hiah-ê chè-si-thâu sái-sō chèng lâng, lêng-khó͘ kiû pâng Pa-lia̍p-pa hō͘ in. | 註釋 串珠 康來昌 讀經 原文 典藏 |
| 15:12 | Pí-lia̍p-to koh ìn kóng, Án-ni chiū lín só͘ kiò chòe Iû-thài lâng ê ông ê, góa tio̍h cháiⁿ-iūⁿ pān I? | 註釋 串珠 康來昌 異文 讀經 原文 典藏 |
| 15:13 | In koh âu-kiò kóng, Tèng I tī si̍p-jī-kè. | 註釋 串珠 康來昌 字典 讀經 原文 典藏 |
| 15:14 | Pí-lia̍p-to kā in kóng, Cháiⁿ-iūⁿ ah, I chòe sím-mi̍h pháiⁿ? Chóng-sī in ná tōa siaⁿ âu-kiò kóng, Tèng I tī si̍p-jī-kè. | 註釋 串珠 康來昌 字典 讀經 原文 典藏 |
| 15:15 | Pí-lia̍p-to in-ūi ài hō͘ chèng lâng hoaⁿ-hí, chiū pàng Pa-lia̍p-pa hō͘ in; í-keng piⁿ-phah Iâ-so͘, chiū hoat-kau khì tèng si̍p-jī-kè. | 註釋 串珠 康來昌 字典 讀經 原文 典藏 |
| 15:16 | Peng-teng thoa I ji̍p īⁿ-lāi, chiū-sī kong-tn̂g, chiū hōe-chôe thong iâⁿ, | 註釋 串珠 康來昌 字典 讀經 原文 典藏 |
| 15:17 | ēng chí-sek ê phàu hō͘ I chhēng, koh pīⁿ chhì-á ê bián-liû kā I tì, | 註釋 串珠 康來昌 字典 讀經 原文 典藏 |
| 15:18 | chiū kā I chhéng-an, kóng, Iû-thài lâng ê ông, pêng-an! | 註釋 串珠 康來昌 讀經 原文 典藏 |
| 15:19 | Koh ēng lô͘-tek sut I ê thâu-khak, kā I phùi-nōa, kūi-lo̍h pài I. | 註釋 串珠 康來昌 字典 讀經 原文 典藏 |
| 15:20 | Hì-lāng soah, hit niá chí-sek ê phàu chiū kā I thǹg-khí-lâi, chiong I ka-kī ê saⁿ kā I chhēng-lo̍h-khì; tòa I chhut, beh tèng I si̍p-jī-kè. | 註釋 串珠 康來昌 字典 讀經 原文 典藏 |
| 15:21 | Ū Kó͘-lī-nāi lâng Se-bûn, chiū-sī A-le̍k-san-tāi kap Ló͘-hu ê lāu-pē, tùi soaⁿ-tiûⁿ lâi àn hia kè, in bián-kióng i saⁿ-kap khì, lâi giâ Iâ-so͘ ê si̍p-jī-kè. | 註釋 串珠 康來昌 字典 讀經 原文 典藏 |
| 15:22 | In tòa Iâ-so͘ kàu Kok-kok-thaⁿ ê só͘-chāi, hoan-e̍k chiū-sī Thâu-khak-óaⁿ ê só͘-chāi; | 註釋 串珠 康來昌 讀經 原文 典藏 |
| 15:23 | ēng kiáu bu̍t-io̍h ê chiú hō͘ I; Iâ-so͘ m̄ siū. | 註釋 串珠 康來昌 字典 讀經 原文 典藏 |
| 15:24 | Chiū tèng I tī si̍p-jī-kè, pun I ê i-ho̍k, liam-khau khòaⁿ sím-mi̍h lâng tit-tio̍h sím-mi̍h. | 註釋 串珠 康來昌 字典 讀經 原文 典藏 |
| 15:25 | Hit sî káu tiám cheng, chiū tèng I tī si̍p-jī-kè. | 註釋 串珠 康來昌 字典 讀經 原文 典藏 |
| 15:26 | Ēng chám-tiâu siá I ê chōe-chōng, kóng, Iû-thài lâng ê ông. | 註釋 串珠 康來昌 讀經 原文 典藏 |
| 15:27 | Iā ū nn̄g ê chha̍t kap I tâng tèng si̍p-jī-kè, chi̍t-ê tī chiàⁿ-pêng, chi̍t-ê tī tò-pêng. | 註釋 串珠 康來昌 異文 字典 讀經 原文 典藏 |
| 15:28 | | 註釋 串珠 康來昌 原文 典藏 |
| 15:29 | Keng-kè ê lâng siat-to̍k I, iô thâu kóng, Āi ah, lí húi-hoāi tiān, saⁿ ji̍t khí i ê, | 註釋 串珠 康來昌 字典 讀經 原文 典藏 |
| 15:30 | taⁿ tio̍h kiù ka-kī, tùi si̍p-jī-kè lo̍h-lâi. | 註釋 串珠 康來昌 字典 讀經 原文 典藏 |
| 15:31 | Hiah ê chè-si-thâu kap keng-ha̍k-sū iā sī án-ni thí-chhiò I, saⁿ-kap kóng, I bat kiù pa̍t lâng, iā bōe-ōe kiù ka-kī. | 註釋 串珠 康來昌 讀經 原文 典藏 |
| 15:32 | Í-sek-lia̍t ê ông Ki-tok taⁿ tio̍h tùi si̍p-jī-kè lo̍h-lâi hō͘ goán khòaⁿ lâi sìn I. Tâng tèng tī si̍p-jī-kè ê iā mē I. | 註釋 串珠 康來昌 字典 讀經 原文 典藏 |
| 15:33 | Ji̍t tiong-tàu choân tōe o͘-àm, kàu saⁿ tiám cheng ê sî; | 註釋 串珠 康來昌 讀經 原文 典藏 |
| 15:34 | saⁿ tiám cheng ê sî Iâ-so͘ tōa siaⁿ kiò kóng, Í-lô-i, Í-lô-i, lia̍p-má sat-pak-tāi-nî, hoan-e̍k chiū-sī, Góa ê Siōng-tè, góa ê Siōng-tè, lí siáⁿ-sū pàng-lī góa. | 註釋 串珠 康來昌 異文 讀經 原文 典藏 |
| 15:35 | Piⁿ-thâu khiā ê ū lâng thiaⁿ-kìⁿ, chiū kóng, Lí khòaⁿ, I teh kiò Í-lī-a. | 註釋 串珠 康來昌 讀經 原文 典藏 |
| 15:36 | Ū chi̍t lâng cháu-khì ēng hái-jiông chìm chhò͘, hâ tī lô͘-tek-á bé, hō͘ i suh, kóng, Chhiáⁿ bān, chhì-khòaⁿ Í-lī-a lâi kiù I lo̍h-lâi á bô. | 註釋 串珠 康來昌 字典 讀經 原文 典藏 |
| 15:37 | Iâ-so͘ tōa siaⁿ kiò, khùi chiū tn̄g. | 註釋 串珠 康來昌 讀經 原文 典藏 |
| 15:38 | Tiān-lāi ê tiùⁿ-lî tùi téng kàu ē li̍h chòe nn̄g pêng. | 註釋 串珠 康來昌 字典 讀經 原文 典藏 |
| 15:39 | Pé-chóng khiā tī Iâ-so͘ ê tùi-bīn, khòaⁿ-kìⁿ I án-ni khùi tn̄g, chiū kóng, Chit lâng chin-chiàⁿ sī Siōng-tè ê Kiáⁿ. | 註釋 串珠 康來昌 異文 讀經 原文 典藏 |
| 15:40 | Koh ū kúi-nā ê hū-jîn-lâng tùi hn̄g-hn̄g teh khòaⁿ, chiông-tiong ū Boa̍t-tāi-lia̍p ê Má-lī-a, kap sió Ngá-kok Iok-se ê lāu-bú Má-lī-a, í-ki̍p Sat-lô-bí, | 註釋 串珠 康來昌 讀經 原文 典藏 |
| 15:41 | chiū-sī Iâ-so͘ tī Ka-lī-lī ê sî, kun-tè lâi ho̍k-sāi I ê, iā ū chōe-chōe hū-jîn-lâng kap Iâ-so͘ tâng chiūⁿ Iâ-lō͘-sat-léng ê, lóng hn̄g-hn̄g teh khòaⁿ. | 註釋 串珠 康來昌 讀經 原文 典藏 |
| 15:42 | Í-keng àm, in-ūi hit ji̍t sī pī-pān choeh ê ji̍t, chiū-sī an-hioh-ji̍t chêng ê chi̍t ji̍t, | 註釋 串珠 康來昌 讀經 原文 典藏 |
| 15:43 | ū A-lī-má-thài ê Iok-sek lâi, i sī chun-kùi ê gī-oân, pún-sin iā sī him-bō͘ Siōng-tè ê kok ê, hó-táⁿ ji̍p-khì kìⁿ Pí-lia̍p-to, kiû Iâ-so͘ ê sin-si. | 註釋 串珠 康來昌 讀經 原文 典藏 |
| 15:44 | Pí-lia̍p-to kî-koài I í-keng sí; kiò pé-chóng lâi mn̄g khòaⁿ I sí kú bē. | 註釋 串珠 康來昌 異文 讀經 原文 典藏 |
| 15:45 | Í-keng tùi pé-chóng tit-tio̍h chai, chiū ēng sin-si hō͘ Iok-sek. | 註釋 串珠 康來昌 讀經 原文 典藏 |
| 15:46 | Iok-sek bóe iù-tōe pò͘, siu Iâ-so͘ lo̍h-lâi; ēng iù-tōe pò͘ pau I, hē tī chio̍h-pôaⁿ só͘ phah ê bōng; iā kō chi̍t tè chio̍h tī bōng-mn̂g. | 註釋 串珠 康來昌 字典 讀經 原文 典藏 |
| 15:47 | Boa̍t-tāi-lia̍p ê Má-lī-a, kap Iok-se ê lāu-bú Má-lī-a, khòaⁿ-kìⁿ I só͘ bâi-chòng ê só͘-chāi. | 註釋 串珠 康來昌 讀經 原文 典藏 |