士師記 7章15節 到 7章25節   背景資料  上一筆  下一筆
Tùi第七章15節開始,直到第八章3節止,chit段經文是記載基甸第一pái帶兵攻擊敵人,chit pái出征差不多lóng是上帝帶領,就ná親像當年約書亞帶以色列軍隊pôaⁿ過約旦河,進入耶利哥城仝款。上帝beh約書亞怎樣做,伊就照做。結果攻打耶利哥城m̄免動一兵一卒就贏了(參考約書亞記第六章)。chit-má,mā是án-ne,上帝beh基甸帶領ná揀選出來ê三百個人去進攻敵人軍營,就hō͘敵人落荒而逃,而敵人數目之多是「像一陣草蜢hiah-ni̍h chē」。單單chit pái戰役死亡ê人數高達十二萬人ê chē(參考八:10),而基甸帶領ê三百名以色列軍人卻是毫髮無損,只不過是倦tah-tah kah iau餓而已。

第15到18節,因為聽tio̍h米甸軍營中ê兵丁ê對話,基甸終其尾堅定了信心,伊跪落來敬拜上帝。然後tńg來到軍營中對ná三百人講,上帝chiâⁿ實kā敵方交hō͘ in三百人à。伊續落來kā chit三百人編列成三隊,每隊一百人,每一個人手中lóng有一隻號角、一個瓶子,kah一支火把等三樣裝備。然後伊提醒這三百人,跟tòe伊做,並且tio̍h大聲hoah:「為上主!為基甸!」

第19到22節,tùi chit段經文就thang清楚看出,其實是上帝激動了米甸聯軍ê軍營兵丁互相殘殺。基甸下令攻擊ê時間是tī夜間,使用ê方式,就是先tī米甸等聯軍ê軍營邊緣,kā瓶子擊碎,然後倒手the̍h火把,正手the̍h號角吹號,同時大聲吶teh-hoah:「為上主殺敵!為基甸殺敵!」因為是tī夜間,看bē清楚狀況之下,米甸等聯軍忽然聽tio̍h pûn號筒kah吶喊ê聲音,heⁿh驚kah處亂竄,而嚴重ê情形就是彼此殘殺。因為tī深夜,根本分無清楚敵我。

第23到25節,chia講拿弗伊利、亞設,kah瑪拿西等支族ê人lóng出來協助tui-jiok米甸人,chit時基甸mā去號召以法蓮支族來參與chit項追擊米甸人ê行列。

重新查詢 專卷研經 士師記系列
錯誤回報,請聯繫