士師記 8章1節 到 8章12節   背景資料  上一筆  下一筆
Tī第七章有提起當基甸帶領三百個士兵去對抗米甸人、亞瑪力人等十三萬五千大軍ê時,後來mā有拿弗伊利、亞設、瑪拿西,以及以法蓮等支族ê人加入,甚至以法蓮ê軍隊ê iáu俘虜了兩個米甸人ê首領俄立kah西伊伯,並kā chit兩位首領斬首了後,kā in ê頭顱帶到約旦河東案hō͘基甸。Chit-ê場仗thang用一句「大獲全勝」來形容,因為這是上帝帶領in,為in相刣chiah有ê結果。

續接第七章,這第八章講tio̍h疏割城ê人bat因拒絕幫助基甸kah伊ê軍隊,結果基甸tī phah贏了後,回頭來嚴厲懲罰hit-ê城。Á當基甸phah敗敵人tńg來後,大家beh擁護伊出來做王ê時,伊拒絕,並且mā表示伊ê kiáⁿ孫lóng tio̍h拒絕,m̄-koh卻無想tio̍h,基甸竟然要求以色列人民交出in ê金耳環了後,伊卻用這重約二十公斤ê金耳環雕製了一座偶像,放伊ê家鄉hō͘人民去膜拜,致使後來所有以色列人民棄sak了上帝,這是非常慘而且嚴重錯誤ê一件事。

Chit段記載以法蓮族ê人對基甸比較晚通知in感覺不悅,以及後來基甸請疏割城ê人hō͘ in物資協助被拒ê tāi-chì。

第1到3節,因為以法蓮人並無被揀選直接參與攻打ê行列,in對chit-ê tāi-chì有淡薄á有怨言。「搶功」,tú好講出人ê軟弱。基甸並無因為chit pái戰役成功而居功,伊深知是上帝kah in同齊親自作戰。因為án-ne,伊用「我所做ê怎樣ē-tàng kah lín相比」來滿足以法蓮人ê面子需求。Tī chia,基甸真聰明講以法蓮人已經掠了米甸人ê首領俄立kah西伊伯,這比基甸族人koh khah有功勞,只因為為chit句o-ló ê話,以法蓮人就感覺滿足。其實,若kā以法蓮人ê事對照第十二章1到7節,就會明白以法蓮人其實是真驚戰ê,常常tī戰場上「落走」。M̄-koh卻歡喜搶功勞。

第4到6節,因為追phah米甸人siuⁿ過激烈,而且路程過遠,致使基甸tī補給上出現困難,因為án-ne,伊tī來到疏割城ê時,這三百個兵丁已經是筋疲力倦,需要補給食物,因為這三百個人ê軍隊並m̄是為tio̍h beh遠征á是長期抗戰,卻是為tio̍h beh突擊。為tio̍h繼續追逐米甸逃兵,tùi án-ne需要補給。就án-ne伊請求疏割城裡ê人hō͘ in一kóa麵包。M̄-koh疏割城ê人認為基甸並無掠tio̍h米甸王西巴kah撒慕拿,tùi án-ne拒絕hō͘ in任何補給。

Chia出現米甸首領ê名kah第3節所提ê無相仝,可能是因為資料無仝之故。
第7到9節,m̄-nā疏割城ê人拒絕基甸chit項請求,當基甸帶兵繼續往前追逐來到比努伊勒ê時,hit-ê城ê人mā同疏割城ê人回答仝款。這hō͘基甸大感憤怒,而決定等伊凱旋tńg來ê時,一定會消滅hit-ê城ê人,並且嚴懲疏割城ê居民。

第10到12節,chit段經文thang看出當時米甸等盟軍共計有十三萬五千人ê眾,m̄-koh已經有十二萬人陣亡,這是非常恐怖ê慘敗。對照一下基甸ê軍隊只有三百人,二者之間ê cheng差chē kah四百倍,m̄-koh米甸盟軍失敗à。這koh一pái說明真正hō͘人phah贏ê,m̄是óa靠人ê氣力,卻是上帝。

重新查詢 專卷研經 士師記系列
錯誤回報,請聯繫