約伯記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
41:1 你kámē用鉤拖鱷魚起來？Kámē用索á liù牠ê舌？
41:2 你kámē用索á貫牠ê鼻？Kámē用刺鑿透牠ê牙槽？
41:3 牠kámē用真chē話求你？Kám會對你講溫柔ê話？
41:4 牠kámē kah你立約？Kámē hō͘你永遠掠牠做奴僕？
41:5 你kámē kah牠chhitthô，親像鳥á？你kámē kā牠縛起來，hō͘你少年ê女子牽？
41:6 Kui陣ê掠魚人，kám thang用牠做買賣ê物？Á是ē kā伊分開hō͘ senglí人？
41:7 你kámē用鎌刀遍鑿牠ê皮？Kámē用魚叉遍叉伊ê頭殼？
41:8 你ê手hōaⁿ tī牠ê頂面；ē記得kah牠交戰ê tāichì，to̍h m̄敢koh ánne做。
41:9 你看，你siàu想牠是無chhái工；一下看tio̍h牠，你kám bē失膽？
41:10 無一个人hiah好膽敢惹tio̍h牠；ánne，啥人ē tàng khiā tī我ê面前？
41:11 啥人tāi先hō͘我，hō͘我tio̍h報答伊？全天下lóng是我ê。
41:12 講tio̍h鱷魚ê肢體kah伊ê大力，以及牠súi ê骨格，我bē tàng無講。
41:13 啥人ē tàng剝牠ê外衫？啥人ē tàng入去牠頂下頦ê中間？
41:14 啥人ē tàng開牠ê嘴？牠ê嘴齒四箍圍lóng是thang驚ê。
41:15 牠所誇口ê是牠勇壯ê鱗；合óa就親像封密密，
41:16 一个一个相連，氣都bē tàng透入hit中間。
41:17 Lóng相結聯，連做一个，bē tàng分開。
41:18 牠phah-ka-chhiùⁿ就發出光；牠ê目chiu 親像早起時ê目chiu 皮。
41:19 Tùi伊ê嘴發出to̍h ê火把，kah飛出來ê火星。
41:20 Tùi牠ê鼻孔出煙，親像hiâⁿ蘆葦ê鼎teh滾。
41:21 牠ê氣hō͘火炭to̍h，有火焰tùi牠ê嘴出。
41:22 牠ê頷頸有氣力tiāⁿ-tiāⁿ tī hia，驚惶tī牠ê面前tiô跳。
41:23 牠頷胿ê肉相連接，kha̍h-tiâu牠ê身軀，bē tàng搖動。
41:24 牠ê心tēng kah親像石頭，親像會tńg ê磨石hiah tēng。
41:25 牠一下起來，勇士lóng驚惶，驚kah失神。
41:26 人若用劍，用鎌刀，用標，用尖鎗，kā牠鑿lóng鑿bē入去。
41:27 牠kā鐵看做是乾草，kā銅看做是薄柴。
41:28 弓箭bē tàng hō͘牠逃走；用索á hìⁿ石頭，牠準做稻草。
41:29 槌á牠算做稻草；人舞弄鎗，牠就恥笑。
41:30 牠ê腹肚下親像利ê厝瓦phè；牠親像鐵耙拖過土。
41:31 牠hō͘深淵滾起來親像鼎；hō͘海親像調和油ê缽。
41:32 牠hō͘牠後面ê路發光；hō͘人想講深淵是白頭毛。
41:33 全地無一个ē tàng kah牠比得；牠受造成做無驚惶ê。
41:34 見若koân大ê牠kā牠看輕；牠tī所有驕傲ê族類做王。
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。