詩篇 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
95:1 O-ló ê Si-koa
Lâi, lán tio̍h ǹg Siōng-chú chhiùⁿ koa! Ǹg kiù lán ê chio̍h-pôaⁿ chhut hoaⁿ-hí ê siaⁿ!
95:2 Lán tio̍h kàu I ê bīn-chêng kám-siā I, ēng si-koa ǹg I chhut hoaⁿ-hí ê siaⁿ!
95:3 In-ūi Siōng-chú sī úi-tāi-.ê Siōng-tè, sī iâⁿ-kòe só͘-ū sîn-bêng ê tōa kun-ông.
95:4 Tē chhim ê só͘-chāi tī I ê chhiú tiong chiáng-koán; ke̍k koân ê soaⁿ-chiam mā sio̍k tī I.
95:5 Hái-iûⁿ sio̍k tī I, sī I chhòng-chō ê; ta tē mā sī I ê chhiú chō-sêng ê.
95:6 Lâi, lán tio̍h kiok-kiong kèng-pài! Kūi-lo̍h tī chhòng-chō lán ê Siōng-chú bīn-chêng!
95:7 In-ūi I sī lán ê Siōng-tè, lán sī I iúⁿ-chhī ê chú-bîn, sī I chhiú-hā ê iûⁿ. Kin-á-ji̍t, lín tio̍h thiaⁿ I ê ōe.
95:8 Chiū m̄ thang chhin-chhiūⁿ tī Me-lí-bah ê sî ngē lín ê sim, m̄ thang chhin-chhiūⁿ tī khòng-iá ê Mak-sá hit tong-sî.
95:9 Hit sî, lín ê chó͘-sian chhì-thàm góa, khó-giām góa, koh khòaⁿ tio̍h góa ê só͘ chò.
95:10 Sì-cha̍p nî, Góa thó-ià oàn-hūn hit sè-tāi ê lâng, kóng: Chiahê sī sim-sîn bê-loān ê jîn-bîn, m̄ bat Góa ê tō-lō͘.
95:11 Só͘-í, Góa tī siū-khì ê tiong-kan chiùchōa kóng, In choa̍t-tùi bē tàng ji̍p-khì Góa èng-ín ê tē an-hioh.
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。