約伯記 34章16節 到 34章37節   背景資料  上一筆  下一筆
以利戶tī chit段經文中khah強調約伯所認bat ê上帝是錯誤ê,為tio̍h án-ne伊beh向約伯紹介上帝。其實約伯ê三位朋友tī頭前mā lóng bat紹介過(參考約伯記五:8—16、八:20、十一:8—11、廿四:22—23),包括約伯家己mā bat描述過家己所認bat ê上帝(參考九:4—10、十二:16—25、廿三:8—10a、13)。雖然每一個人lóng會想出所有ê辦法beh描述家己所認bat ê上帝,m̄-koh每一個人對上帝ê認bat lóng m̄是完整ê,認清chit點是非常重要ê。

第16到17節,以利戶認為約伯若是一個賢明者,必定bē對上帝ê認bat有錯誤。有限人怎樣ē-tàng「譴責公義ê上帝」,á是認為上帝「討厭公道」,這絕對m̄是上帝ê本質。

第18到19節,chit兩節提起上帝ê權威kah權柄,m̄是世間ê君王所ē-tàng抵擋。因為世間君王ê權柄mā是上帝賞賜ê,因為án-ne,上帝ē-tàng對任何君王下命令,伊bē偏袒任何一個君王。無論是貧賤富貴lóng是上帝「親手所造」ê,祂看重每一個性命。

第20到23節,無論是甚麼款ê人,隨時lóng有可能因上帝ê懲罰而喪失性命。Tī chiah-ê世界上,無一個人ē-tàng久長無衰退,mā無任何一個人ē-tàng承受得了上帝ê懲罰,即使是君王貴族mā是仝款。上帝ê公義tùi祂ê審判結果就thang看出來。因為祂鑒察每一個人ê所做所為,邪惡ê人絕對無法度逃避上帝ê審判,即使是「深沉ê烏暗、死亡ê陰影」lóng無法度「藏匿」得tòa「罪人」。

第23到28節,chit段經文真詳細講tio̍h上帝ê屬性是:無所不知、無所不在、無所不能。頭前談及上帝運行祂ê氣力tī kui個宇宙空間中,以利戶tī chia進一步表示,上帝mā無受時間ê限制,祂按照家己ê意思行動。祂清楚知影每一個人ê言行舉止是m̄是犯錯,而且世間所有君王ê權柄lóng是tùi上帝來,因為án-ne上帝有權、mā有能力ē-tàng廢除所有人ê權位,並且揀選別人來代替(參考約伯記十二:18—19,另外參考路加福音一:52)。對邪惡ê人懲罰ê時,並無會tī暗中進行,公義ê上帝做事光明磊落,為tio̍h是beh hō͘大家thang引認為鑒。第28節thang講以利戶言論中siōng值得注意ê,伊講上帝會聽被迫害ê sàn-chhiah人祈禱ê聲音,而chit種觀點tī以利法ê言論中mā出現過(參考約伯記五:15—16)。因為欺壓sàn-chhiah人一直是上帝siōng討厭ê行為,上帝絕對bē袖手旁觀。Chiah-ê人即使因為án-ne而富有,mā會tī上帝嚴懲之下失去一切(參考阿摩司書五:11,俄巴底亞書10—16)。

第29節,約伯bat一再呼籲上帝回答伊受苦ê原因,m̄-koh上帝一直無回答伊提出ê問題(參考約伯記第廿三章)。以利戶希望約伯ē-tàng明白一件事:上帝並m̄是按照人ê希望、意思做tāi-chì,上帝有家己ê行動準則á是做事ê方法,而人lóng是希望上帝照人所想ê方式去進行,chit種觀念、想法是錯誤ê。

第30節,如果無上帝幫助,chiah-ê為非作pháiⁿ ê統治者會繼續凌辱人民,hō͘已經受難ê人民永無安寧之日。就是因為有上帝幫助,chiah ē-tàng推翻chiah-ê不義ê統治者。以利法chit種講法,是beh約伯知影,上帝自有想法kah計畫,約伯m̄免埋怨,講上帝不幫助伊。

第31到33節,以利戶坦白講出伊眼中ê約伯,siōng大ê問題是m̄知家己犯甚麼錯。因為án-ne,以利戶認為約伯若是承認家己ê錯誤,上帝必定會回答伊ê話。類似ê勸勉tī約伯三位朋友ê言論中mā已經出現過(參考約伯記五:8、八:5—7、十一:13—14)。以利戶一再強調約伯必定有違背上帝旨意ê所在,soah koh m̄知悔改,因為án-ne,上帝chiah會不理伊。伊勸約伯若想beh免tī受懲罰,只有伊「該做決定」,chit句話真清楚講出以利戶並bē-tàng替約伯認罪悔改,而一定tio̍h是做錯事ê人家己認罪悔改。別人ē-tàng做ê,只有為伊向上帝祈禱,祈求上帝ê憐憫kah赦免。

第34到37節,可能是因為以利戶一再希望約伯ē-tàng回答伊ê話,卻都無聽tio̍h伊ê回應,就án-ne伊就koh一pái轉向旁觀者提出對約伯ê看法,主要目的是希望藉tio̍h公眾ê言論hō͘約伯承認家己有錯誤,相對ê就是表示以利戶ê觀點是正確ê。以利戶認為約伯「無知」,所講ê話「lóng無意義」,只要小khóa用心想一下約伯所講ê話,就會「發覺伊講話像作惡ê人」仝款。Á m̄知悔改ê約伯,等於是tī公眾面前「侮辱上帝」,罪惡實在深重。其實chiah-ê指責其他ê三位朋友mā表達過(參考約伯記八:2、十一:2—3、十五:2—3、十八:2)。Á約伯則認為chiah-ê朋友所講ê話mā是仝款無甚麼意義,只是加添伊ê愁煩而已(參考十六:2、十九:2—3),約伯甚至認為chiah-ê朋友並無比伊好,mā無值得hō͘伊學習ê所在。

重新查詢 專卷研經 約伯記系列
錯誤回報,請聯繫