詩篇 144章1節 到 144章15節   背景資料  上一筆  下一筆
Chit-ê首是比較khah特別ê詩歌,因為它ê內容至少是由三種無仝詩歌寫做;包括第1到8節,第9到11節,第12到15節。

Koh講,chit首詩kah詩篇第十八篇真類似,親像第2節kah第十八篇2節;第5節kah第十八篇9節;第6節kah第十八篇14節;第7節kah第十八章ê 16到 17節;第10節kah第十八篇50節ê內容仝款。有kóa學者認為chit首詩是摘自詩篇第十八篇ê。M̄-koh chit種看法mā有bē少詩篇ê學者持無仝意見。Á特別ê所在,是第7到8節ê內容kah第11節ê內容差不多仝款。

第1到2節,詩人tī chit兩節講上帝就是伊性命siōng好ê保障,詩人用上帝是伊ê「力量」、「堡壘」、「避難所」、「拯救者」等來表示。

第3到4節,chit兩節詩人講tio̍h家己ê卑微,m̄-koh上帝竟然iáu是看顧伊,雖然人ê性命是hit種短促,上帝並無因為án-ne而疏忽、看輕。第4節一再地Tī聖經ê智慧文學作品中出現,親像約伯記第八章9節、第十四章2節;詩篇第一○二篇11節、第一○九篇23節;傳道書第六章12節、第八章13節等等。

第5到8節,chit段詩歌是teh描述敵人來勢洶洶,詩人祈求上帝「伸出救援ê手」,親自降臨kah詩人同在,m̄-nā án-ne,iáu beh去「摸tio̍h群山」,hō͘山因為上帝ê摸tio̍h而產生變化,án-ne就ē-tàng hō͘敵人落荒而逃。Chia第8節講出敵人ê特性,就是歡喜講白賊,連宣誓ê基本要件,是誠實,lóng做bē到。Tī第11節koh一pái重複敘述一pái。

第9到11節,因為有上帝ê看顧,所以chiah會得勝。而且Tī chit段詩歌中,詩人因為凱旋á是因為敵人phah敗仗,而hō͘上帝子民lóng脫離險境。詩人表示beh歌頌上帝chit種特有ê恩典,因為án-ne會用「唱新歌」、「彈豎琴」頌讚上帝。

第12到15節,chit段詩歌kah前段詩歌差不多連接bē起來,Tī chit段詩歌裡,提起只要有上帝賜福,就必定會充滿tio̍h性命活力,m̄-nā生兒育女眾chē,遍滿大地,連農作物mā會結實累累,積滿「倉庫,儲備各種穀物」,「cheng-seⁿ繁殖眾chē」,而且lóng非常強壯。

	詩人tī第15節表示ē-tàng享受chit種福氣ê人,就是知影「尊上主為上帝ê人」,chit種人一定會得tio̍h頂面所講chiah-ê福氣。其實詩人mā用chit種方式teh表達相對tī敵人所崇拜ê偶像神明,對in是lóng無路用。因為虛假ê神根本就無chit種能力。

重新查詢 專卷研經 詩篇系列
錯誤回報,請聯繫