Chit章是民數記中真重要ê一段文獻。Tī曠野流蕩ê四十年時間裡，以色列人民ē-sái講是抱怨連連，每pái tú-tio̍h困難，就會發生怨言。M̄-nā是食ê，mā有lim ê，mā有瘟疫等等。

頭前十章lóng一再重複講以色列人民lóng遵照上帝命令摩西一一地去做，chit-má卻隨時講tio̍h以色列人民「tú-tio̍h困難，開始埋怨上主」。其實，chit種埋怨ê事tī出埃及記中一再出現。

第1節，chia並無說明in是為甚麼事á埋怨上帝。M̄-koh上帝聽見in埋怨ê聲音，因為án-ne用「降火tī in中間，燒毀了營地ê一端」。聖經mā一再用「火」來表示上帝ê忿怒（參考申命記四：24），表示一種無法度抗拒ê氣力。

第2到3節，以色列人民看見營地被火燒毀了一端，嚇(heⁿh)驚mā驚惶，趕緊祈求摩西向上帝祈禱憐憫in，án-ne火就熄滅à。Hit所在方就稱做「伊備拉」，表示有火燒ê意思。