民數記 17章1節 到 17章5節   背景資料  上一筆  下一筆
Chit章記載一則頂港有名聲下港有出名、流傳甚久ê故事,就是亞倫手中ê柺á,原本並m̄是甚麼特殊ê物件,是顧羊人teh看守羊群ê時必備ê工具。M̄-koh tī上帝特別ê賜福之下,變成有性命力ê記號。

「杖」,tī希伯來文kah「支派」同字。因為án-ne,chia雖然是講「杖」,mā有「支派」ê意思。

第1到2節,「十二支杖」,其實真清楚,表明ê就是以色列民族ê十二個支派。每一個支派ê領袖lóng有一條,每根杖lóng tio̍h刻上支派ê名。

第3到5節,利未支族ê柺á,就是刻tio̍h亞倫ê名,表示亞倫chiah是利未支派ê代表者。然後kā這十二支杖lóng帶到聖幕裡ê約櫃前,表示kah上帝見面ê意思。Tī十二支杖中,看tó一支會發芽,就表示上帝揀選tó一個人當代表。Chit種作法就ē-tàng看出上帝beh hō͘全體以色列人民知影,甚麼人有祭司ê角色,m̄是家己決定,卻是上帝teh決定。

杖會「發芽」,表示有性命力。因為會發芽,chiah會開花。表示性命ê豐富。

Tī舊約聖經所代表ê意思是teh指以色列國會復興。親像:以賽亞書第廿七章6節:將來雅各會釘伊ê 根;以色列會發芽開花,in ê 果子會充滿世界。(全民版)」先知何西阿預言tī上帝醫治好後ê以色列人民,「伊ê 枝會伸長,伊ê súi 會親像橄欖樹;伊ê 芳會親像黎巴嫩。(全民版)」(何西阿書十四:6)
重新查詢 專卷研經 民數記系列
錯誤回報,請聯繫