章節 | 巴克禮全羅經文 | 註釋 |
27:1 | Kàu thiⁿ-kng, chèng chè-si-thâu kap peh-sìⁿ ê tiúⁿ-ló saⁿ-kap kè-bô͘ kong-kek Iâ-so͘, ài hō͘ I sí. | 註釋 串珠 康來昌 讀經 原文 典藏 |
27:2 | Í-keng pa̍k I, chiū tòa-khì kau hō͘ chóng-tok Pí-lia̍p-to. | 註釋 串珠 康來昌 讀經 原文 典藏 |
27:3 | Hit sî bōe I ê Iû-tāi khòaⁿ-kìⁿ Iâ-so͘ siū tēng-chōe, chiū thè-hóe, chiong hiah-ê saⁿ-cha̍p gûn hêng chiah-ê chè-si-thâu kap tiúⁿ-ló, | 註釋 串珠 康來昌 字典 讀經 原文 典藏 |
27:4 | kóng, Góa bōe bô chōe ê ê huih, ū chōe lah. In kóng, Kap goán siáⁿ kan-sia̍p? Lí ka-kī táⁿ-sǹg. | 註釋 串珠 康來昌 讀經 原文 典藏 |
27:5 | Iû-tāi hiat hiah-ê gûn tī tiān-ni̍h, thè-khì ka-kī tiàu-sí. | 註釋 串珠 康來昌 字典 讀經 原文 典藏 |
27:6 | Hiah ê chè-si-thâu the̍h hit ê gûn, kóng, Che sī huih ê kè, m̄-thang lok tī khò͘-pâng. | 註釋 串珠 康來昌 字典 讀經 原文 典藏 |
27:7 | In chiū chham-siông, chiong hit ê gûn khì bóe sio-hûi lâng ê hn̂g, thang bâi-chòng chhut-gōa lâng. | 註釋 串珠 康來昌 讀經 原文 典藏 |
27:8 | Só͘-í hit khu hn̂g kàu taⁿ chheng chòe Huih-hn̂g. | 註釋 串珠 康來昌 讀經 原文 典藏 |
27:9 | Tùi án-ni èng-giām chá thok sian-ti Iâ-lī-bí só͘ kóng ê, kóng, In the̍h siū-kó͘-ê ê kè-gûn saⁿ-cha̍p, chiū-sī Í-sek-lia̍t ê kiáⁿ-sun tiong ū lâng só͘ kó͘ ê; | 註釋 串珠 康來昌 字典 讀經 原文 典藏 |
27:10 | ēng i lâi bóe sio-hûi-ê ê hn̂g, chiàu Chú só͘ bēng-lēng góa ê. | 註釋 串珠 康來昌 讀經 原文 典藏 |
27:11 | Iâ-so͘ khiā tī chóng-tok ê bīn-chêng; chóng-tok mn̄g I kóng, Lí sī Iû-thài lâng ê ông mah? Iâ-so͘ kā i kóng, Lí kóng, chiū-sī. | 註釋 串珠 康來昌 讀經 原文 典藏 |
27:12 | I hō͘ hiah-ê chè-si-thâu tiúⁿ-ló kò, I iā bô ìn. | 註釋 串珠 康來昌 讀經 原文 典藏 |
27:13 | Hit sî Pí-lia̍p-to kā I kóng, Hiah ê lâng kan-chèng lí kàu hiah chōe hāng, lí bô thiaⁿ-kìⁿ mah? | 註釋 串珠 康來昌 讀經 原文 典藏 |
27:14 | Iâ-so͘ bô ìn i chi̍t kù ōe, tì-kàu chóng-tok tōa kî-koài. | 註釋 串珠 康來昌 讀經 原文 典藏 |
27:15 | Kàu choeh-kî chóng-tok chiàu-lē pàng chi̍t-ê hoān-lâng hō͘ chèng lâng, sī chiàu in só͘ ài ê. | 註釋 串珠 康來昌 讀經 原文 典藏 |
27:16 | Hit sî ū chhut-miâ ê hoān-lâng, miâ kiò Pa-lia̍p-pa. | 註釋 串珠 康來昌 讀經 原文 典藏 |
27:17 | In í-keng chū-chi̍p, Pí-lia̍p-to kā in kóng, Lín ài góa pàng chī-chūi hō͘ lín? sī Pa-lia̍p-pa, á-sī chheng chòe Ki-tok ê Iâ-so͘? | 註釋 串珠 康來昌 讀經 原文 典藏 |
27:18 | In-ūi chai in ūi-tio̍h oàn-tò͘ chiah ké-sàng Iâ-so͘. | 註釋 串珠 康來昌 讀經 原文 典藏 |
27:19 | I chē tn̂g ê sî, i ê bó͘ chhe lâng kā i kóng, Chit ê gī lâng lí m̄-thang kan-sia̍p-tio̍h; in-ūi góa kin-á-ji̍t tī bîn-bāng tiong ūi-tio̍h I chōe-chōe kan-khó͘. | 註釋 串珠 康來昌 字典 讀經 原文 典藏 |
27:20 | Chiah-ê chè-si-thâu kap tiúⁿ-ló kiau-so chèng lâng, kiû pàng Pa-lia̍p-pa, bia̍t Iâ-so͘. | 註釋 串珠 康來昌 讀經 原文 典藏 |
27:21 | Chóng-tok ìn kóng, Chit nn̄g lâng lín ài góa pàng tá-lo̍h chi̍t-ê hō͘ lín? In kóng, Pa-lia̍p-pa. | 註釋 串珠 康來昌 讀經 原文 典藏 |
27:22 | Pí-lia̍p-to kā in kóng, Án-ni, chiū chheng chòe Ki-tok ê Iâ-so͘, góa tio̍h cháiⁿ-iūⁿ pān I? In lóng kóng, Tèng I si̍p-jī-kè. | 註釋 串珠 康來昌 字典 讀經 原文 典藏 |
27:23 | Chóng-tok kóng, Cháiⁿ-iūⁿ, I ū kiâⁿ sím-mi̍h pháiⁿ? In tōa siaⁿ hoah kóng, Tèng I si̍p-jī-kè. | 註釋 串珠 康來昌 字典 讀經 原文 典藏 |
27:24 | Pí-lia̍p-to khòaⁿ-kìⁿ bô chhái-kang, hoán-tńg ná jiáu-loān, chiū phâng chúi, tī chèng lâng ê bīn-chêng sóe chhiú, kóng, Tī chit ê gī lâng ê huih góa bô chōe, lín ka-kī táⁿ-sǹg. | 註釋 串珠 康來昌 讀經 原文 典藏 |
27:25 | Peh-sìⁿ lóng ìn i kóng, I ê huih kui tī goán kap goán ê kiáⁿ-sun. | 註釋 串珠 康來昌 讀經 原文 典藏 |
27:26 | I chiū pàng Pa-lia̍p-pa hō͘ in. Í-keng piⁿ-phah Iâ-so͘, chiū hoat-kau khì tèng si̍p-jī-kè. | 註釋 串珠 康來昌 字典 讀經 原文 典藏 |
27:27 | Hit sî chóng-tok ê peng tòa Iâ-so͘ ji̍p kong-tn̂g, chū-chi̍p thong iâⁿ ûi I. | 註釋 串珠 康來昌 字典 讀經 原文 典藏 |
27:28 | Thǹg I ê saⁿ, chiong âng phàu kā I chhēng; | 註釋 串珠 康來昌 字典 讀經 原文 典藏 |
27:29 | ēng chhì-á pīⁿ bián-liû, tì tī I ê thâu-khak, ēng lô͘-tek hē tī I ê chiàⁿ-chhiú, kūi tī I ê bīn-chêng hì-lāng I kóng, Iû-thài lâng ê ông, pêng-an. | 註釋 串珠 康來昌 字典 讀經 原文 典藏 |
27:30 | Chiū kā I phùi-nōa, kia̍h hit ki lô͘-tek, lâi sut I ê thâu-khak. | 註釋 串珠 康來昌 字典 讀經 原文 典藏 |
27:31 | Hì-lāng soah, hit niá phàu chiū kā I thǹg-khí-lâi, chiong I ka-kī ê saⁿ kā I chhēng, tòa I khì tèng si̍p-jī-kè. | 註釋 串珠 康來昌 字典 讀經 原文 典藏 |
27:32 | Chhut-lâi ê sî tú-tio̍h chi̍t ê Kó͘-lī-nāi lâng miâ Se-bûn, bián-kióng i saⁿ-kap khì, hō͘ i giâ Iâ-so͘ ê si̍p-jī-kè. | 註釋 串珠 康來昌 字典 讀經 原文 典藏 |
27:33 | Kàu chi̍t só͘-chāi, miâ Kok-kok-thaⁿ, chiū-sī thâu-khak-óaⁿ ê só͘-chāi, chiū ēng khó͘-táⁿ só͘ tiâu-hô ê chiú hō͘ I lim; | 註釋 串珠 康來昌 讀經 原文 典藏 |
27:34 | I chhì-khòaⁿ, chiū m̄ lim. | 註釋 串珠 康來昌 字典 讀經 原文 典藏 |
27:35 | Í-keng tèng I tī si̍p-jī-kè, chiū chòe-khau pun I ê i-ho̍k; | 註釋 串珠 康來昌 字典 讀經 原文 典藏 |
27:36 | koh chē tī hia kò͘-siú I. | 註釋 串珠 康來昌 讀經 原文 典藏 |
27:37 | Chiū hē chám-tiâu tī I ê thâu-khak ê téng-bīn, siá kóng, Chit-ê sī Iû-thài lâng ê ông, Iâ-so͘. | 註釋 串珠 康來昌 讀經 原文 典藏 |
27:38 | Hit sî ū nn̄g ê chha̍t kap I tâng tèng tī si̍p-jī-kè, chi̍t-ê tī chiàⁿ-pêng, chi̍t-ê tī tò-pêng. | 註釋 串珠 康來昌 字典 讀經 原文 典藏 |
27:39 | Keng-kè ê lâng ki-chhì I, iô thâu kóng, | 註釋 串珠 康來昌 讀經 原文 典藏 |
27:40 | Lí húi-hoāi tiān, saⁿ ji̍t koh khí ê, tio̍h kiù ka-kī; lí nā sī Siōng-tè ê Kiáⁿ, tio̍h tùi si̍p-jī-kè lo̍h-lâi. | 註釋 串珠 康來昌 字典 讀經 原文 典藏 |
27:41 | Hiah ê chè-si-thâu kap keng-ha̍k-sū í-ki̍p tiúⁿ-ló iā sī án-ni hì-lāng I, kóng, | 註釋 串珠 康來昌 讀經 原文 典藏 |
27:42 | I bat kiù pa̍t lâng, bōe-ōe kiù ka-kī. I chòe Í-sek-lia̍t ê ông, taⁿ tio̍h tùi si̍p-jī-kè lo̍h-lâi, goán chiū beh sìn I. | 註釋 串珠 康來昌 字典 讀經 原文 典藏 |
27:43 | I óa-khò Siōng-tè, Siōng-tè nā hoaⁿ-hí I, taⁿ chiū tio̍h kiù I; in-ūi I kóng, Góa chiū-sī Siōng-tè ê Kiáⁿ. | 註釋 串珠 康來昌 讀經 原文 典藏 |
27:44 | Kap I tâng tèng hit nn̄g ê chha̍t iā sī án-ni mē I. | 註釋 串珠 康來昌 字典 讀經 原文 典藏 |
27:45 | Tùi ji̍t-tiong-tàu kàu saⁿ tiám, piàn tōe o͘-àm. | 註釋 串珠 康來昌 讀經 原文 典藏 |
27:46 | Chha-put-to saⁿ tiám, Iâ-so͘ tōa siaⁿ âu-kiò kóng, Í-lī, Í-lī, lia̍p-má sat-pok-tāi-nî, chiū-sī kóng, Góa ê Siōng-tè, góa ê Siōng-tè, lí siáⁿ-sū pàng-lī góa? | 註釋 串珠 康來昌 讀經 原文 典藏 |
27:47 | Piⁿ-thâu khiā ê ū lâng thiaⁿ-kìⁿ chiū kóng, I teh kiò Í-lī-a. | 註釋 串珠 康來昌 讀經 原文 典藏 |
27:48 | Tiong-kan chi̍t lâng chek-sî cháu-khì, the̍h hái-jiông, chìm chhò͘, hâ tī lô͘-tek-á bé, hō͘ I suh. | 註釋 串珠 康來昌 字典 讀經 原文 典藏 |
27:49 | Kî-û ê kóng, Chhiáⁿ bān, khòaⁿ Í-lī-a lâi kiù I á bô. | 註釋 串珠 康來昌 讀經 原文 典藏 |
27:50 | Iâ-so͘ koh tōa siaⁿ âu-kiò, chiū tn̄g khùi. | 註釋 串珠 康來昌 讀經 原文 典藏 |
27:51 | Hut-jiân tiān-lāi ê tiùⁿ, tùi téng kàu ē, li̍h chòe nn̄g pêng; tōe tāng, chio̍h-pôaⁿ li̍h; | 註釋 串珠 康來昌 字典 讀經 原文 典藏 |
27:52 | bōng khui, í-keng teh khùn ê sèng-tô͘, in ê sin-khu chōe-chōe khí-lâi, tùi in ê bōng chhut; | 註釋 串珠 康來昌 字典 讀經 原文 典藏 |
27:53 | kàu Iâ-so͘ koh-oa̍h liáu-āu, in ji̍p sèng siâⁿ, chhut-hiān tī chōe-chōe lâng. | 註釋 串珠 康來昌 字典 讀經 原文 典藏 |
27:54 | Pé-chóng kap saⁿ-tâng kò͘-siú Iâ-so͘ ê, khòaⁿ-kìⁿ tōe-tāng, kap só͘ keng-kè ê sū, put-chí kiaⁿ, kóng, Chit-ê kó-jiân sī Siōng-tè ê Kiáⁿ. | 註釋 串珠 康來昌 讀經 原文 典藏 |
27:55 | Ū chōe-chōe hū-jîn-lâng tī hia hn̄g-hn̄g teh khòaⁿ; in chiū-sī tùi Ka-lī-lī kun-tè Iâ-so͘ lâi ho̍k-sāi I ê; | 註釋 串珠 康來昌 讀經 原文 典藏 |
27:56 | chiông-tiong ū Boa̍t-tāi-lia̍p ê Má-lī-a, Ngá-kok Iok-se ê lāu-bú Má-lī-a, kap Se-pí-thài ê kiáⁿ ê lāu-bú. | 註釋 串珠 康來昌 讀經 原文 典藏 |
27:57 | Í-keng àm, ū A-lī-má-thài ê hó-gia̍h lâng lâi, miâ chòe Iok-sek, i iā sī Iâ-so͘ ê ha̍k-seng. | 註釋 串珠 康來昌 讀經 原文 典藏 |
27:58 | Hit lâng khì kìⁿ Pí-lia̍p-to, kiû Iâ-so͘ ê sin-si; Pí-lia̍p-to hoan-hù tio̍h hō͘ i. | 註釋 串珠 康來昌 讀經 原文 典藏 |
27:59 | Iok-sek siu hit ê sin-si, ēng chheng-khì ê iù-pò͘ pau i; | 註釋 串珠 康來昌 字典 讀經 原文 典藏 |
27:60 | hē tī i ka-kī ê sin bōng, chiū-sī i tī chio̍h-pôaⁿ só͘ phah ê; chiū kō tōa tè chio̍h tī bōng-mn̂g, chiah khì. | 註釋 串珠 康來昌 字典 讀經 原文 典藏 |
27:61 | Ū Boa̍t-tāi-lia̍p ê Má-lī-a kap pa̍t ê Má-lī-a tī hia, chē tī bōng ê tùi-bīn. | 註釋 串珠 康來昌 字典 讀經 原文 典藏 |
27:62 | Keh ji̍t, chiū-sī pī-pān choeh āu ê chi̍t ji̍t, hiah-ê chè-si-thâu kap Hoat-lī-sài lâng chū-chi̍p kìⁿ Pí-lia̍p-to kóng, | 註釋 串珠 康來昌 讀經 原文 典藏 |
27:63 | Tāi-jîn ah, goán kì-tit hit ê bê-he̍k lâng ê, oa̍h-teh ê sî bat kóng, Saⁿ ji̍t āu góa beh koh-oa̍h. | 註釋 串珠 康來昌 讀經 原文 典藏 |
27:64 | Só͘-í chhiáⁿ lí bēng-lēng kò͘-siú hit ê bōng, kàu tē saⁿ ji̍t; kiaⁿ-liáu I ê ha̍k-seng lâi thau I khì, ia̍h kā peh-sìⁿ kóng, I tùi sí-lâng tiong koh-oa̍h; án-ni, chiū āu-lâi ê chha-biū, pí tāi-seng khah lī-hāi. | 註釋 串珠 康來昌 字典 讀經 原文 典藏 |
27:65 | Pí-lia̍p-to kā in kóng, Lín niá peng khì, chiàu lín só͘ chai-iáⁿ ê khì kò͘-siú. | 註釋 串珠 康來昌 讀經 原文 典藏 |
27:66 | In chiū khì, hong chio̍h kap siat peng, lâi kò͘-siú hit ê bōng. | 註釋 串珠 康來昌 字典 讀經 原文 典藏 |