約書亞記 22章10節 到 22章34節   背景資料  上一筆  下一筆
Chit段經文記載呂便、迦得,kah東瑪拿西等三支派發生誤會,致使差一點á就變成支派之間ê衝突。後來經過東岸這三支族ê解釋,chiah化解了一場誤會。

第10節,讀此經文chìn前,thang先回顧一下雅各kah伊丈人拉班ê事件。當in兩人發生爭執,後來和解ê時,就「拾石頭,堆成一堆」,拉班就此對雅各講:「今á日,這石堆tī你我之間做咱立約ê憑據。」伊koh講:伊koh講:你看chit 堆石, 你看chit 支柱, 就是我所hē tī 你我ê 中間ê。Chit 堆石做見證,chit 支柱做見證;我無beh 過chit 堆石去害你,你mā m̄-thang 過chit堆石kah 柱來害我 (全民版)」(創世記三十一:43—52)án-ne thang看tio̍h雅各kah丈人拉班用石頭堆成一座記念碑,為tio̍h是beh作為邊界記號。(創世記三十一:43—52)án-ne thang看tio̍h雅各kah丈人拉班用石頭堆成一座記念碑,為tio̍h是beh做為邊界記號。

第11到12節, chia講這三支派ê人tī約旦河西岸邊(比較khah正確ê看法,應該是tī東岸邊)起造一座真大ê祭壇。M̄-koh有人去kā西岸ê各支族ê人講in起造一座祭壇tī in chit pêng,這表示有意思beh切割kah東岸ê關係。因為chit-ê緣故,hō͘西岸ê十個支派,認為東岸這三支派ê人別有所圖,因為án-ne,準備聯合起來攻打這三支派ê人。

第13到20節,西岸ê以色列人民派祭司非尼哈到基列去見呂便、迦得,kah東瑪拿西支族ê人會談,kah祭司同齊去ê,iáu有其他十族領袖。In見面就質疑東岸ê三支族是m̄是beh脫離西岸,若無,為甚麼建造一座比示羅koh khah大而且壯觀ê祭壇?In直接就認為這是背叛上帝ê行為,因為這表示in beh分裂以色列民族。In並且舉出兩個例,一是tī比珥犯罪ê事(參考民數記第廿五章),以及亞干貪愛戰利品ê事,lóng tī說明致使以色列人民差一點á滅亡ê危機。

第21到23節,chit段經文是東岸三支族ê代表回應ê話。In差不多用chiù-chōa ê話回應講,in絕對無chit種態度á是心意。

第24到27節,in解釋之所以起造祭壇,主要目的是beh hō͘後代kiáⁿ孫知影,兩岸之間lóng是家己人,lóng是仝一個民族,並且lóng是tī仝一個聖幕獻祭敬拜上帝。Chit-ê大koh壯觀ê祭壇,並m̄是用來獻祭,卻是用來當做憑據ê。In tī chia強調:建造此祭壇是當做記念碑ê路用,主要目的m̄是用來做邊界記號,卻是作為「見證」ê路用。

值得注意ê是,tī chia提起只有一個祭壇,顯示出以約旦河西岸做中心ê思想已經成熟,m̄准有tī東岸私設祭壇敬拜ê行為,這mā teh暗示khiā起tī約旦河東岸ê呂便已經無koh是領導地位,被猶大取代ê形勢jú來jú明顯,而且tī士師記一開始提起繼續開疆闢地ê是tùi猶大帶頭領軍。

第30到33節,這西岸十族代表kah祭司非尼哈聽了後,解除了in心中ê giâu疑,知影建造ê m̄是為tio̍h獻祭敬拜用ê「祭壇」,卻是為tio̍h beh記念用ê石碑,thang hō͘後代kiáⁿ孫明白無論是河西á是河東,lóng是以色列ê大家族同胞。結果是雙方lóng非常滿意,而歌頌上帝。

第34節,chit座祭壇因為án-ne被稱做「證壇」,是作為見證ê路用。
不過值得注意ê是,chit pái ê問題都無提起約書亞,而且派出ê代表mā m̄是大祭司以利亞撒,卻是伊ê kiáⁿ非尼哈。有可能是為tio̍h án-ne ê時ê約書亞真正是老邁了(參考十三:1、廿三:1—2),將處理宗族之間ê糾紛問題之權力下放hō͘各宗族首領家己去排解。Á非尼哈則一位真有智慧、勇敢ê新領袖,伊bat將犯姦淫罪ê心利kah米甸cha-bó͘人歌斯比刺殺,消除了上帝ê憤怒(參考民數記廿五:6—18),而且bat tī摩西差派下,pûn號筒攻打米甸軍得勝(民數記三十一:5—12)。詩人bat讚譽伊所做ê「善行」,將hō͘人記念到「世世代代」(參考詩篇一○六:30—31)。

重新查詢 專卷研經 約書亞記系列
錯誤回報,請聯繫