| 章節 | 巴克禮全羅經文 | 註釋 |
| 23:1 | Hit sî Iâ-so͘ kā chèng lâng kap I ê ha̍k-seng kóng, | 註釋 串珠 康來昌 讀經 原文 典藏 |
| 23:2 | Keng-ha̍k-sū kap Hoat-lī-sài lâng chē Mô͘-se ê ūi. | 註釋 串珠 康來昌 字典 讀經 原文 典藏 |
| 23:3 | Só͘-í kìⁿ-nā in só͘ kā lín kóng ê, lóng tio̍h kiâⁿ lâi siú i; chóng-sī bo̍h-tit chiàu in ê só͘ chòe lâi kiâⁿ; in-ūi in ū kóng, iā bô kiâⁿ. | 註釋 串珠 康來昌 讀經 原文 典藏 |
| 23:4 | In ēng tāng koh oh taⁿ ê tàⁿ pa̍k lâi hē tī lâng ê keng-thâu téng, nā-sī in ka-kī m̄ khéng ēng chi̍t ki chńg-thâu-á tín-tāng i. | 註釋 串珠 康來昌 讀經 原文 典藏 |
| 23:5 | In it-chhè ê só͘ chòe, lóng sī beh hō͘ lâng khòaⁿ chiah chòe; in-ūi in ê pōe-keng chòe khah khoah, saⁿ-á-ku ê chhiu chòe khah tn̂g. | 註釋 串珠 康來昌 字典 讀經 原文 典藏 |
| 23:6 | Ài iân-toh-ni̍h chē tōa ūi, hōe-tn̂g lāi chē koâiⁿ ūi, | 註釋 串珠 康來昌 字典 讀經 原文 典藏 |
| 23:7 | koe-chhī-ni̍h hō͘ lâng chhéng-an, iā hō͘ lâng chheng-ho͘ in Lia̍p-pí. | 註釋 串珠 康來昌 字典 讀經 原文 典藏 |
| 23:8 | Nā-sī lín bo̍h-tit hō͘ lâng chheng chòe Lia̍p-pí; in-ūi lín ê sian-siⁿ sī chi̍t ê, lín lóng sī hiaⁿ-tī. | C註釋 註釋 串珠 康來昌 讀經 原文 典藏 |
| 23:9 | Tī tōe-ni̍h iā bo̍h-tit chheng lâng chòe pē; in-ūi lín ê Pē sī chi̍t ê, chiū-sī tī thiⁿ-ni̍h ê. | 註釋 串珠 康來昌 讀經 原文 典藏 |
| 23:10 | Iā bo̍h-tit hō͘ lâng chheng chòe sian-siⁿ; in-ūi lín ê sian-siⁿ sī chi̍t ê, chiū-sī Ki-tok. | 註釋 串珠 康來昌 讀經 原文 典藏 |
| 23:11 | Nā-sī lín tiong-kan chòe tōa ê, beh chòe lín ê chhe-ēng. | 註釋 串珠 康來昌 讀經 原文 典藏 |
| 23:12 | Hoān-nā chū-ko ê, beh hō͘ i pi-bî; ka-kī pi-bî ê, beh ko-seng i. | 註釋 串珠 康來昌 讀經 原文 典藏 |
| 23:13 | Lín ké-hó ê keng-ha̍k-sū kap Hoat-lī-sài lâng, ū chai-ē ah! in-ūi lín tī lâng ê bīn-chêng koaiⁿ-ba̍t thian-kok; lín ka-kī bô ji̍p, teh-beh ji̍p ê lâng, lín iā m̄ chún in ji̍p. | 註釋 串珠 康來昌 讀經 原文 典藏 |
| 23:14 | | 註釋 串珠 康來昌 原文 典藏 |
| 23:15 | Lín ké-hó ê keng-ha̍k-sū kap Hoat-lī-sài lâng, ū chai-ē ah! in-ūi lín piàn kiâⁿ chúi-lō͘ lio̍k-lō͘, hō͘ chi̍t lâng ji̍p kàu; kì-jiân ji̍p, chiū hō͘ i chòe tē-ge̍k ê lâng, pí lín ka-pē. | 註釋 串珠 康來昌 讀經 原文 典藏 |
| 23:16 | Lín chhiⁿ-mî chòe chhōa-thâu ê, ū chai-ē ah! lín kóng, Kìⁿ-nā kí tiān lâi chiù-chōa ê, bô sū; to̍k-to̍k kìⁿ-nā kí tiān-ni̍h ê kim lâi chiù-chōa ê, chiū tio̍h siú i. | 註釋 串珠 康來昌 字典 讀經 原文 典藏 |
| 23:17 | Lín gōng koh chhiⁿ-mî; in-ūi tá-lo̍h chi̍t hāng khah tōa, sī kim, á-sī hō͘ kim chiâⁿ sèng ê tiān ah? | 註釋 串珠 康來昌 字典 讀經 原文 典藏 |
| 23:18 | Lín ia̍h kóng, Kìⁿ-nā kí tôaⁿ lâi chiù-chōa ê, bô sū; to̍k-to̍k kìⁿ-nā kí tôaⁿ-téng ê lé-mi̍h lâi chiù-chōa ê, chiū tio̍h siú i. | 註釋 串珠 康來昌 讀經 原文 典藏 |
| 23:19 | Lín chhiⁿ-mî ah; in-ūi tá-lo̍h chi̍t hāng khah tōa, sī lé-mi̍h á-sī hō͘ lé-mi̍h chiâⁿ sèng ê tôaⁿ? | 註釋 串珠 康來昌 讀經 原文 典藏 |
| 23:20 | Só͘-í lâng kí tôaⁿ lâi chiù-chōa, sī kí tôaⁿ kap kìⁿ-nā tī i téng-bīn ê, lâi chiù-chōa. | 註釋 串珠 康來昌 字典 讀經 原文 典藏 |
| 23:21 | Lâng kí tiān lâi chiù-chōa, sī kí tiān kap tiàm tī hit lāi-bīn ê lâi chiù-chōa. | 註釋 串珠 康來昌 字典 讀經 原文 典藏 |
| 23:22 | Lâng kí thiⁿ lâi chiù-chōa, sī kí Siōng-tè ê chō-ūi kap chē tī hit téng-bīn ê, lâi chiù-chōa. | 註釋 串珠 康來昌 字典 讀經 原文 典藏 |
| 23:23 | Lín ké-hó ê keng-ha̍k-sū kap Hoat-lī-sài lâng, ū chai-ē ah! in-ūi lín chiong po̍k-hô, poeh-kak, má-khûn, cha̍p hūn thiu chi̍t hūn; nā-sī lu̍t-hoat ê khah tùi-tiōng ê, chiū-sī kong-gī, lîn-bín kap sìn-si̍t, lín chiū pàng-sak; chóng-sī chiah-ê sī eng-kai tio̍h kiâⁿ ê, hiah-ê iā sī m̄-thang pàng-sak. | 註釋 串珠 康來昌 字典 讀經 原文 典藏 |
| 23:24 | Lín chhiⁿ-mî chòe chhōa-thâu ê, báng-á chiū lū-khí-lâi, lo̍k-tô chiū thun-lo̍h-khì. | 註釋 串珠 康來昌 字典 讀經 原文 典藏 |
| 23:25 | Lín ké-hó ê keng-ha̍k-sū kap Hoat-lī-sài lâng, ū chai-ē ah! in-ūi lín chheng-khì poe-pôaⁿ ê gōa-bīn, nā-sī hit lāi-bīn tóe le̍k-sek kap hòng-tōng móa-móa. | 註釋 串珠 康來昌 字典 讀經 原文 典藏 |
| 23:26 | Lí chhiⁿ-mî ê Hoat-lī-sài lâng ah, tāi-seng chheng-khì poe-pôaⁿ ê lāi-bīn, hō͘ i ê gōa-bīn ia̍h ōe chheng-khì. | 註釋 串珠 康來昌 字典 讀經 原文 典藏 |
| 23:27 | Lín ké-hó ê keng-ha̍k-sū kap Hoat-lī-sài lâng, ū chai-ē ah! in-ūi lín chhin-chhiūⁿ hún pe̍h ê bōng, gōa-bīn khòaⁿ sī súi, nā-sī lāi-bīn tóe sí-lâng ê kut-thâu kap ta̍k hāng ê ù-òe móa-móa. | 註釋 串珠 康來昌 字典 讀經 原文 典藏 |
| 23:28 | Án-ni, lín gōa-bīn hō͘ lâng khòaⁿ sī gī, nā-sī lāi-bīn chiū ké-hó kap put-hoat móa-móa. | 註釋 串珠 康來昌 讀經 原文 典藏 |
| 23:29 | Lín ké-hó ê keng-ha̍k-sū kap Hoat-lī-sài lâng, ū chai-ē ah! in-ūi lín chhòng sian-ti lâng ê bōng, siu-chéng gī lâng ê hûn-bōng; | 註釋 串珠 康來昌 字典 讀經 原文 典藏 |
| 23:30 | ia̍h kóng, Siat-sú goán tī goán chó͘ ê sî, chiū bô kap in ū hūn tī lâu sian-ti lâng ê huih. | 註釋 串珠 康來昌 讀經 原文 典藏 |
| 23:31 | Án-ni, lín ka-kī kan-chèng sī chòe thâi sian-ti lâng ê ê hō͘-è. | 註釋 串珠 康來昌 讀經 原文 典藏 |
| 23:32 | Chòe lín khì móa lín chó͘ ê hūn-liōng. | 註釋 串珠 康來昌 讀經 原文 典藏 |
| 23:33 | Chôa ah! to̍k-thâng ê lūi ah! lín thài ōe tô-siám tē-ge̍k ê hêng-hoa̍t? | 註釋 串珠 康來昌 字典 讀經 原文 典藏 |
| 23:34 | Só͘-í góa chhe sian-ti tì-sek ê lâng, keng-ha̍k-sū chiū-kūn lín; ū-ê lín beh thâi i, beh tèng i tī si̍p-jī-kè; iā ū-ê beh tī lín ê hōe-tn̂g ēng piⁿ phah i, tùi chit ê siâⁿ kóaⁿ-tio̍k in kàu hit ê siâⁿ. | 註釋 串珠 康來昌 字典 讀經 原文 典藏 |
| 23:35 | Tì-kàu tōe-chiūⁿ só͘ lâu gī lâng ê huih, lóng kui tī lín, chiū-sī tùi gī lâng A-pek ê huih kàu Pa-lia̍p-ka ê kiáⁿ Sat-ka-lī-a ê huih, i sī lín só͘ thâi tī tiān kap tôaⁿ ê tiong-kan ê. | 註釋 串珠 康來昌 字典 讀經 原文 典藏 |
| 23:36 | Góa si̍t-chāi kā lín kóng, Chiah-ê sū lóng beh kui tī chit tāi. | 註釋 串珠 康來昌 讀經 原文 典藏 |
| 23:37 | Iâ-lō͘-sat-léng ah! Iâ-lō͘-sat-léng ah! chiū-sī thâi-sí sian-ti lâng, ēng chio̍h-thâu tìm hōng-chhe kàu tī i ê; góa jōa chōe pái ài chū-chi̍p lí ê kiáⁿ-jî, chhin-chhiūⁿ koe-bú chū-chi̍p i ê koe-á tī si̍t-ē; nā-sī lín m̄ ài. | 註釋 串珠 康來昌 字典 讀經 原文 典藏 |
| 23:38 | Lí khòaⁿ! lín ê chhù beh pha-hng, lâu-teh hō͘ lín. | 註釋 串珠 康來昌 讀經 原文 典藏 |
| 23:39 | In-ūi góa kā lín kóng, Taⁿ liáu-āu, lín bô khòaⁿ-kìⁿ góa; thèng-hāu lín kóng, Tī Chú ê miâ lâi ê, tit-tio̍h hok-khì. | 註釋 串珠 康來昌 讀經 原文 典藏 |