詩篇 49章1節 到 49章20節   背景資料  上一筆  下一筆
Chit首詩篇kah第三十七篇、七十三篇真類似,lóng提起財富ê問題。人ê軟弱就是歡喜óa靠財富,認為有財富,性命chiah有保障。M̄-koh,詩人則kā大家講,chit種人是真愚笨ê。這ná親像路加福音第十二章16到21節,耶穌所講ê譬喻中,teh形容hit位富有ê財主仝款,認為有財富就ē-tàng óa靠之「過爽快ê日子」,chit種人總認為家己真聰明、好字運,m̄-koh tī上帝眼中卻是一個「糊塗」ê人,因為當上帝kā伊ê性命取去ê時,人所累積起來ê財富kā歸hō͘別人。Chit首詩ê作者kā咱講:每一個人lóng會死亡,只有上帝ē-tàng救人脫離陰間ê羅網。

第1到4節,詩人呼籲所有ê人lóng tio̍h「注意聽」,而且是beh「側耳注意聽」,表示這是非常重要ê信息。因為chit-ê信息是「智慧ê話」,tio̍h講「明智ê事」。

第5到12節,chit段詩歌講tio̍h財富kah性命ê關係。詩人強調性命m̄是用財物thang比並ê,性命是無價ê,財物是thang算ê。因為án-ne,m̄免驚惶有人用財物來誘惑á是圍困咱。因為性命是tī上帝手中,真正會剝奪咱性命ê,是上帝,m̄是世間chiah-ê財物、金錢。Mā無任何人ē-tàng避免死亡ê墳墓,無論是貧賤富貴,大家lóng仝款,ài面對死亡。

注意第7節ê「贖價hō͘上帝」,意思是teh指用金錢向上帝o͘-se ê意思。上帝是bē接受o͘-se ê,因為宇宙萬物lóng是屬tī祂所有。人身上所有ê一切,mā是祂賞賜ê。

第13到19節,這是一段勸勉ê詩歌,ài大家m̄免羨慕有錢人,因為財富並bē-tàng為性命做甚麼保證。Á性命是上帝teh管理。上帝決定每一個人ê性命之長kah短,人無法度用任何力量kah上帝換來性命延長幾工(參考路加福音十二:25)。

第15節詩人強調上帝會拯救ê人,就是遵行祂ê旨意ê人。只有悖逆上帝旨意ê人,chiah會想beh用世間ê財物買性命。

第17節,詩人koh一pái表示:人怎樣出老母ê胎,mā會怎樣tńg來到上帝hia。這mā是約伯所講ê箴言(參考約伯記一:21)。

第20節kah第12節仝款,mā是「副歌」。

重新查詢 專卷研經 詩篇系列
錯誤回報,請聯繫