詩篇 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
96:1 Siōng-chú Sī Chì-koân ê Kun-ông
( LTS 16:25-33)
Lín tio̍h ǹg Siōng-chú chhiùⁿ sin ê koa! Choân tē lóng tio̍h ǹg Siōng-chú chhiùⁿ koa!
96:2 Tio̍h ǹg Siōng-chú chhiùⁿ koa, oló I ê miâ! Ji̍t-ji̍t thoân-pò I ê kiù-un!
96:3 Tī lia̍t pang ê tiong-kan kóng-khí I ê êng-kng! Tī bān-bîn ê tiong-kan kóng-khí I kî-biāu ê chok-ûi!
96:4 In-ūi Siōng-chú chò tōa, eng-kai siū ke̍k tōa ê oló; I tī chèng sîn-bêng ê téng-bīn eng-kai siū kèng-ùi.
96:5 In-ūi lia̍t pang ê sîn-bêng lóng sī hi-ké; chí ū Siōng-chú chhòng-chō chiahê thiⁿ.
96:6 Tī I ê bīn-chêng ū chun-kùi kah ui-giâm; tī I ê sèng-só͘ ū koân-lêng kah êng-kng.
96:7 Jîn-bîn tiong-kan ê ta̍k cho̍k lóng tio̍h kā koân-lêng kah êng-kng kui hō͘ Siōng-chú, kui hō͘ Siōng-chú!
96:8 Kā I ê miâ só͘ eng-kai tit tio̍h ê êng-kng kui hō͘ Siōng-chú, tòa lé-mi̍h lâi ji̍p I ê īⁿ.
96:9 Tio̍h ēng sèng-kiat ê táⁿ-pān kèng-pài Siōng-chú; choân tē tī I ê bīn-chêng phi̍h-phi̍h chhoah.
96:10 Tī lia̍t pang tiòng tio̍h kóng, Siōng-chú chò ông! Sè-kài kian-kò͘ bē iô-tāng; I ē chiàu kong-pêⁿ sím-phòaⁿ bān-bîn.
96:11 Goān thiⁿ hoaⁿ-hí, tē khoài-lo̍k! Goān hái kah kî-tiong ê oa̍h-mi̍h lóng chhut tōa-siaⁿ!
96:12 Goān chhân-hn̂g kah kî-tiong só͘-ū ê lóng khoài-lo̍k! Hit sî, chhiū-nâ lāi ê chhiū-ba̍k lóng beh tī Siōng-chú ê bīn-chêng chhut hoaⁿ-hí ê siaⁿ.
96:13 In-ūi Siōng-chú teh beh lâi ā, I beh lâi sím-phòaⁿ choân tē. I beh chiàu kong-gī sím-phòaⁿ sè-kài, chiàu I ê sìn-si̍t sím-phòaⁿ bān-bîn.
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。