民數記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
29:1 新年獻ê祭
(利23：23-25)
「七月初一，lín tio̍h有聖會，lóng m̄ thang做勞動ê工；這是lín pûn哨角ê日。
29:2 Lín tio̍h獻芳芳ê燒祭hō͘上主，to̍h是牛káng-á一隻，綿羊káng一隻，未滿年ê羊káng-á七隻，lóng tio̍h無缺點ê。
29:3 In ê素祭，用調和油ê幼麵粉，為tio̍h一隻牛káng獻十分之三伊法，為tio̍h一隻羊káng獻五分之一伊法。
29:4 為tio̍h hit七隻羊á，ta̍k隻tio̍h獻十分之一伊法。
29:5 Koh獻一隻山羊káng做贖罪祭，kā lín贖罪。
29:6 Chiahê是ta̍k月初一ê燒祭kah伊ê素祭，以及tiāⁿ-tiāⁿ 獻ê燒祭kah in ê素祭，以及伊ê灌奠，各照它ê例以外，lóng做芳芳ê火祭獻hō͘上主。」
29:7 贖罪日獻ê祭
(利23：26-32)
「七月初十，lín tio̍h有聖會，tio̍h刻苦kakī ê心，lóng m̄ thang做工。
29:8 Lín tio̍h獻芳芳ê燒祭hō͘上主，to̍h是牛káng-á一隻，綿羊káng一隻，未滿年ê羊káng-á七隻，lóng tio̍h無缺點ê。
29:9 In ê素祭，用調和油ê幼麵粉，為tio̍h一隻牛káng獻十分之三伊法，為tio̍h一隻羊káng獻五分之一伊法；
29:10 為tio̍h hit七隻羊á，ta̍k隻tio̍h獻十分之一伊法。
29:11 Koh獻一隻山羊káng做贖罪祭，這是tī贖罪祭，kah tiāⁿ-tiāⁿ 獻ê燒祭，kah in ê素祭，以及in ê灌奠以外。」
29:12 Tòa棚節獻ê祭
(利23：33-44)
「七月十五，lín tio̍h有聖會，lóng m̄ thang做勞動ê工；tio̍h七工守節服事上主。
29:13 Lín tio̍h獻燒祭做芳芳ê火祭hō͘上主，to̍h是細隻ê牛káng-á十三隻，綿羊káng兩隻，未滿年ê羊á十四隻，lóng tio̍h無缺點ê。
29:14 In ê素祭用調和油ê幼麵粉，為tio̍h chit十三隻牛káng，ta̍k隻牛káng獻十分之三伊法，為tio̍h兩隻綿羊káng，ta̍k隻綿羊káng獻五分之一伊法。
29:15 為tio̍h hit十四隻羊á，ta̍k隻羊á獻十分之一伊法。
29:16 Mā獻一隻山羊káng做贖罪祭，這是tī tiāⁿ-tiāⁿ 獻ê燒祭，kah它ê素祭，kah它ê灌奠以外。
29:17 「第二日tio̍h獻細隻牛káng-á十二隻，綿羊káng兩隻，未滿年ê羊á十四隻，lóng tio̍h無缺點ê；
29:18 Mā為tio̍h牛káng、羊káng kah羊á，續獻伊ê素祭，伊ê灌奠，lóng照in ê數額，照hitê例；
29:19 Mā獻一隻山羊káng做贖罪祭，這是tī tiāⁿ-tiāⁿ 獻ê燒祭，kah伊ê素祭，kah伊ê灌奠以外。
29:20 「第三日tio̍h獻牛káng-á十一chiah，綿羊káng兩隻，未滿年ê羊á十四隻，lóng tio̍h無缺點ê；
29:21 mā為tio̍h牛káng、羊káng kah羊á，續獻伊ê素祭，伊ê灌奠，lóng照in ê數額，照hitê例。
29:22 Mā獻一隻山羊káng做贖罪祭，這是tī tiāⁿ-tiāⁿ 獻ê燒祭，kah伊ê素祭，kah伊ê灌奠以外。
29:23 「第四日tio̍h獻牛káng-á十隻，綿羊káng兩隻，未滿年ê羊á十四隻，lóng tio̍h無缺點ê。
29:24 Mā為tio̍h牛káng，羊káng，kah羊á，續獻伊ê素祭，伊ê灌奠，lóng照in ê數額，照hitê例；
29:25 Mā獻一隻山羊káng做贖罪祭，這是tī tiāⁿ-tiāⁿ 獻ê燒祭，kah伊ê素祭，kah伊ê灌奠以外。
29:26 「第五日tio̍h獻牛káng-á九隻，綿羊káng兩隻，未滿年ê羊á十四隻，lóng tio̍h無缺點ê。
29:27 Mā為tio̍h牛káng、羊káng kah羊á，續獻伊ê素祭，伊ê灌奠，lóng照in ê數額，照hitê例。
29:28 Mā獻一隻山羊káng做贖罪祭，這是tī tiāⁿ-tiāⁿ 獻ê燒祭，kah伊ê素祭，kah伊ê灌奠以外。
29:29 「第六日tio̍h獻牛káng-á八隻，綿羊káng兩隻，未滿年ê羊á十四隻，lóng tio̍h無缺點ê。
29:30 Mā為tio̍h牛káng、羊káng kah羊á，續獻伊ê素祭，伊ê灌奠，lóng照in ê數額，照hitê例。
29:31 Mā獻一隻山羊káng做贖罪祭，這是tī tiāⁿ-tiāⁿ 獻ê燒祭，kah伊ê素祭，kah伊ê灌奠以外。
29:32 「第七日tio̍h獻牛káng-á七隻，綿羊káng兩隻，未滿年ê羊á十四隻，lóng tio̍h無缺點ê。
29:33 Mā為tio̍h牛káng、羊káng kah羊á，續獻伊ê素祭，伊ê灌奠，lóng照in ê數額，照hitê例。
29:34 Mā獻一隻山羊káng做贖罪祭，這是tī tiāⁿ-tiāⁿ 獻ê燒祭kah伊ê素祭，kah伊ê灌奠以外。
29:35 「第八日lín tio̍h有嚴肅會，lóng m̄ thang做勞動ê工。
29:36 Lín tio̍h獻燒祭做芳芳ê火祭hō͘上主，to̍h是牛káng一隻，綿羊káng一隻，未滿年ê羊á七隻，lóng tio̍h無缺點ê。
29:37 Mā為tio̍h牛káng、羊káng kah羊á，續獻伊ê素祭，伊ê灌奠，lóng照in ê數額，照hitê例。
29:38 Mā獻一隻公ê山羊做贖罪祭，這是tī tiāⁿ-tiāⁿ 獻ê燒祭kah伊ê素祭，kah伊ê灌奠以外。
29:39 「Tī lín chiahê節期，tio̍h用chiahê物獻hō͘上主，lóng tī所下ê願，kah甘心所獻ê以外，做lín ê燒祭、素祭、灌奠kah平安祭。」
29:40 上主所命令摩西ê，摩西就照ánne lóng kā以色列人講。
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。