民數記 6章22節 到 6章27節 背景資料 上一筆 下一筆 |
Chit段是摩西傳hō͘祭司ê一段祝福以色列人民,mā是一段今á日傳道者siōng ài用ê祝禱詩歌。 第24節所講ê「上主賜福」,表示有性命力,ē-tàng延續性命ê氣力(參考創世記一:28)。「保護」,表示上帝同在ê意思。 第25節,「施恩」,表示hō͘ in榮耀ê意思。Chit種榮耀是因為有上帝同在顯現出來ê。親像,莊稼、家畜等lóng有好ê收成,因為án-ne得tio̍h厝邊ê o-ló、欣慕,顯現出這是上帝特別「慈愛」chiah有ê結果。 第26節,「平安」,表示完美、喜樂、滿足。約翰福音記載耶穌bat提起伊帶hō͘人類ê平安:(1)伊留落來kah世人無仝ê平安(參考約翰福音十四:27),(2)tī伊內面有真實ê平安(參考約翰福音十六:33)。 第27節,祭司一定tio̍h用上帝ê名來祝福以色列人民,因為所有福氣lóng是tùi上帝來ê賞賜,人無能力hō͘別人甚麼性命之福。 |