詩篇 35章1節 到 35章28節   背景資料  上一筆  下一筆
這是一首哀歌,tùi第1節、第11節、第23節等等經文,thang看出作者正面對tio̍h審判。詩人特別強調有人做假見證beh陷害伊,hō͘伊感覺孤苦無助。M̄-koh詩人知影上帝是公義ê神,一定會清楚做假見證ê人,必定會嚴厲懲罰chit種人。

Thang kā chit首詩分做三個段落,第一段是第1到10 節,tùi chit段詩歌中,ē-tàng想像會tio̍h作者必定是受tio̍h嚴厲ê打擊,因為án-ne,祈求上帝為伊伸冤懲罰對敵者。第二段是第11到18節,Tī chit段詩歌中,伊描述被朋友出賣,對方以惡報善。第三段是第19到28節,chit段詩歌作者繼續向上帝祈求,hō͘ hiah-ê仇敵失去幸災樂禍ê機會。每一個段落lóng是用歌頌作結束,tùi個人tùi心底感謝上帝,續接到tī聚會中歌頌o-ló上帝,到最後公開宣佈上帝ê公義,並且tio̍h kui工歌頌上帝。

第1到3節,chit段詩歌中用「攻擊」、「大細盾牌」、「長矛大斧」、「迎擊tui-jiok」等,chiah-ê lóng是軍事用語。詩人ê禱詞中,上帝就是一位率領tio̍h千萬部隊ê將軍,ē-tàng擊退來犯ê敵人。

第4到6節,第4節ê詩句mā出現tī第四十篇14節、第七十篇2節等等。詩人用「失望蒙羞」、「失敗狼狽」等詞來說明敵人ê目的無達成,落魄而逃ê景況。因為有上帝出手打擊in,有上帝ê「天使」出來懲罰in,in就會親像無用ê「糠秕」仝款,只要風小khóa一吹,就四散伊去。

第7到8節,類似chit兩節ê句話mā tī詩篇第九篇15節出現。Chit兩節thang看出想要害人ê人,最後就是害到家己。因為上帝siōng討厭chit種人。

第9到10節,tùi chit兩節thang看出詩人tī得tio̍h上帝ê拯救了後,發出歌頌上帝ê o-ló詩歌。詩人特別強調上帝是「保護弱小」,kah「保護sàn-chhiah人」ê上帝。

第11 kah 12節,tú好kah第13到14節呈現對比;前者是邪惡ê人ê作為,後者是詩人表示伊怎樣對待chit位想beh陷害伊ê人。邪惡ê人,就ná親像出賣知己朋友仝款,是一個忘恩負義ê人。

第15到18節,邪惡ê人lóng會有一個嚴重ê錯誤心態,就是對別人ê苦難lóng是抱tio̍h「幸災樂禍」ê態度。M̄-koh詩人向上帝呼求脫離chit種人ê手,伊相信上帝一定會伸手救助。Á上帝果然垂聽詩人ê祈禱,正當tī siōng危急ê時chūn,救助了伊,hō͘詩人ê性命ē-tàng得tio̍h脫離迫害ê危機。

第19到21節,詩人表示仇敵心中tú-teh盤算tio̍h怎樣得tio̍h勝利,伊kā chiah-ê仇敵ê惡質態度lóng詳詳細說明出來,包括in歡喜講造謠重傷ê話,koh khah嚴重ê是誣告善良ê人。因為án-ne,伊祈求上帝千萬m̄-thang hō͘敵人獲勝。

第22到25節,chit段詩歌thang看見詩人對公義ê上帝真有信心,伊深信只要公義ê上帝進行審判,受tio̍h冤屈ê人必定會得tio̍h「伸冤」。

第26到28節,詩人提出三個願望:一是第26節所提起ê,hō͘敵人狼狽、蒙羞;二是第27節所提起ê,上帝ê子民得tio̍h伸冤;三是第28節所提起ê,tio̍h帶領全體人民頌讚上帝。



重新查詢 專卷研經 詩篇系列
錯誤回報,請聯繫