士師記 8章29節 到 8章35節   背景資料  上一筆  下一筆
Chit段經文mā是為第九章作一個序言,teh紹介基甸厝裡ê事。Thang看tio̍h以色列人民tī迦南地khiā起一段時間後,已經kah當地人普遍通婚,示劍原本是迦南地人,chit-má連基甸lóng是娶示劍cha-bó͘-gín-á為細姨。這連帶ê是teh敬拜耶和華上帝ê時,會不知不覺引進了迦南地ê神明崇拜ê行為。這mā就是為甚麼後來先知運動中,非常反對異教敬拜ê禮儀夾雜tī耶和華宗教信仰ê禮儀中ê原因。Mā thang tùi chia瞭解為甚麼後來以色列人民tùi巴比倫tńg去故鄉ê時,尼希米kah以斯拉堅決要求「種族淨化」ê原因,就是為tio̍h beh確確實實建立以耶和華上帝為領導中心ê思想。

Koh講chit段經文主要teh說明以色列人民tī基甸死後,koh棄sak了上帝去拜偶像,並bē記得á是懷念基甸bat帶領in脫離米甸人、亞瑪力人ê殘酷對待。In各族ê人各自為政,hō͘不相勸勉敬畏上帝。

第29到32節,chia提起基甸妻細姨真chē,m̄-koh主要是beh紹介chit位後來伊tī示劍ê一個細姨生ê kiáⁿ亞比米勒,tī-chia先下一則伏筆,當做第九章紹介亞比米勒當以色列領袖ê事。

第33到35節,chia出現「巴力‧比利土」神明ê名,這是迦南人供奉ê所謂「盟約之神」。Mā ē-sái講是kui個迦南人普遍崇拜ê神明,而且tī示劍有座真大ê「巴力‧比利土」廟。這就真諷刺地講出以色列人民tī信仰上ê墮落了,因為當年約書亞是chhōa in tī示劍重新kah上帝立約ê,伊甚至kā以色列人民講:「如果lín無願意事奉伊,án-ne,今á日一定tio̍h決定,lín beh事奉ê是甚麼人:是lín祖先tī米所波大米所拜ê神明,á是lín現tòa地ê亞摩利人所拜ê神明?講tio̍h我kah我ê厝,阮beh事奉上主。」然後以色列人民齊聲宣誓講:「阮永遠bē棄sak上主去事奉別ê神明!」(參考約書亞記廿四:15-16)bat tī tang時,tī仝款ê所在,in ê kiáⁿ孫卻lóng改變à!

重新查詢 專卷研經 士師記系列
錯誤回報,請聯繫