約書亞記 3章1節 到 3章6節   背景資料  上一筆  下一筆
Tùi第三章到第五章1節,lóng是teh描述是以色列人民渡過約旦河ê記事。Chit段經文並無經過詳細ê整理,因為án-ne有kóa所在會重複敘述。M̄-koh thang清楚看見chit-má以色列人民beh過約旦河,ná親像當年以色列人民tī摩西ê領導下行過紅海仝款,chit種記事,有一個真重要ê用意:tī約書亞身上,看見摩西ê款,約書亞確實是繼承摩西領導以色列人民,完成進入迦南地ê使命。

Koh講,有kóa資料讀起來會發見kah-ná有kóa記事重複敘述,á是使用無仝名稱,這是因為來自無仝ê資料,ná親像創世記、出埃及記等經冊mā有仝款ê情形。

當兩位探á 回報告了後,約書亞就積極開始準備ài以色列人民拔營行過約旦河à。

第1節,「離開什亭」,chit句話mā thang參考第二章1節。然後來到約旦河河邊紮營,準備ài pôaⁿ過約旦河。

第2到4節,chia koh一pái出現「三」chit-ê數字,chia講ê時間是tī「三工以後」ê事。這mā teh表明一切lóng就緒了ê意思。約書亞ài所有支族領袖告知in支族ê人民,利未支族ê祭司會扛tio̍h約櫃行tī以色列人民ê頭前,這mā teh表明祭司就是以色列人民ê前鋒。

第5到6節,因為這是神聖ê一刻,m̄是隨便ê行動,為tio̍h beh行過約旦河,這是一個生kah死交關ê時刻,因為án-ne,約書亞命令所有以色列人民lóng一定tio̍h「潔淨」身軀,表明有上帝引chhōa in。以色列人民聽從約書亞ê吩咐,lóng「一照辦了」,kah以前in聽從摩西ê態度仝款。

重新查詢 專卷研經 約書亞記系列
錯誤回報,請聯繫