Chit段經文是所有族群lóng分配土地後，做一個總結。

第49到50節，先注意在第十五章13到19節提起，tī摩西時代去窺探tńg來ê兩個hō͘ 上帝應允會得thang進入迦南地ê迦勒kah約書亞，迦勒已經先來向約書亞請求分配希伯崙hit片土地hō͘伊ê家族。M̄-koh約書亞表現出非常寬闊ê心胸，tī所有ê支族lóng分配完了後，chiah因為以色列人民ê回應，而hō͘約書亞一塊地表達感恩ê意思。地點就是照約書亞ê需要tī以法蓮山區ê亭拿‧西拉，約書亞修建hit-ê城，khiā起 tī hia。