詩篇 110章1節 到 110章7節   背景資料  上一筆  下一筆
這是一首君王登基加冕ê時chūn所吟唱ê詩歌。有kóa詩篇學者認為chit首詩篇真重要ê原因,是因為第1節被耶穌引用來反問hiah-ê經學教師,hō͘ in啞口m̄敢koh再問伊問題(參考馬可福音十二:36)。這mā就是為甚麼古代眾教父bat對chit首詩下了一句評語講:「篇幅雖小,份量卻重。」原因是它是一首關係君王ê詩歌。不過chit位君王是甚麼人?目前無人ē-tàng hō͘ in肯定ê答案。不過真可能是teh期待一位拯救ê君王來臨,如果án-ne,chit位君王應該是kah彌賽亞ê來臨有關係,原因是猶太人早就kā chit首詩歌當做是「彌賽亞詩篇」teh吟唱,而且早期基督教會彼得bat引用(參考使徒行傳二:34—36),以及希伯來書ê作者mā真chē所在引用它(參考一:13、五:6—10、七:11—19),致使chit首詩tī早期教會佔有真重要ê份量。Tùi第1節ē-tàng看出詩人ê期待,就是hit位beh來ê君王是上帝家己揀選出來ê,因為án-ne,chit位君王ē-tàng kah上帝同席而坐,而且是成做大祭司「麥基洗德」ê樣式(參考創世記十四:18),m̄-nā是君王ê角色,而且是帶領人民認bat上帝ê祭司。

第1到3節,第1節真可能就是祭司向王宣告,表示肯定被揀選出來繼位ê君王,是上帝所接納派駐tī土腳管理上帝子民之君王。然後就講chit種君王,必定會得tio̍h上帝ê賜福,m̄-nā國家ê氣力會興旺擴大疆域,而且充滿tio̍h少年活力。

第4到7節,詩人講上帝chiù-chōa,絕bē改變,chit種句話一再出現tī先知文獻中(參考以賽亞書十四:24,耶利米書廿二:5,阿摩司書四:2、六:8)。

「麥基洗德」,tī亞伯蘭時代,是撒冷王,mā是至koân上帝ê祭司(參考創世記十四:18)。Chia強調所有ê君王就會ná親像一個「祭司」,hō͘人民認bat上帝,mā幫助人民有敬虔ê宗教心,知影用真實ê態度敬拜上帝,mā用仝款忠實ê心,愛護家己治理之下ê人民。Chit種君王必定會有上帝ê同在,任何外力侵犯lóng會hō͘「制伏」。

重新查詢 專卷研經 詩篇系列
錯誤回報,請聯繫