Lín tio̍h oló Siōng-chú! Tio̍h chhiùⁿ sin ê koa oló Siōng-chú, tī sèng ê chú-bîn chū-hōe tiong oló I! 149:2 Goān I-su-la-el in-ūi in ê Chú lâi hoaⁿ-hí! Goān Si-óng ê jîn-bîn in-ūi in ê ông lâi khoài-lo̍k! 149:3 Goān in thiàu-bú oló I ê miâ, phah kó͘ tôaⁿ khîm, chhiùⁿ koa oló I! 149:4 In-ūi Siōng-chú ì-ài I ê chú-bîn; I ē ēng kiù-un chò khiam-pi lâng ê táⁿ-pān. 149:5 Goān sèng ê chú-bîn in-ūi só͘ tit tio̍h ê êng-kng lâi hoaⁿ-hí! Goān in tī bîn-chhn̂g téng chhut hoaⁿ-hí ê siaⁿ! 149:6 Goān in ê chhùi oló Siōng-chú chò koân, in chhiú gia̍h siaam bīn lāi ê kiàm, 149:7 Thang pò-èng gōa-pang, hêng-hoa̍t lia̍t kok. 149:8 Ēng thih-liān pa̍k in ê kun-ông, ēng thih-khàu lâi só in ê jîn-sîn; 149:9 Thang tī in ê sin chiūⁿ kiâⁿ Siōng-chú só͘ tiāⁿ tio̍h ê phòaⁿ-koat. I sèng ê chú-bîn lóng ū chit khoán ê êng-kng. Lín tio̍h oló Siōng-chú!