創世記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
22:1 上帝命令亞伯拉罕獻祭以撒
Chiahê tāichì以後,上帝beh試驗亞伯拉罕,to̍h叫伊來,講:「亞伯拉罕。」伊應講:「我tī chia。」
22:2 上帝講:「你chhōa你ê kiáⁿ,to̍h是你獨生ê kiáⁿ,你所疼ê以撒,去Mó͘-leh-iah ê地,到我所會指示你ê山,tī hia kā伊獻做燒祭。」
22:3 亞伯拉罕透早起來,準備驢á,chhōa伊ê兩 个僕人kah伊ê kiáⁿ以撒,mā破燒祭用ê柴,to̍h出發去上帝所指示伊ê所在。
22:4 到第三日,亞伯拉罕gia̍h頭看遠遠hitê所在。
22:5 亞伯拉罕對伊ê僕人講:「Lín kah驢tiàm chia thèng候,我kah gín-á去hia敬拜了後,to̍h ētńg來lín chia。」
22:6 亞伯拉罕kā燒祭ê柴hē tī伊ê kiáⁿ以撒ê身上,kakī ê手gia̍h火kah刀;兩人做伙行。
22:7 以撒kā伊ê老父亞伯拉罕講:「父ah。」亞伯拉罕應講:「我ê kiáⁿ,我tī chia。」以撒講:「你看,火kah柴lóng有,總是,燒祭ê羊á tī tó位?」
22:8 亞伯拉罕講:「我ê kiáⁿ,上帝會kakī 準備燒祭ê羊á。」兩人koh做伙行。
22:9 In來到上帝指示伊ê所在,亞伯拉罕tī hia起壇,kā柴排好,koh kā伊ê kiáⁿ以撒縛起來,hē tī壇裡ê柴頂。
22:10 亞伯拉罕to̍h伸手gia̍h刀,behthâi伊ê kiáⁿ。
22:11 上主ê使者tùi天叫伊講:「亞伯拉罕,亞伯拉罕!」伊應講:「我tī chia。」
22:12 使者講:「你m̄ thang tī chitê gín-á ê身上下手,mā m̄ thang對伊án怎做,因為我taⁿ知你是敬畏上帝,你mā無kā你ê kiáⁿ,to̍h是你獨生ê留teh m̄ hō͘我。」
22:13 亞伯拉罕gia̍h頭看,看tio̍h後面有一隻羊káng,角纏tī kui phō ê樹á。亞伯拉罕to̍h去掠hit隻羊káng來,獻做燒祭,來代替伊ê kiáⁿ。
22:14 亞伯拉罕kā hitê所在叫做「耶和華Í-leh」,到今á日,人iáu teh講:「Tī上主ê山,主ē準備。」
22:15 上主ê使者第二pái tùi天叫亞伯拉罕講:
22:16 「上主講,你已經行chitê tāichì,無留你ê kiáⁿ,to̍h是你獨生ê kiáⁿ,我kí kakī chiùchōa:
22:17 我賜福,beh賜福hō͘你;加添,beh加添你ê kiáⁿ孫,親像天頂ê星,海邊ê沙。你ê kiáⁿ孫ē得tio̍h對敵ê城門。
22:18 而且地chiūⁿ萬邦koh ē因為你ê kiáⁿ孫得tio̍h福氣,因為你遵thàn我ê話。」
22:19 然後,亞伯拉罕tńg來伊hiahê少年僕人hia,in to̍h做伙出發去別是巴。亞伯拉罕to̍h tiàm tī別是巴。
22:20 拿福ê Kiaⁿ孫
Chiahê tāichì了後,有人kā亞伯拉罕講:「密迦kā你ê小弟拿福生kiáⁿ,
22:21 大ê烏斯,小弟Bu-chuh kah亞南ê老父Ke-mu-el,
22:22 iáu有Ke-siat、Ha-chó͘、Pil-ta-sih、It-la-hu、彼土利,(彼土利生利百加)。」
22:23 Chit八人lóng是密迦kā亞伯拉罕ê小弟拿福生ê。
22:24 拿福ê細姨名叫做Lú-mah,她生Te-bah、Ga-hâm、Ta-ha-sih kah瑪迦。
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。