詩篇 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
65:1 Siōng-chàn kah Kám-un
( Ta-bi̍t ê si-koa, kau hō͘ ga̍k-koaⁿ. )Siōng-tè ah, tī Si-óng ū lâng teh oló thèng-hāu Lí, mā beh tùi Lí siā só͘ hē ê goān.
65:2 Thiaⁿ lâng kî-tó ê Chú ah, kiàn-nā ū hia̍t-khì ê lâng lóng beh lâi kìⁿ Lí.
65:3 Chōe-ok khah iâⁿ góa; nā-sī goán ê kòe-sit, Lí lóng ē sià-bián.
65:4 Lí só͘ kéng-soán, hō͘ i chhin-kīn Lí, tòa tī Lí tiān-īⁿ ê lâng chin ū hok-khì! Goán beh in-ūi Lí ê tiān, Lí ê sèng-tiān ê hok-khì lâi sim-móa ì-chiok.
65:5 Kiù goán ê Siōng-tè ah, Lí ēng ui-giâm kah kong-gī lâi ìn-tap goán; tē-ke̍k kah hn̄g-hn̄g hái bīn ê lâng lóng beh óa-khò Lí.
65:6 Lí ēng tōa koân-lêng lâi hâ io, ēng tōa khùi-la̍t hō͘ chiahê soaⁿ an-ún khiā chāi.
65:7 Chiahê hái iô-choah, hái-éng hōa-hōa háu, bān-bîn soan-hoa, Lí hō͘ in lóng pêng-chēng.
65:8 Tòa tī tē-ke̍k ê lâng in-ūi Lí ê sîn-jiah lâi kiaⁿ-hiâⁿ; ji̍t chhut ji̍t lo̍h ê só͘-chāi, Lí hō͘ in lóng hoaⁿ-hí.
65:9 Lí chiàu-kò͘ thó͘-tē, lo̍h hō͘ koàn-ak, hō͘ i chin pûi; Siōng-tè ê hô, chúi móa-móa; Lí ánne chún-pī thó͘-tē, thè lâng chún-pī ngó͘-kok.
65:10 Lí koàn-ak chhân-hn̂g, móa i ê kau, siu pêⁿ i ê lêng, lo̍h hó ê hō͘-chúi, hō͘ thó͘-tē nńg-nńg; kî-tiong só͘ chai-chèng ê mi̍h lóng tit tio̍h Lí ê sù-hok.
65:11 Lí ēng un-tián chò nî-tang ê bián-liû; Lí ê lō͘-kèng lóng ū iû teh tih.
65:12 In tih tī khòng-iá ê chháu-po͘, soaⁿ-thâu ēng hoaⁿ-hí chò tòa lâi hâ.
65:13 Chháu-po͘ ēng iûⁿ-kûn chò saⁿ lâi chhēng, soaⁿ-kok ēng ngó͘-kok chò moa lâi khàm; in lóng hoaⁿ-hí chhut siaⁿ lâi gîm-si.
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。