以西結書 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
19:1 哀歌
你tio̍h為以色列ê王親做哀歌：
19:2 Lín老母是啥物？是母ê獅，仆tī chiahê獅ê中間，tī細隻獅ê中間，養飼牠ê kiáⁿ。
19:3 Tī她ê kiáⁿ中間飼chit隻獅到大，學習咬物來食人。
19:4 列國聽tioh8to̍h tī in ê陷坑掠tio̍h，用鏈á kā牠拖到埃及地。
19:5 母ê獅看本身thèng候到失望，to̍h對牠細隻獅 ê中間koh取一隻，kā牠養飼到大。
19:6 牠tī chiahê獅ê中間走來走去，成做勇ê獅，學習咬物來食人。
19:7 牠知in ê宮殿，koh hō͘ in ê城變做拋荒，因為牠hm̄-hm̄哮ê聲，全地kah其中所有e5to̍h lóng荒廢。
19:8 就ánne，四箍圍ê邦國tùi ta̍k省來kā牠攻擊，用網拋tī牠ê頂面，牠tī in ê陷坑受掠。
19:9 In kā牠鏈tī櫥裡，帶來到巴比倫王hia，kā牠關tī堅固ê所在，hō͘牠ê聲tī以色列山無koh聽tio̍h。
19:10 Lín老母早前親像葡萄樹，非常茂盛，栽tī水邊，因為水chē就結真chē果子，發真chē枝。
19:11 生出giám硬ê枝椏，thang做掌權者ê柺á。它tī茂盛ê枝椏中成做極koân ê；因為高，它ê椏ê中枝就挺起，hō͘人看ētio̍h。
19:12 總是，chit欉葡萄樹因為大受氣，tú tio̍h受拔起來hiat tī地裡；東風kā它ê果子吹乾，giám硬ê枝椏at斷乾去，hō͘火燒燒去。
19:13 Taⁿ栽tī曠野，乾燥無水ê地。
19:14 Koh tùi它koân ê枝椏有火發出，燒它ê果子，致使它無giám硬ê枝椏thang做掌權者ê 柺。這是thang哀傷ê，thang做哀歌。
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。