約書亞記 18章1節 到 18章10節   背景資料  上一筆  下一筆
Chit章thang分做兩個部分來看,一是1到10節有關分配土地hō͘其他支族ê人ê事。二是第11到28節記載分配給便雅憫支族ê土地範圍。

Chit段經文作一個簡略序言,說明分配給其他支族ê土地。Tī頭前講述分配土地ê事,地點是tī吉甲(參考十四:6),chit-má講述其他七個支族分配土地,地點就是tī示羅(第1節)。

第1到3節,tī第1節真清楚說明「示羅」就是設立「聖幕」ê所在,mā就是敬拜ê中心,一直到掃羅時代lóng是。M̄-koh另外一件隱藏tī以色列人心中ê事,就是in kah-ná並無啥燒熱衷tī開疆闢地,這可能牽扯到chiah-ê比較小ê支族們可能有ê想法:若是按照人口分配土地,in就算拼命,m̄-koh所得ê卻是比其他支族ê小。因為án-ne,並無啥想koh再繼續「為別人」拼命,kan-taⁿ想beh家己安身立命。

第4到7節,就án-ne約書亞要求這七支族各派三位代表去測量土地,然後回報,約書亞將chhun落來土地分做七份,然後koh再以抽籤ê方式分配土地hō͘這七支派。第十八章7節koh一pái強調利未人無法度分配土地,m̄-koh tī第廿一章則清楚記明,利未族人ē-tàng tī各族群中得tio̍h城市khiā起,而且ē-tàng擁有家己ê產業。換句話講,利未族人是分散tī每一個族群中。

第8到10節,chiah-ê支派ê人聽從約書亞ê吩咐,派人去勘查地形,繪製地圖hō͘約書亞,in勘查ê時mā kā所有ê城鎮lóng列名造冊,帶tńg來示羅見約書亞。

重新查詢 專卷研經 約書亞記系列
錯誤回報,請聯繫