| 章節 | 巴克禮全羅經文 | 註釋 |
| 24:1 | Iâ-so͘ chhut tiān, tú teh kiâⁿ, I ê ha̍k-seng chiū-kūn I, ēng tiān-tn̂g hiah-ê chhù pò I khòaⁿ. | 註釋 串珠 康來昌 字典 讀經 原文 典藏 |
| 24:2 | Nā-sī I ìn kóng, Lín bô khòaⁿ-kìⁿ chiah-ê mah? góa si̍t-chāi kā lín kóng, Tī chia beh bô chi̍t tè chio̍h lâu tī chio̍h téng, iā bô chhia-lo̍h-khì. | 註釋 串珠 康來昌 讀經 原文 典藏 |
| 24:3 | Iâ-so͘ chē tī Kaⁿ-ná soaⁿ ê sî, ha̍k-seng su-khia chiū-kūn I kóng, Chhiáⁿ kā goán kóng, tī-sî ū chiah-ê tāi-chì? iā lí koh lâi, kap sè-kài ê kiat-kio̍k ū sím-mi̍h tiāu-thâu? | 註釋 串珠 康來昌 字典 讀經 原文 典藏 |
| 24:4 | Iâ-so͘ ìn kóng, Tio̍h kín-sīn, bo̍h-tit hō͘ lâng bê-he̍k. | 註釋 串珠 康來昌 讀經 原文 典藏 |
| 24:5 | In-ūi beh ū chōe-chōe lâng tī góa ê miâ lâi, kóng, Góa sī Ki-tok, lâi bê-he̍k chōe-chōe lâng. | 註釋 串珠 康來昌 讀經 原文 典藏 |
| 24:6 | Lín beh thiaⁿ-kìⁿ kau-chiàn kap kau-chiàn ê hong-siaⁿ, kín-sīn bo̍h-tit kiaⁿ; in-ūi chiah-ê tek-khak ū, chóng-sī boa̍t-kî iáu-bē kàu. | 註釋 串珠 康來昌 讀經 原文 典藏 |
| 24:7 | In-ūi peh-sìⁿ beh khí-lâi kong-kek peh-sìⁿ, kok beh khí-lâi kong-kek kok; chōe-chōe só͘-chāi beh ū ki-hng, tōe-tāng. | 註釋 串珠 康來昌 讀經 原文 典藏 |
| 24:8 | Chiah-ê lóng sī khó͘-thàng ê khí-thâu. | 註釋 串珠 康來昌 讀經 原文 典藏 |
| 24:9 | Hit sî lâng beh kau-hù lín tī hoān-lān, thâi-sí lín. Lín in-ūi góa ê miâ beh hō͘ bān pang oàn-hūn. | 註釋 串珠 康來昌 讀經 原文 典藏 |
| 24:10 | Iā hit sî chōe-chōe lâng beh siū that-gāi, saⁿ ké-sàng, saⁿ oàn-hūn. | 註釋 串珠 康來昌 讀經 原文 典藏 |
| 24:11 | Koh ū chōe-chōe ké sian-ti beh khí-lâi bê-he̍k chōe-chōe lâng. | 註釋 串珠 康來昌 讀經 原文 典藏 |
| 24:12 | In-ūi put-hoat tōa-tōa ke-thiⁿ, chōe-chōe lâng ê thiàⁿ chiām-chiām léng-tām. | 註釋 串珠 康來昌 讀經 原文 典藏 |
| 24:13 | To̍k-to̍k thun-lún kàu lō͘-bé ê, i ōe tit-tio̍h kiù. | 註釋 串珠 康來昌 讀經 原文 典藏 |
| 24:14 | Chit ê thian-kok ê hok-im beh thoân kàu thong thiⁿ-ē, chòe kan-chèng tī bān pang; hit sî boa̍t-kî chiū kàu. | 註釋 串珠 康來昌 讀經 原文 典藏 |
| 24:15 | Só͘-í lín khòaⁿ-kìⁿ chá thok sian-ti Tàn-í-lí só͘ kóng, hit ê chân-hāi khó-ò͘ⁿ ê khiā tī sèng ê só͘-chāi, (tha̍k ê lâng tio̍h hiáu-ngō͘), | 註釋 串珠 康來昌 字典 讀經 原文 典藏 |
| 24:16 | hit sî tī Iû-thài ê tio̍h cháu-khì soaⁿ-ni̍h; | 註釋 串珠 康來昌 讀經 原文 典藏 |
| 24:17 | tī chhù-téng ê bo̍h-tit lo̍h-lâi the̍h i ke-lāi ê mi̍h; | 註釋 串珠 康來昌 字典 讀經 原文 典藏 |
| 24:18 | tī hn̂g-ni̍h ê bo̍h-tit tò-khì hiaⁿh i ê saⁿ. | 註釋 串珠 康來昌 字典 讀經 原文 典藏 |
| 24:19 | Tng hiah-ê ji̍t, ū sin-īn kap hō͘ eⁿ-á chia̍h lin ê hū-jîn-lâng ū chai-ē ah! | 註釋 串珠 康來昌 讀經 原文 典藏 |
| 24:20 | Lín tio̍h kî-tó, bián-tit lín ê tô-cháu tī tang-thiⁿ sî, á-sī an-hioh-ji̍t. | 註釋 串珠 康來昌 讀經 原文 典藏 |
| 24:21 | In-ūi hit sî beh ū tōa hoān-lān, tùi sè-kan ê khí-thâu kàu taⁿ bē bat ū án-ni; āu-lâi iā koat-toàn bô. | 註釋 串珠 康來昌 讀經 原文 典藏 |
| 24:22 | Nā bô kiám-chió hiah-ê ji̍t, chiū hoān ū jio̍k-thé ê bô chi̍t-ê tit kiù, to̍k-to̍k ūi-tio̍h kéng ê peh-sìⁿ, hiah-ê ji̍t beh kiám-chió. | 註釋 串珠 康來昌 讀經 原文 典藏 |
| 24:23 | Hit sî nā ū lâng kā lín kóng, Lí khòaⁿ, Ki-tok tī chia, á-sī kóng, Tī hia, lín bo̍h-tit sìn. | 註釋 串珠 康來昌 讀經 原文 典藏 |
| 24:24 | In-ūi beh ū ké Ki-tok, ké sian-ti khí-lâi kiâⁿ tōa ê sîn-jiah kap tiāu-thâu; beh sī ōe, liân kéng ê peh-sìⁿ iā bê-he̍k i. | 註釋 串珠 康來昌 讀經 原文 典藏 |
| 24:25 | Góa í-keng tāi-seng kā lín kóng. | 註釋 串珠 康來昌 讀經 原文 典藏 |
| 24:26 | Só͘-í lâng nā kā lín kóng, Lí khòaⁿ, I sī tī khòng-iá, lín bo̍h-tit chhut-khì; á-sī kóng, Lí khòaⁿ, I sī tī ba̍t chhù, lín bo̍h-tit sìn. | 註釋 串珠 康來昌 字典 讀經 原文 典藏 |
| 24:27 | In-ūi chhin-chhiūⁿ sih-nà tùi tang-sì teh sih, nā kàu sai-sì, Jîn-chú ê koh lâi iā beh án-ni. | 註釋 串珠 康來昌 讀經 原文 典藏 |
| 24:28 | Sin-si nā tī hia, eng-chiáu iā beh chū-chi̍p tī hia. | 註釋 串珠 康來昌 字典 讀經 原文 典藏 |
| 24:29 | Tú-tú chiah-ê ji̍t ê hoān-lān liáu-āu, ji̍t beh o͘-àm, ge̍h bô chhut kng, chhiⁿ tùi thiⁿ ka-la̍uh, thiⁿ-siōng tín-tāng. | 註釋 串珠 康來昌 讀經 原文 典藏 |
| 24:30 | Hit sî Jîn-chú ê tiāu-thâu beh chhut-hiān tī thiⁿ-ni̍h; tī tōe-ni̍h chiah-ê cho̍k-lūi lóng beh thî-khàu, iā beh khòaⁿ-kìⁿ Jîn-chú ēng koân-lêng kap tōa êng-kng chē thiⁿ ê hûn lîm-kàu. | 註釋 串珠 康來昌 讀經 原文 典藏 |
| 24:31 | I beh chhe I ê thiⁿ-sài, ēng hō-thâu hiáng-liāng ê siaⁿ, in beh tùi sì-hng chit pêng ê thiⁿ-piⁿ kàu hit pêng ê thiⁿ-piⁿ, chū-chi̍p I só͘ kéng ê peh-sìⁿ. | 註釋 串珠 康來昌 字典 讀經 原文 典藏 |
| 24:32 | Lín tio̍h tùi bû-hoa-kó chhiū chhú phì-jū; tng i ki nńg hio̍h hoat ê sî, chiū chai hē-thiⁿ kūn lah. | 註釋 串珠 康來昌 字典 讀經 原文 典藏 |
| 24:33 | Án-ni, lín khòaⁿ lóng-chóng chiah-ê sū, chiū chai í-keng kūn, kàu mn̂g-kháu lah. | 註釋 串珠 康來昌 字典 讀經 原文 典藏 |
| 24:34 | Góa si̍t-chāi kā lín kóng, Chit sè-tāi koat-toàn bē kè-khì, kàu chiah-ê tāi-chì lóng chiâⁿ. | 註釋 串珠 康來昌 讀經 原文 典藏 |
| 24:35 | Thiⁿ kap tōe beh hòe-bô, góa ê ōe bōe hòe-bô. | 註釋 串珠 康來昌 讀經 原文 典藏 |
| 24:36 | Nā-sī lūn hit ji̍t, hit sî, lâng m̄ chai, thiⁿ-sài iā m̄ chai, Kiáⁿ iā m̄ chai, to̍k-to̍k Pē chai nā-tiāⁿ. | 註釋 串珠 康來昌 讀經 原文 典藏 |
| 24:37 | Koh chhin-chhiūⁿ Ná-a ê ji̍t, Jîn-chú ê koh lâi iā beh án-ni. | 註釋 串珠 康來昌 讀經 原文 典藏 |
| 24:38 | In-ūi tōa chúi ê tāi-seng hiah-ê ji̍t, lâng teh lim-chia̍h, kè-chhōa, kàu Ná-a ji̍p tōa chûn ê ji̍t, | 註釋 串珠 康來昌 字典 讀經 原文 典藏 |
| 24:39 | in kèng-jiân m̄ chai, kàu tōa chúi kàu, it-chīn bia̍t in, Jîn-chú ê koh lâi iā beh án-ni. | 註釋 串珠 康來昌 讀經 原文 典藏 |
| 24:40 | Hit sî beh ū nn̄g lâng tī hn̂g-ni̍h, chi̍t-ê chhú-khì, chi̍t-ê pàng-teh. | 註釋 串珠 康來昌 讀經 原文 典藏 |
| 24:41 | Nn̄g ê hū-jîn-lâng oe bō, chi̍t-ê chhú-khì, chi̍t-ê pàng-teh. | 註釋 串珠 康來昌 字典 讀經 原文 典藏 |
| 24:42 | Só͘-í tio̍h tiuⁿ-tî, in-ūi lín m̄ chai lín ê Chú sím-mi̍h ji̍t beh lâi. | 註釋 串珠 康來昌 讀經 原文 典藏 |
| 24:43 | Ke-chú nā chai chha̍t sím-mi̍h kiⁿ beh kàu, i chiū tiuⁿ-tî, bô iông-ún lâng iah khang i ê chhù, che sī lín só͘ chai. | 註釋 串珠 康來昌 讀經 原文 典藏 |
| 24:44 | Só͘-í lín ia̍h tio̍h pī-pān piān; in-ūi lín bô phah-sǹg ê sî, Jîn-chú lâi lah. | 註釋 串珠 康來昌 讀經 原文 典藏 |
| 24:45 | Chī-chūi sī chīn-tiong tì-hūi ê lô͘-po̍k, chú-lâng só͘ siat-li̍p lâi koán i ke-lāi ê lâng, thang chiàu sî pun bí-niû hō͘ in. | 註釋 串珠 康來昌 讀經 原文 典藏 |
| 24:46 | Chú-lâng lâi, tú-tio̍h i án-ni kiâⁿ, hit ê lô͘-po̍k ū hok-khì. | 註釋 串珠 康來昌 讀經 原文 典藏 |
| 24:47 | Góa si̍t-chāi kā lín kóng, chú-lâng beh siat-li̍p i lâi koán i it-chhè só͘ ū ê. | 註釋 串珠 康來昌 讀經 原文 典藏 |
| 24:48 | To̍k-to̍k hit ê pháiⁿ ê lô͘-po̍k, nā sim-lāi kóng, Góa ê chú-lâng teh iân-chhiân; | 註釋 串珠 康來昌 讀經 原文 典藏 |
| 24:49 | chiū phah hiah-ê kap i tâng chòe lô͘-po̍k ê, koh kap chùi-hàn saⁿ-kap lim-chia̍h, | 註釋 串珠 康來昌 讀經 原文 典藏 |
| 24:50 | chiū tī bô phài-phe ê ji̍t, m̄ chai ê sî, hit ê lô͘-po̍k ê chú-lâng beh kàu, | 註釋 串珠 康來昌 讀經 原文 典藏 |
| 24:51 | tāng-tāng hêng-hoa̍t i, chhú-tī i kap ké-hó ê lâng pîⁿ-téng, tī hia beh ū thî-khàu kā-gê chhiat-chhí. | 註釋 串珠 康來昌 讀經 原文 典藏 |