希伯來書 線上收聽:中文和合本 現代中文譯本修訂版 現代台語 台語聖經 台語(長老會傳播中心授權) 客語 現代客語 福州話 粵語和合本 希臘文(WH-NT) 下載檔案 關於語音聖經
5:1 Siāu-kài khah Ko-chhim ê Kà-sī
Múi chi̍t-ê tōa-chè-si lóng sī tùi lâng ê tiong-kan kéng-soán chhut-.lâi, siū siat-li̍p lâi thè lâng ho̍k-sāi Siōng-tè, thang ūi tio̍h in ê chōe hiàn lé-mi̍h kah chè-phín.
5:2 Tōa-chè-si kì-jiân chai kakī ū chin chē loán-jio̍k ê só͘-chāi, só͘-í, ē-tàng thé-liōng bû-ti kah sit-bê ê lâng.
5:3 Só͘-í, i eng-kai ūi tio̍h pún-sin, chhin-chhiūⁿ i ūi tio̍h jîn-bîn ê chōe lâi hiàn chè.
5:4 Bô lâng ē-tàng kakī chhú-tit chit-ê chun-kùi ê chit-hūn, chí ū chhin-chhiūⁿ A-lông ánne hō͘ Siōng-tè soán-tiàu.
5:5 Siâng khoán, Ki-tok mā m̄-sī kakī cheng-chhú-chò tōa-chè-si ê êng-iāu, hoán-tńg sī Siōng-tè tùi I kóng, " Lí to̍h-sī góa ê Kiáⁿ, góa kin-á-ji̍t seⁿ Lí. " (chù, SPh 2:7)
5:6 Tī pa̍t ūi Siōng-tè mā kóng, " Lí chiàu Mal-ki-che-tek ánne, éng-oán chò chè-si. " (chù, SPh 110:4)
5:7 I-é-su chāi-sè ê sî-ji̍t, bat tōa-siaⁿ hoah koh lâu ba̍k-sái, ǹg hit-ê ē kiù I thoat-lī sí-bông ê Siōng-tè khún-kiû, Siōng-tè ū thiaⁿ I ê kèng-khiân kî-tó.
5:8 I-é-su sûi-jiân sī Siōng-tè ê Kiáⁿ, iáu koh ū tùi I só͘ siū ê khó͘-lān lâi ha̍k-si̍p sūn-ho̍k.
5:9 Siōng-tè í-keng hō͘ Ki-tok ta̍t-kàu oân-choân ê kéng-kài, I chiū chiâⁿ-chò só͘-ū sūn-ho̍k I ê lâng éng-oán chín-kiù ê kin-goân,
5:10 Hō͘ Siōng-tè soan-pò͘ chhin-chhiūⁿ Mal-ki-che-tek ánne chò tōa-chè-si.
5:11 Kéng-kài Pōe-kàu ê Lâng
Koan-hē Ki-tok chò tōa-chè-si ê tāichì, goán ū chin chē ōe ài kóng, m̄ koh, oh-tit soat-bêng, in-ūi lín hīⁿ-khang tūn bē lí-kái.
5:12 Chiàu-kóng, lín chá to̍h chò lāu-su, m̄ koh, lín iáu su-iàu lâng kā lín kà Siōng-tè sìn-sit ê ki-chhó͘; lín su-iàu chia̍h leng, iáu bē tàng chia̍h pn̄g.
5:13 Eⁿ-á chiah teh chia̍h leng, iáu bē hiáu lí-kái sī-hui ê tō-lí.
5:14 To̍k-to̍k tōa-lâng teh chia̍h pn̄g, in sio̍k-lêng ê sim-khiàu ū siū-kòe si̍t-chè ê chhau-liān, chiah ē-hiáu hun-pia̍t hó-pháiⁿ.
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。