出埃及記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
5:1 摩西kah亞倫去見埃及王
後來,,摩西kah亞倫入去,kā法老講:「以色列ê上帝—上主ánne講:『Tio̍h准我ê子民離開,thang hō͘ in tī曠野為我守節。』」
5:2 法老講:「上主是啥人hō͘我tio̍h聽祂ê話,准以色列人離開?我m̄ bat上主,mā m̄准以色列人離開。」
5:3 In講:「希伯來人ê上帝tú tio̍h阮,求你准阮去曠野行三工ê路程,去祭祀上主—阮ê上帝,恐驚祂ē用瘟疫、刀劍臨到阮。」
5:4 埃及王對in講:「摩西kah亞倫,lín ná ē beh hō͘人民耽誤in ê工作?Lín tio̍h緊去做lín應該做ê工!」
5:5 法老講:「你看,chit所在ê人民chitmá真chē,lín竟然beh叫in mài做工。」
5:6 當hit日,法老吩咐人民ê督工kah in ê頭目,講:
5:7 「Lín m̄ thang照舊用草hō͘ chiahê人民做磚á,tio̍h hō͘ in kakī 去拾草。
5:8 In以前做磚ê數額,lín猶原hō͘ in ánne做,m̄ thang小khóa減少,因為in pîntōaⁿ,所以in大聲喉叫:『准阮去祭祀阮ê上帝。』
5:9 Lín tio̍h用khah重ê工hō͘ in做,hō͘ in勞苦,m̄ thang聽in講無影ê話。」
5:10 人民ê督工kah in ê頭目出去kā人民講:「法老ánne講:『我無boeh koh拾草hō͘ lín。
5:11 Lín看tó位有草,就kakī 去hia拾。總是,lín ê工額lóng bē tàng減少。』」
5:12 就ánne,人民四散去全埃及地,拾草á幼來做磚ê草料。
5:13 督工迫in講:「Lín每日tio̍h做完lín ê工,kah以前有草無各樣。」
5:14 法老ê督工phah伊所派管理以色列人ê頭目,講:「Lín昨hng kah今á日ná ē無做完lín ê工,to̍h是無照早前ê數額做磚?」
5:15 以色列人ê頭目來對法老求叫,講:「Ná ē ánne對待你ê奴僕?
5:16 無koh用草hō͘你ê奴僕,koh kā阮講:『Tio̍h做磚!』你看,你ê奴僕hông phah,其實是你kakī ê人民ê過失。」
5:17 法老講:「Lín pîntōaⁿ!Lín pîntōaⁿ!所以,lín講:『准阮去祭祀上帝。』
5:18 Taⁿ lín去做工!阮m̄ hō͘ lín草,總是,磚tio̍h照額來交。」
5:19 以色列人ê頭目聽tio̍h講「每日做磚ê額bē tàng減少」,to̍h知害à。
5:20 In離開法老出來,tú tio̍h摩西kah亞倫khiā tī in ê頭前,to̍h對in講:
5:21 「願上主鑒察lín,審判lín,因為lín hō͘阮tī法老kah伊ê人臣面前有臭名,用刀hē tī in ê手來thâi阮。」
5:22 摩西對上主埋怨
摩西倒tńg去上主hia,講:「主ah,祢ná ē pháiⁿ款待chiahê人民?Ná會差我?
5:23 因為tùi我去見法老,奉祢ê名來講ê時,伊to̍hphaiN2款待chiahê人民,祢mā lóng無救祢ê子民。」
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。