約伯記 30章9節 到 30章15節   背景資料  上一筆  下一筆
Tī前一段描述hiah-ê過去生活是潦倒kah落魄,而Tī chit段詩歌中,作者描述chiah-ê人taⁿ用甚麼款ê態度teh嘲(sau)笑、戲弄約伯。In m̄-nā無感恩ê心,反tńg是用別人過去對待in父母ê輕視態度去對待約伯。

Chit段描述kah第廿九章11到17節記載約伯過去是好款待貧困孤寡ê人,tú好成明顯對比。作者用chit種方式teh說明「善並無善報」、「惡mā無惡報」。

第9到10節,chiah-ê過去被約伯救助過ê人,taⁿ是用正khau倒削ê態度對待約伯,kā約伯當做in取笑作樂ê對象。Chia所講ê「笑柄」一詞,mā thang當做「歌曲」解釋,意思是teh指約伯遭遇苦難ê事,tī街路民間已經有人kā它編成歌曲teh唱,用來侮辱約伯,甚至朝ǹg約伯ê面「吐嘴瀾」,這是一種非常惡質ê方式(參考以賽亞書五十:6),kah約伯過去對待in ê態度完全顛倒(參考約伯記廿九:24)。

第11到15節,約伯認為chiah-ê人膽敢án-ne對待伊,是因為in認為約伯是受tio̍h上帝懲罰,所以in án-ne對待約伯mā是teh成全上帝ê旨意,ná親像俗語所講ê「替天行道」仝款。Chiah-ê人看tio̍h約伯無力tńg來擊,就認為伊好欺負,就án-ne in包圍約伯,然後盡情地攻擊伊、侮辱伊,hō͘伊感受tio̍h ná親像面臨死亡般無法度喘過氣來。Chit時chūn,約伯發見過去所有ê榮華富貴(參考廿九:3—10)lóng已經會失去。這mā說明伊過去因為敬畏上帝所得tio̍h ê一切,taⁿ mā保不住à。Tī第11節伊koh一pái提起所有tú-tio̍h ê災難,乃是tùi上帝來ê安排á是受上帝遺棄有ê結果。

其實約伯記ê作者是透過chit種方式提出ê一個問題:如果人生ê苦、樂、禍、福等lóng是tùi上帝來ê安排,án-ne,像約伯chit種好人mā受tio̍h án-ne慘痛ê待遇,是m̄是mā是上帝「故意」安排ê?若是,這豈m̄是說明上帝「故意」hō͘好人受苦難?若m̄是,án-ne,好人為何會受苦難?

重新查詢 專卷研經 約伯記系列
錯誤回報,請聯繫