約書亞記 5章2節 到 5章12節   背景資料  上一筆  下一筆
Tùi本章第2節開始,說明以色列人民tī吉甲koh一pái用割禮表示kah上帝立性命ê約。

Chit段經文真重要,說明兩件非常重要ê事,一是約書亞為以色列人民行割禮,表示kah上帝立約,而且以上帝為性命ê主宰。二是以色列人民無koh食天頂降落ê嗎哪,改食迦南地當地ê土產。

第2到7節:割禮ê風俗tī中東地區並m̄是以色列民族獨有,卻是普遍ê風俗(參考耶利米書九:25—26),真可能是源自埃及。M̄-koh,以色列民族tī亞伯拉罕時代就將此風俗昇華,賦予信仰上ê特殊意義,認為割禮就是kah上帝訂立性命ê約,而且永遠ê約(參考創世記十七:1—14)。Chia koh一pái說明約書亞帶領以色列人民行割禮,是因為in出埃及ê時,mā有其他族群ê人跟tòe in出來(參考出埃及記十二:38,民數記十一:4a),koh tī埃及做奴隸以及tī曠野漂流期間,因為疏忽無嚴格執行chit件事,所以重新舉行,是為tio̍h進入迦南地了後,beh kah當地人有明顯ê區隔,hō͘ in知影家己已經「分別為聖」,需要用koh khah審慎ê態度過每一工。Á且mā tio̍h透過割禮,hō͘以色列人民kah kah in同齊出埃及ê外族人,成做一個性命共同體。

第8到9節,chia mā附加說明行割禮所代表ê另外一個重要意義:除掉「tī埃及做奴隸ê恥辱」,因為割禮表示以色列人民是上帝ê子民。因為chit-má ê地點是「吉甲」,所以這地名mā teh表示「除掉」ê意思,mā thang當做「改變」解釋。

第10到12節,這是in開始恢復守Pôaⁿ過節,mā是in第一pái食到迦南地出產ê作物,而以色列人民食了將近四十年久ê「天頂ê糧食—嗎哪」tùi án-ne停止降落來(參考申命記八:2—3)。

重新查詢 專卷研經 約書亞記系列
錯誤回報,請聯繫