約伯記 36章22節 到 36章33節   背景資料  上一筆  下一筆
Tùi chit章第22節開始,一直到第三十七章24節止,lóng是teh歌頌上帝ê詩歌。然續後落來就是第三十八章到第四十一章,是上帝出面回答約伯ê疑問。Á上帝ê回答內容kah chit段經文ê內容非常連貫。

Tī chit段經文中,以利戶提供另外一個思考中心題目:咱無法度知影上帝ê旨意。人對上帝ê認bat jú少,表示人jú渺小。

第22到24節,chit段經文特別強調上帝ê無限大,相對ê,就顯示出人ê渺小,以利戶透過chit種方式teh提醒約伯,無應該質疑地上帝ê公義。Tī chit段經文中,以利戶特別kā重點khǹg-tī第22 kah 26 chit兩節,lóng是用「上帝jōa-ni̍h-á ê偉大」chit種詩句開始。因為上帝「是siōng偉大ê導師」,萬物lóng是出tī祂ê手所造。因為án-ne,只有上帝chiah知影kui個祂所造ê宇宙萬物。因為án-ne,人若想beh瞭解性命ê問題,只有問上帝siōng清楚。人只是學生;學生siōng重要ê就是聽從kah學習。以利戶勸約伯ài kā家己ê角色弄清楚,m̄-thang混淆。因為上帝是kui個宇宙萬物ê造物主,因為án-ne,無任何一個人thang「指定」上帝「該做」甚麼事,á是teh指責上帝ê錯誤。換句話講,人m̄-nā無法度批評上帝ê作為,而是beh知影謙卑,án-ne就會凡事感恩,並且知影「頌讚」上帝ê名。

第25到26節,以利戶講人「只有ē-tàng tùi遠處觀看」上帝奇妙ê作為,意思就是無法度明白清楚。Ná親像遠距離看事物仝款,霧霧無清不清。Koh講,這mā teh表示卑微ê人無法度靠近偉大ê上帝(參考出埃及記二十:18—21)。Mā無法度估計無限ê上帝,單單以人ê歲數、時間來看就是án-ne(參考彼得後書三:8)。

第27到28節,落雨了後,陽光蒸發水氣koh hō͘雨水重新降落大地,chit種宇宙之間ê循環不息,tú好講出上帝創造ê奇妙。而且chiah-ê lóng是上帝眷顧人類ê作為。

第29到33節,chit段經文lóng teh描述kui個空中奇妙ê景象,大大超過人所ē-tàng明白ê範圍。

以利戶講上帝「hō͘雲彩移動」,m̄-koh人卻只有ē-tàng tùi地上觀看;上帝「雷電橫掃天空」、「sìh-nà照耀天空」,m̄-koh「海ê深處猶原烏暗」,m̄-koh chiah-ê卻帶來豐沛ê雨水thang灌溉大地,hō͘地上ê農作物thang產生「豐富ê食物」好「養飼萬民」。當人看見、聽見「雷電」ê時,就會知影kā有「風暴ê來臨」,連cheng-seⁿ mā知影怎樣bih起來免得受害。以利戶用chit種方式teh表達一個觀念:chiah-ê sìh-nà、雷電、大雨等等,lóng是上帝手中ê工作,thang用來滋潤大地,hō͘五穀豐收。仝款ê,上帝mā ē-tàng用chiah-ê雷電、sìh-nà、風暴等當做工具,懲罰悖逆祂ê人。

重新查詢 專卷研經 約伯記系列
錯誤回報,請聯繫