| 章節 | 巴克禮全羅經文 | 註釋 |
| 25:1 | Hit sî thian-kok beh pí-phēng cha̍p ê chāi-sek-lú, kia̍h in ê teng, chhut-khì ngiâ-chih sin-kiáⁿ-sài. | 註釋 串珠 康來昌 字典 讀經 原文 典藏 |
| 25:2 | Kî-tiong gō͘-ê gōng ê, gō͘-ê tì-sek ê. | 註釋 串珠 康來昌 讀經 原文 典藏 |
| 25:3 | Gōng ê kia̍h in ê teng, bô lēng-gōa tòa iû. | 註釋 串珠 康來昌 讀經 原文 典藏 |
| 25:4 | To̍k-to̍k tì-sek ê kia̍h in ê teng lēng-gōa tòa iû tī in ê khì-kū lāi. | 註釋 串珠 康來昌 字典 讀經 原文 典藏 |
| 25:5 | Sin-kiáⁿ-sài iân-chhiân, chiū lóng tuh-ka-chē teh khùn. | 註釋 串珠 康來昌 讀經 原文 典藏 |
| 25:6 | Pòaⁿ mî, ū tōa siaⁿ kiò kóng, Sin-kiáⁿ-sài lâi lah; lín chhut-lâi chih i. | 註釋 串珠 康來昌 讀經 原文 典藏 |
| 25:7 | Hit sî chiah-ê chāi-sek-lú lóng khí-lâi, siu-chéng in ê teng. | 註釋 串珠 康來昌 字典 讀經 原文 典藏 |
| 25:8 | Gōng ê kā tì-sek ê kóng, chhiáⁿ chiong lín ê iû pun goán, in-ūi goán ê teng beh hoa lah. | 註釋 串珠 康來昌 字典 讀經 原文 典藏 |
| 25:9 | Tì-sek ê ìn kóng, Kiaⁿ-liáu lín goán lóng bô kàu; khah hó khì tùi bōe ê lâng ka-kī bóe. | 註釋 串珠 康來昌 讀經 原文 典藏 |
| 25:10 | Khì bóe ê sî, sin-kiáⁿ-sài kàu, hiah-ê piān-ê kap i ji̍p hun-in ê iân-toh; mn̂g chiū koaiⁿ. | 註釋 串珠 康來昌 字典 讀經 原文 典藏 |
| 25:11 | Jiân-āu kî-û ê chāi-sek-lú ia̍h lâi, kóng, Chú ah, Chú ah, kā goán khui. | 註釋 串珠 康來昌 讀經 原文 典藏 |
| 25:12 | Nā-sī i ìn kóng, Góa si̍t-chāi kā lín kóng, Góa m̄ bat lín. | 註釋 串珠 康來昌 讀經 原文 典藏 |
| 25:13 | Só͘-í tio̍h tiuⁿ-tî, in-ūi lín m̄ chai hit ê ji̍t, hit ê sî. | 註釋 串珠 康來昌 讀經 原文 典藏 |
| 25:14 | In-ūi chhin-chhiūⁿ chi̍t lâng beh khì gōa-kok; chiū tiàu i ka-kī ê lô͘-po̍k chiong só͘ ū ê kau-tāi in. | 註釋 串珠 康來昌 讀經 原文 典藏 |
| 25:15 | Chi̍t-ê hō͘ i gûn gō͘ chheng, chi̍t-ê hō͘ i nn̄g chheng, chi̍t-ê hō͘ i chi̍t chheng; kok chiàu in ê châi-tiāu; chiū khì gōa-kok. | 註釋 串珠 康來昌 字典 讀經 原文 典藏 |
| 25:16 | Niá gō͘ chheng ê, sûi-sî khì chòe seng-lí, koh thàn gō͘ chheng. | 註釋 串珠 康來昌 字典 讀經 原文 典藏 |
| 25:17 | Niá nn̄g chheng ê ia̍h sī án-ni, koh thàn nn̄g chheng. | 註釋 串珠 康來昌 讀經 原文 典藏 |
| 25:18 | To̍k-to̍k hit-ê niá chi̍t chheng ê khì, chiū ku̍t tōe, lâi khǹg-ba̍t i ê chú-lâng ê gûn. | 註釋 串珠 康來昌 字典 讀經 原文 典藏 |
| 25:19 | Kè kú-kú, chiah-ê lô͘-po̍k ê chú-lâng kàu, kap in sǹg-siàu. | 註釋 串珠 康來昌 讀經 原文 典藏 |
| 25:20 | Niá gō͘ chheng ê lâi, koh tòa gō͘ chheng, kóng, Chú ah, lí kau-tāi góa gō͘ chheng; lí khòaⁿ, góa ū koh thàn gō͘ chheng. | 註釋 串珠 康來昌 字典 讀經 原文 典藏 |
| 25:21 | I ê chú-lâng kā i kóng, Hó ah, hó koh chīn-tiong ê lô͘-po̍k, lí tī chió-ê í-keng chīn-tiong, góa beh siat-li̍p lí lâi koán chōe-ê; thang ji̍p lí ê chú-lâng ê khoài-lo̍k. | 註釋 串珠 康來昌 讀經 原文 典藏 |
| 25:22 | Niá nn̄g chheng ê ia̍h lâi, kóng, Chú ah, lí kau-tāi góa nn̄g chheng; lí khòaⁿ, góa ū koh thàn nn̄g chheng. | 註釋 串珠 康來昌 字典 讀經 原文 典藏 |
| 25:23 | I ê chú-lâng kā i kóng, Hó ah, hó koh chīn-tiong ê lô͘-po̍k, lí tī chió-ê í-keng chīn-tiong, góa beh siat-li̍p lí lâi koán chōe-ê; thang ji̍p lí ê chú-lâng ê khoài-lo̍k. | 註釋 串珠 康來昌 讀經 原文 典藏 |
| 25:24 | Niá chi̍t chheng ê ia̍h lâi, kóng, Chú ah, góa chai lí sī giâm-ha̍t ê lâng; bē iā ê só͘-chāi, chiū beh siu-koah; bē hun-sòaⁿ ê só͘-chāi, chiū beh khioh chòe tui. | 註釋 串珠 康來昌 字典 讀經 原文 典藏 |
| 25:25 | Só͘-í góa kiaⁿ, chiū chiong lí chi̍t chheng gûn khì tâi tī tōe-ni̍h; taⁿ lí ê goân-mi̍h hêng lí. | 註釋 串珠 康來昌 字典 讀經 原文 典藏 |
| 25:26 | I ê chú-lâng chiū ìn i kóng, Pháiⁿ koh pîn-tōaⁿ ê lô͘-po̍k ah, lí kì-jiân chai góa bē iā ê só͘-chāi, chiū beh siu-koah, bē hun-sòaⁿ ê só͘-chāi, chiū beh khioh chòe tui. | 註釋 串珠 康來昌 讀經 原文 典藏 |
| 25:27 | Chiū tio̍h chiong góa ê gûn hē tī chîⁿ-tiàm; góa lâi ê sî thang tit-tio̍h góa ê pún-gûn kap lī-sek. | 註釋 串珠 康來昌 字典 讀經 原文 典藏 |
| 25:28 | Só͘-í tio̍h tùi i the̍h hit chi̍t chheng, lâi hō͘ hit ê ū cha̍p chheng ê. | 註釋 串珠 康來昌 字典 讀經 原文 典藏 |
| 25:29 | In-ūi kìⁿ-nā ū ê, beh hō͘ i, hō͘ i ū chhun; bô ê, liân i só͘ ū ê, ia̍h beh the̍h i. | 註釋 串珠 康來昌 讀經 原文 典藏 |
| 25:30 | Ia̍h hit ê bô lī-ek ê lô͘-po̍k, kóaⁿ i tī gōa-bīn o͘-àm ê só͘-chāi; tī hia beh ū thî-khàu, kā-gê chhiat-chhí. | 註釋 串珠 康來昌 讀經 原文 典藏 |
| 25:31 | Tng Jîn-chú tī I ê êng-kng, kap lóng-chóng ê thiⁿ-sài lâi ê sî, I beh chē I êng-kng ê chō-ūi, | 註釋 串珠 康來昌 字典 讀經 原文 典藏 |
| 25:32 | chū-chi̍p bān pang tī I ê bīn-chêng; I chiū beh hun-piat in, chhin-chhiūⁿ bo̍k-chiá hun-piat mî-iûⁿ lī-khui soaⁿ-iûⁿ. | 註釋 串珠 康來昌 字典 讀經 原文 典藏 |
| 25:33 | Chiong mî-iûⁿ hē tī I ê chiàⁿ-pêng, soaⁿ-iûⁿ hē tī I ê tò-pêng. | 註釋 串珠 康來昌 字典 讀經 原文 典藏 |
| 25:34 | Hit sî Ông beh kā chiàⁿ-pêng ê kóng, Lín tùi góa ê Pē tit-tio̍h un-tián ê, chìn-chêng lâi sêng-chiap kok, chiū-sī tùi chhòng-chō sè-kan í-lâi kā lín pī-pān ê. | 註釋 串珠 康來昌 讀經 原文 典藏 |
| 25:35 | In-ūi góa iau, lín bat hō͘ góa chia̍h; góa chhùi-ta, lín hō͘ góa lim; góa chhut-gōa, lín hō͘ góa tòa; góa thǹg-pak-theh, lín hō͘ góa chhēng; | 註釋 串珠 康來昌 讀經 原文 典藏 |
| 25:36 | góa phòa-pīⁿ, lín khòaⁿ-kò͘ góa; góa tī kaⁿ-ni̍h, lín lâi chhē góa. | 註釋 串珠 康來昌 字典 讀經 原文 典藏 |
| 25:37 | Hit sî gī lâng beh ìn I kóng, Chú ah, goán sím-mi̍h sî khòaⁿ-kìⁿ lí iau, lâi hō͘ lí chia̍h? chhùi-ta, lâi hō͘ lí lim? | 註釋 串珠 康來昌 讀經 原文 典藏 |
| 25:38 | Sím-mi̍h sî khòaⁿ-kìⁿ lí chhut-gōa, lâi hō͘ lí tòa? thǹg-pak-theh, lâi hō͘ lí chhēng? | 註釋 串珠 康來昌 讀經 原文 典藏 |
| 25:39 | Sím-mi̍h sî khòaⁿ-kìⁿ lí phòa-pīⁿ, á-sī tī kaⁿ-ni̍h, lâi chhē lí? | 註釋 串珠 康來昌 字典 讀經 原文 典藏 |
| 25:40 | Ông beh ìn i kóng, Góa si̍t-chāi kā lín kóng, Lín kì-jiân kiâⁿ i tī góa ê hiaⁿ-tī chì-bî-sòe ê ê chi̍t-ê, chiū-sī kiâⁿ i tī góa. | 註釋 串珠 康來昌 讀經 原文 典藏 |
| 25:41 | Koh beh kā tò-pêng ê kóng, Lín siū chiù-chó͘ ê, tio̍h lī-khui góa, ji̍p éng-oán ê hé, chiū-sī ūi-tio̍h Mô͘-kúi kap i chiah-ê sù-chiá só͘ pī-pān ê. | 註釋 串珠 康來昌 讀經 原文 典藏 |
| 25:42 | In-ūi góa iau, lín m̄ bat hō͘ góa chia̍h; góa chhùi-ta, lín m̄ bat hō͘ góa lim; góa chhut-gōa, lín m̄ bat hō͘ góa tòa; | 註釋 串珠 康來昌 讀經 原文 典藏 |
| 25:43 | góa thǹg-pak-theh, lín m̄ bat hō͘ góa chhēng; góa phòa-pīⁿ kap tī kaⁿ-ni̍h, lín m̄ bat khòaⁿ-kò͘ góa. | 註釋 串珠 康來昌 字典 讀經 原文 典藏 |
| 25:44 | In ia̍h beh ìn kóng, Chú ah, goán sím-mi̍h sî khòaⁿ-kìⁿ lí iau, á-sī chhùi-ta, á-sī chhut-gōa, á-sī thǹg-pak-theh, á-sī phòa-pīⁿ, á-sī tī kaⁿ-ni̍h, lâi bô ho̍k-sāi lí ah? | 註釋 串珠 康來昌 字典 讀經 原文 典藏 |
| 25:45 | I chiū beh ìn i kóng, Góa si̍t-chāi kā lín kóng, Lín kì-jiân bô kiâⁿ i tī chiah-ê chì-bî-sòe ê ê chi̍t ê, chiū-sī bô kiâⁿ i tī góa. | 註釋 串珠 康來昌 讀經 原文 典藏 |
| 25:46 | Chiah-ê lâng beh khì ji̍p éng-oán ê hêng-hoa̍t; nā-sī gī ê lâng ji̍p éng-oán oa̍h. | 註釋 串珠 康來昌 讀經 原文 典藏 |