士師記 15章9節 到 15章20節   背景資料  上一筆  下一筆
Chit段經文講述為tio̍h參孫ê行為,非利士人決定懲罰猶大,in派出軍隊準備攻打「利希城」。M̄-koh因為參孫有特殊ê能力,致使chiah-ê非利士人慘遭殺害真chē。參孫mā因為án-ne當上士師長到二十年。

第9到10節,chit兩節說明非利人決定採取報復行動。In回答猶大人ê話,就是非常典型ê報復話語。

第11到13節,tùi chit段經文mā說明非利士人統治以色列人民期間,以色列人民一直真擔心非利士人ê殘酷手段。因為án-ne,當in知影非利士人是beh掠參孫ê時chūn,in就不等待非利士人大肆屠殺,而主動地kā參孫交hō͘非利士人。

第14到15節,tī參孫ê故事中有一句常用ê話是「上帝ê靈忽然臨到參孫」(參考十四:6、19、十五:14),chit句話是teh指參孫有「奇妙ê」力量,大大超過一般人所ē-tàng估計ê範圍,這tùi下列幾件事thang看出來:伊ē-tàng「赤手空拳」拆裂一隻小獅;伊ē-tàng一個人殺死三十個非利士人;伊thang kā綑綁伊ê兩條新索á chhoah斷,然後the̍h一條iáu未乾ê驢á腮骨刣死一千個非利士人。最後chia講參孫ē-tàng the̍h一條iáu未乾ê驢á腮骨刣死一千人,ná親像士師珊迦用一條牛ê刺棒phah死六百個非利士人仝款勇猛有力(參考三:31)。珊迦是打擊非利士人救了以色列人民,m̄-koh參孫卻是為tio̍h家己ê事報仇,二者之間有真大ê差別。

第16到20節,chia講參孫終其尾知影tio̍h祈求上帝,就算伊有非常大ê氣力,mā抵不過口渴ê痛苦。因為án-ne,伊祈求上帝hō͘伊khiā起ê利希之teh lim到水,結果上帝應允了,hi̍t 所在有泉水流出。第20節講非利士人統治期間,參孫當士師二十年,表示tī chit二十年期間,以色列人民並無因為參孫帶領in,當in ê士師,hō͘ in脫離非利士人ê統治。這kah第一位士師俄陀聶,以及後來ê以笏、底波拉、基甸等士師時代,帶領以色列人民脫離外族人統治真無仝款。

重新查詢 專卷研經 士師記系列
錯誤回報,請聯繫