詩篇 12章1節 到 12章8節   背景資料  上一筆  下一筆
這mā是一首哀歌,而且是khah sêng個人ê哀歌。

第1到2節,chia提起「敬虔ê人」、「忠誠ê人」,這是teh指hiah-ê tī社會道德上有規律、堅持遵守正直ê人。如果chit種人無了,chit種社會就會hō͘用「油滑ê話互相欺詐」ê人所充滿,án-ne人kah人之間ê hō͘信力就無。

第3到4節,詩人祈求上帝Kā chit種專門講虛假話ê嘴舌hō͘切斷,不beh hō͘ chit種人繼續囂張落去。Án-ne,chiah ē-tàng看見一個社會ê安定,hō͘生活有平安。

第5到6節,chit兩節講tio̍h上帝必定會來進行審判。因為祂已經聽tio̍h被壓迫ê人呼求ê聲音。上帝絕對bē輕視被欺壓ê人求救ê祈禱。

第6節,上帝ê應允是絕對會實現ê,ná親像銀á經過「七pái」ê爐火,真純潔、無瑕疵。「七」,表示完美、神聖ê意思。會用銀á表示,是因為聖經時代,銀á tī當時被看做貨幣、貴重ê金屬。

第7節,chia講出一個邪惡時代ê特徵,就是無人會講誠實話,kan-taⁿ會講諂媚ê話。M̄-koh上帝真清楚toh一kóa人講ê話,是欺騙、不誠實ê話語。

第8節,「保護」有含「輕視」惡者ê意思。詩人祈求上帝保護伊,伊相信上帝一定會輕視hiah-ê作惡ê人,救伊脫離hit-ê種邪惡ê環境。

重新查詢 專卷研經 詩篇系列
錯誤回報,請聯繫