民數記 26章1節 到 26章4節   背景資料  上一筆  下一筆
Chit章是關係以色列民族進行第二pái戶口普查。Tùi第一章記載以色列人民離開埃及進入曠野後ê第二年,進行第一pái戶口普查,當時統計總人口,年滿二十歲以上,而且有作戰能力ê cha-po͘人是六十萬三千五百五十人(參考一:46)。到chit-má快進入迦南地chìn前,koh一pái舉行戶口普查是真重要ê,chit-pái普查ê結果是六十萬一千七百三十人(廿六:51),減少了一千八百二十人。比較這兩pái ê普查結果,人數並無甚麼成長,可見第十四章29節所講ê「二十歲以上ê人,無一人ē-tàng進入」迦南地ê預言已經實現(廿六:64),真chē人陸續tī途中往生。因為chit期間已經發生kúi-nā pái ê瘟疫,以及想beh竄奪摩西、亞倫領導地位引發叛亂ê事件等,lóng死去bē少人。Á猶大支派一直是人數siōng chē ê一族。值得注意ê是西緬支派tùi本來ê五萬九千三百人(參考一:23),減少到二萬二千二百人(參考廿六:14),成做全部十二支派中siōng弱小ê一支,這mā為後來西緬支派被猶大併入先記落來一個伏筆。瑪拿西則成長siōng chē ê一族。

第1到2節,chit-pái ê清點人口,mā是為tio̍h beh進入迦南地作chìn前準備。每pái清查戶口lóng是聽從上帝ê命令á行。登記入案ê人口數目,仝款是用「二十歲以上、ē-tàng作戰ê cha-po͘人」chiah登記落來。這有一個真重要ê因素,beh為進入迦南地作戰準備。

第3到4節,chit兩節說明以利亞撒接落老父亞倫ê角色,成做摩西ê幫手。Chia mā清楚記明地點就tī耶利哥城對岸約旦河邊ê摩押平原。這表示只要pôaⁿ過約旦河,就是進入迦南應允之地à。


重新查詢 專卷研經 民數記系列
錯誤回報,請聯繫