詩篇 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
56:1 Sìn-khò ê Kî-tó
( Hui-lī-sū lâng tī Gat lia̍h tio̍h Ta-bi̍t, hit sî i chò chit-siú kim ê si, kau hō͘ ga̍k-koaⁿ; tiāu sī ēng " Hn̄g-hn̄g bô siaⁿ ê hún-chiáu ". )Siōng-tè ah, kiû Lí khó-liân góa, in-ūi lâng beh thun-chia̍h góa, kui ji̍t kong-kek góa, ap-chè góa.
56:2 Góa ê tùi-te̍k kui ji̍t beh thun-chia̍h góa, in-ūi kiau-ngō͘ lâi kong-kek góa ê lâng chin chē.
56:3 Góa tī kiaⁿ-hiâⁿ ê sî, góa beh óa-khò Lí.
56:4 Góa óa-khò Siōng-tè, góa beh oló I èng-ín ê ōe; góa ū óa-khò Siōng-tè, góa chiū m̄-kiaⁿ. Sio̍k hia̍t-khì ê lâng ē-tàng tùi góa nāi-hô?
56:5 In kui ji̍t oai-khiok góa ê ōe; in só͘ siūⁿ ê lóng sī beh hāi góa.
56:6 In chū-chi̍p, bâi-ho̍k, teh siòng góa ê kha-pō͘, tng-tán beh hāi góa ê sèⁿ-miā.
56:7 In chò pháiⁿ, kám ē-tàng tô-thoat? Siōng-tè ah, kiû Lí hoat siū-khì hō͘ tùi-te̍k khut-ho̍k!
56:8 Góa ê sì-kè liû-lōng, Lí lóng ū kì-lio̍k; kiû Lí kā góa ê ba̍k-sái siu tī Lí ê phôe-tē-á. Che kám bô lóng kì tī Lí ê chheh?
56:9 Góa kiû-kiò ê sî, góa ê tùi-te̍k lóng ē oa̍t tńg-sin thè-.khì. Siōng-tè ūi góa, che sī góa só͘ chai.
56:10 Góa óa-khò Siōng-tè, góa beh oló I ê ōe; góa óa-khò Siōng-chú, góa beh oló I ê ōe.
56:11 Góa ū óa-khò Siōng-tè, góa chiū bē kiaⁿ. Lâng ē-tàng tùi góa nāi-hô?
56:12 Siōng-tè ah, góa tùi Lí só͘ hē ê goān, góa beh ēng siā-un ê chè hiàn hō͘ Lí.
56:13 In-ūi Lí ū kiù góa ê sèⁿ-miā thoat-lī sí-bông, Lí kám m̄-sī pó-hō͘ góa ê kha bô poa̍h-tó, hō͘ góa tī Siōng-tè ê bīn-chêng, kiâⁿ tī oa̍h-miā ê kng tiong?
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。