馬可福音 12章13節 到 12章17節   背景資料  上一筆  下一筆
基本上法利賽人kah希律黨人chit-pái「奉命」做伙來見耶穌,表示in背後是經過開會設計一個認為ē-tàng陷害耶穌ê題目來問耶穌。

第14節,in講耶穌「誠實」,tú好講出家己是不誠實;in講耶穌「不管人怎樣想,mā m̄看情面」,á in則看見人chē,就m̄敢公開掠耶穌;in講耶穌忠實傳講上帝ê道,tú好講出in不時扭曲、曲解上帝ê信息。講完chiah-ê虛假了後,續落來就提出向羅馬皇帝該撒納稅,有無違背猶太ê律法? 
第15到16節,「耶穌看穿in ê詭計」,chit句話講出耶穌特有ê能力,ē-tàng看穿人內心ê意念。耶穌當面就指出in「為甚麼想陷害」伊,並ài in「the̍h一個銀幣」hō͘伊看。續落來耶穌反問in銀幣「頂面ê像kah名號是甚麼人ê」。In回答是「該撒ê」。

當時羅馬ê銀幣頂面會寫tio̍h:「提比留該撒,神聖奧古斯都,奧古斯都 ê kiáⁿ。」另外一面寫tio̍h:「羅馬國siōng koân ê祭司。」(Pontifex Maximus)
第17節,耶穌回答「Kā該撒ê物件hō͘該撒,kā上帝ê物件hō͘上帝」chit句話,mā為今á日「正教分離」ê政治制度提供了一個基礎。

古代社會,錢幣teh代表統治者ê權力。因為án-ne,被統治區ê人民一定tio̍h使用統治者ê錢幣。另外,錢幣上印有國王、皇帝等像tī頂面,mā表示he是屬tī皇帝、國王ê財產。因為án-ne,當耶穌án-ne回答ê時,mā是teh表示:既然接受羅馬皇帝統治,就beh順服羅馬皇帝,是屬tī羅馬皇帝ê財產,就beh歸還羅馬皇帝。M̄-koh猶太人若是承認家己是屬tī上帝ê子民,ná就beh用仝款ê方式,kā該交hō͘上帝ê,hō͘上帝。

In聽「非常驚kah gāng去」,表示in怎樣想mā想bē-tio̍h耶穌chiah-ni̍h有智慧。

重新查詢 專卷研經 馬可福音系列
錯誤回報,請聯繫