詩篇 23章1節 到 23章6節   背景資料  上一筆  下一筆
這是大家非常熟悉ê一首詩歌。Tī聖經中,大概除了主禱文外,koh來就算Chit篇詩篇siōng-kài大家耳熟ē-tàng詳ê一首詩歌。

Chit首詩歌mā被肯定是大衛王所寫ê詩歌之一,原因是大衛王出身顧羊人,而以色列人民lóng會kā上帝譬喻成牧者(參考以西結書三十四:11—16),kā家己看做是上帝ê羊群,in kah上帝之間ê關係,ná親像羊kah顧羊人之間hit種親密、bē-tàng分ê關係。

第1到2節,「上主是我ê牧者」,類似chit種視家己為上帝ê羊群ê句話,tī詩篇中一再出現(參考七十四:1、七十七:20、七十八:52、七十九:13、八十:1)。另外,詩人tī chia用「我ê」一詞,是有含「約」ê意思,表示造物主kah祂所造ê萬物之間有約,是性命ê約。因為án-ne,chit位造物者會kā祂所創造ê人看做ná親像顧羊人teh帶領所屬ê羊群仝款。顧羊人帶領、看顧羊群,siōng重要ê,就是hō͘羊群無缺乏ê掛慮。M̄-nā án-ne,iáu會hō͘羊群免tī「飢」kah「渴」ê威脅。

第3到4節,「心靈復甦」,意思是teh指清楚該行ê路。雖然會行過危害性命安全ê「陰森山谷」,mā m̄免驚惶,因為有上帝teh帶領。祂ná親像一個顧羊人手裡the̍h杖、棍teh帶領,hō͘所有跟tòe ê羊群bē行失。

「陰森山谷」mā有另外一個含意,就是「上帝hō͘我ê性命復原」。因為án-ne,這mā thang指出詩人ê病況危急。

「護」一字,mā有「安慰」ê意思。因為án-ne,這mā teh表示詩人因為經過陰森山谷受tio̍h極大ê嚇(heⁿh)驚。M̄-koh無論án怎,只要有上帝同在,所有頂面所講chiah-ê危害性命ê氣力lóng會消失。

第5節,chia ê「敵人」,是teh指危害性命ê對象。第5節講上帝保守、看顧,就ē-tàng hō͘敵人m̄敢亂來,而寧可kah上帝保護ê子民簽訂和平ê約。古代社會真清楚ê,就是敵我雙方beh達成和解ê時,表示beh和好ê一方,就beh排設宴席邀請對方代表。雙方代表thang盡情lim食,並且用香膏油抹tī對方ê身上,án-ne,除了表示尊崇之外,mā thang hō͘香氣四散tī kui個簽約會場。

真清楚說明tī曠野kah進入迦南地chìn前,in不時kah當地居民戰爭ê危險,m̄-koh,上帝卻用奇妙ê手hō͘ in安然無恙。

第6節,詩人講上帝ê疼永遠會kah祂ê子民同在,伊會用一生ê日子來歌頌o-ló上帝。

重新查詢 專卷研經 詩篇系列
錯誤回報,請聯繫