詩篇 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
97:1 Siōng-chú Sī Chì-koân ê Thóng-tī-chiá
Siōng-chú chò ông, tē tio̍h khoài-lo̍k! Chèng tó-sū tio̍h hoaⁿ-hí!
97:2 Ba̍t hûn kah o͘-àm tī I ê sì-kho͘-ûi; gī-lí kah kong-pêⁿ sī I pó-chō ê tē-ki.
97:3 Hóe kiâⁿ tī I ê bīn-chêng, sio I sì-kho͘-ûi ê tùi-te̍k.
97:4 I ê sihnà chiò-kng sè-kài, tē khòaⁿ tio̍h chiū tín-tāng.
97:5 Tī Siōng-chú — choân tē ê Chú bīn-chêng, chiahê soaⁿ chhin-chhiūⁿ la̍h teh siau-iûⁿ.
97:6 Chiahê thiⁿ hián-bêng I ê kong-gī, lia̍t pang khòaⁿ tio̍h I ê êng-kng.
97:7 Hoān-nā ho̍k-sāi tiau-khek ê ngó͘-siōng, ēng hi-ké ê sîn-bêng chū-khoa ê lâng lóng ē kiàn-siàu. Lín chiahê sîn-bêng lóng tio̍h kèng-pài Siōng-chú.
97:8 Siōng-chú ah, in-ūi Lí ê sím-phòaⁿ, Si-óng thiaⁿ-.tio̍h chiū hoaⁿ-hí; Iô-tah ê siâⁿ mā lóng khoài-lo̍k.
97:9 In-ūi Siōng-chú — Lí sī Chì-koân-.ê, pôaⁿ-kòe choân tē; Lí sī chì-chun, iâⁿ-kòe chèng sîn-bêng.
97:10 Thiàⁿ Siōng-chú ê lâng, lín lóng tio̍h oàn-hūn pháiⁿ; I pó-hō͘ I sèng ê chú-bîn ê sèⁿ-miā, I kā in chín-kiù thoat-lī pháiⁿ lâng ê chhiú.
97:11 Kng-bêng sī ūi tio̍h gī lâng lâi chún-pī; hoaⁿ-hí sī ūi tio̍h sim chèng-ti̍t ê lâng lâi chún-pī.
97:12 Gī lâng, lín tio̍h in-ūi Siōng-chú lâi hoaⁿ-hí, kì-liām I ê sèng-miâ lâi oló.
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。