法利賽人應該是看過耶穌行神跡奇事真chē pái，至少有人親目看見耶穌hō͘一個半遂者起來行路（參考馬可福音二：11—12），mā tī會堂裡醫好一位手lian去ê病人（參考馬可福音三：5），chit-má in soah koh來要求耶穌顯個神跡作證明是tùi上帝來。Chia所講ê「證明伊所行ê是出tī上帝」，chit句話表示耶穌就是in期待已久ê拯救者、彌賽亞。In án-ne講，表示in已經有一個標準，想beh用耶穌所行ê神跡，來測試伊是m̄是真正符合彌賽亞。

「耶穌深深吐氣」，表示耶穌心中非常艱苦心ê意思。並講in he樣ê心態，「是不配看神跡」。