詩篇 33章1節 到 33章22節   背景資料  上一筆  下一筆
這是一首o-ló ê詩歌。通常用tī國家脫離險境ê時,舉國民眾高唱o-ló上帝ê慈愛。

第1到3節,chit三節是chit首詩歌ê序言。Mā tùi這序言thang看出是o-ló歌頌上帝ê詩歌。

第4到9節,Tī chit段詩歌中,詩人強調kui個宇宙萬物lóng是用上帝ê話所造成ê。Á tī kui個創造中,mā顯露了上帝ê特性:喜愛正義公平。這tú好表現了上帝ê慈愛。換句話講,有愛ê所在,就會看見上帝創造ê偉大。

第10到12節,上帝創造萬物,因為án-ne祂對家己所創造ê一切萬物lóng知之甚詳。甚麼人有陰謀想beh陷害別人,上帝lóng看kah清楚。因為án-ne,遵守上帝旨意ê國家、人民,一定會得tio̍h上帝賜福。

第13到15節,詩人清楚描述出上帝ê特質kah能力,表明創造ê上帝,深知受造人類ê心思意念。這mā是聖經一再kā咱講ê,上帝是看人ê心內,無人ē-tàng隱瞞得過上帝ê眼光。

  第16到19節,chit段詩歌對hiah-ê歡喜窮兵黷武ê人來講,chiah-ê詩句確實是真好ê教材,詩人講tio̍h真正ē-tàng hō͘咱ê性命得tio̍h保障ê,m̄是在tī人ê手所造ê器械,而在tī上帝ê眷顧。

第20到22節,chit段詩歌是chit首詩歌ê結語。詩人提醒只有仰望上帝ê人,心中chiah會有喜樂。

重新查詢 專卷研經 詩篇系列
錯誤回報,請聯繫