Chit段經文說明物件兩岸各設立ê三座庇護城。

第7節講出這三座城，就是屬tī 拿弗伊利ê基低斯、以法蓮ê示劍，kah猶大ê亞巴等三座城等。

第8節，chit節說明東岸ê三座城是呂便支族ê比悉城、迦得ê拉末城、瑪拿西ê哥蘭等三座城。

第9節，chit節真清楚說明chiah-ê庇護城是為tio̍h所有以色列人民，以及寄居tī in中間ê外僑。若無經過chiah-ê庇護城ê長老審判結束，lóng tio̍h hō͘ in chiah-ê來走chhōe庇護者安全。

Koh講這六座城是分別tī北部、中部、南部，主要目的就是hō͘各支派ê人lóng方便走chhōe庇護ê路用。Thang知影以色列人民雖然允准「以眼還眼」、「以牙還牙」ê報復行為（參考出埃及記廿一：23—25，利未記廿四：19—20），m̄-koh mā為tio̍h beh防止有人亂使用chit項律法，鑽律法漏洞，特別設置庇護城保護無辜、冤枉者，hō͘ in有申訴ê機會，hō͘非故意而誤刣人ê人，有免tī被報復ê危險。